ሂዚቄላ ቲንቢቴ 41:16 - Geeshsha Maxaafa

¹⁶ wuygeppe biidi maskooteta gakkanaas, miththan licetti uttides; maskootetikka miththan licetti uttida.

ጋሞ ማጻፋ

¹⁶ ዉይጌፔ ቢዲ ማስኮቴታ ጋካናስ፥ ሚን ሊጬቲ ኡቲዴስ፤ ማስኮቴቲካ ሚን ሊጬቲ ኡቲዳ።

ሂዚቄላ ቲንቢቴ 41:16 ပူးပေါင်းရင်းမြစ်များ

1ካዎታ ማጻፋ 6:15

Xoossa Keeththaa godaa soo baggara ziga sanqqan kammides; wuygeza qasse xiidda sanqqafe ooththides.

1ካዎታ ማጻፋ 6:4

Xoossa Keeththaas soo baggara aakkidi kare baggara xuummida maskooteti deettes.

2ታሪኬ ማጻፋ 3:5

Xoossa Keeththaas waanna kifileza xiidda xalla licidi kammides; histtidi muuruta worqqan meeshides; zamba misatiza misleninne sansalata misatiza mislen alleqissides.

ኢሳያሳ ቲንቢቴ 6:4

Istta qaala cenggurssafe dendidayssan Xoossa Keeththas yochchay qaaxxides; qasseka Xoossa Keeththaa cuway dhippi gi kumides.

ሂዚቄላ ቲንቢቴ 10:18

Hessafe guye GODAA bonchchoy Xoossa Keeththa darmachchafe dendidi kirubeta bolla eqqides.

ሂዚቄላ ቲንቢቴ 40:16

Kifileti simerettizason diza daaranchchata mala hadirsa baggaranne ushachcha baggara isttas guuththa maskooteti deettes. Yuuyi aadhdhanaas diza maskooteti geliza pengezappe sinththa baggara dizayta gidishin issi issi kifiles hadirsa baggaranne ushachcha baggara godaa bolla zamba miththa misley giigetti uttides.

ሂዚቄላ ቲንቢቴ 40:25

Likke harata mala, ha dirsa pengeza matan diza kifiletas ubbaas maskooteti deettes. Dirsa penge zoonoy 50 wadha; aahoteththaykka 25 wadha.

ሂዚቄላ ቲንቢቴ 40:6

Hessafe guye arshe kessa baggara diza dirsa pengeekko bides. Kechchata kezidi geliza pengeza madirake wadhdhides; izas geesay usuppun wadha gidides.

ሂዚቄላ ቲንቢቴ 41:15

Nam7u baggarakka diza kanththiza sohota gujjidi arshey wulliza baggara diza keeththa adussateththaa wadhdhides; histtiin xeetu wadha gidides. Xoossa Keeththa Geeshsha sohoy, iza qol7aynne iza daaranchchay

ሂዚቄላ ቲንቢቴ 41:17

Xoossa Keeththas soo bagga kifileta goday pengetappe bolla aadhdhana gakkanaas, zambatanne kirubeta misletan alleqetti uttides; kifiletan yuuyi aadhdhanaaska zamba misleninne kirube mislen walakan medhetti uttides. Kirubetas ubbaas nam7u nam7u ayfesoy dees.

ሂዚቄላ ቲንቢቴ 42:3

Giddo zagoppe nam7u tammu wadha haakkidi qasse sinththa baggara kare zagozan diza hiixettida shuchchaafe sinththa baggara issoy issaakko xeelliza heedzdzu deththi diza pooqey dees.

ሃጌ ቲንቢቴ 1:4

«Ta keeththay laaletti dishin intte lo7o keeththan daanaas hayssi inttes bessiza wodeyee?»

1ቆሮንቶሴ ኣሳስ 13:12

Nuni ha7i be7izayssi haaththan xeelliza mala coo bozhi bozhees shin he wode gidikko nu iza ayfeso lo7eththi beyana; ta ha7i kumeth gidontta bagga xalala erays; he wode gidikko tani ta hu7es erettidayssa mala erana.