ሂዚቄላ ቲንቢቴ 38:4 - Geeshsha Maxaafa

⁴ Ta nena guye zaarana; tani ne siidhen dafo aaththada kumeth ne olanchchatara, ne paratara, ne toga asata istta kumeththa ola massarara, wogga gondallenne qeeri gondalle oykkidayta ubbaa, bantta giththa mashsha bessizayta ubbaa ta kessana.

ጋሞ ማጻፋ

⁴ ታ ኔና ጉዬ ዛራና፤ ታኒ ኔ ሲን ዳፎ ኣዳ ኩሜ ኔ ኦላንቻታራ፥ ኔ ፓራታራ፥ ኔ ቶጋ ኣሳታ ኢስታ ኩሜ ኦላ ማሳራራ፥ ዎጋ ጎንዳሌኔ ቄሪ ጎንዳሌ ኦይኪዳይታ ኡባ፥ ባንታ ጊ ማሻ ቤሲዛይታ ኡባ ታ ኬሳና።

ሂዚቄላ ቲንቢቴ 38:4 ပူးပေါင်းရင်းမြစ်များ

2ካዎታ ማጻፋ 19:28

Ne ta bolla hanqettida gishshassinne ne kadhey ta hayththan wodhdhida gishshas tani ne siidhen dafo yeggana; tani nena bixala barsana; ne yida ogera nena guye zaarana.

1ታሪኬ ማጻፋ 12:8

Dawiti bazzon baqati attizason diza wode Gaade zarkketappe olanchchati izakko yida; isttika minonne olas giigettida asata; qasseka gondallenne toora oyth dandayzayta; istta ayfesoy gaammo mala babisees; istti zuma bolla guppiza genessa mala pilateettes.

2ታሪኬ ማጻፋ 25:5

Amasiyaasi Yuhuda asaa shiishshidi bantta aawata keeththan keeththan shaalaqatanne mato halaqata shuumidi kumeththa Yuhuda bollanne Biniyaame bolla woththides; isttas layththay nam7u tammanne hessafe bollara gididayta shiishshidi gondallenne toora oykkidi olettanaas dandayza 300,000 asata demmides.

ኢሳያሳ ቲንቢቴ 37:29

Neni ta bolla hanqon dendettida gishshassinne, ne hallacizayssi ta hayththan wodhdhida gishshas, tani ne siidhen dafo aaththana; ne doonankka bixala barsana; ne yida ogerakka ta nena guye zaara yeddana» gides.

ኢሳያሳ ቲንቢቴ 43:17

para-gaaretanne parata, olanchchatanne mino asata ubbaa ehidi, istti zaari dendontta mala zaqullisida GODAY, muqaadda bidntha mala istta dhayssida GODAY,

ኤርማሳ ቲንቢቴ 46:9

Paratoo guppi kezite; para-gaaretoo adaraasite; gondalle oykkida Tophphiya asaynne Puuxe asay, wondafe waaxi oykkida mino gidida Luudime asati, intte mino olanchchati olas dendite.

ሂዚቄላ ቲንቢቴ 23:12

Qasseka haarizaytaranne azazizaytara, seelo may7o may7ida olanchchatara, pilata toganchchataranne mala lo7o gidida Asoore naateththatara laymatanaas amotta kaalladus.

ሂዚቄላ ቲንቢቴ 29:4

Gido attiin ne siidhen ta dafo aaththana; ne shaafatan diza moleta ne gogara oyseththana. Nees gogan shabbida moleta ubbaara ta nena ne shaafatappe goochcha kessana.

ሂዚቄላ ቲንቢቴ 38:15

Pudeha baggafe haaho biittafe ne yaana; neninne nenara diza cora kawoteththati para toggidi keehi minonne wolqqama olanchcha gididi yaana.

ሂዚቄላ ቲንቢቴ 38:3

Neni izas Ubbaa Haariza GODAY, ‹Mesheekessinne Tubaales waanna halaqa gidida haysso Googe tani ne bolla dendadis.

ሂዚቄላ ቲንቢቴ 39:2

Tani nena guye zaarananne goochchana; ta nena pudeha baggafe haakosoppe ehada Isra7eele zumata bolla yeddana.

ሂዚቄላ ቲንቢቴ 39:20

Ta maaddan parata, toganchchata, wolqqama asatanne dumma dumma qommofe shiiqida hara wottadarata asho kallanaashe gakkanaas intte maana› gees.

ዳኔላ ቲንቢቴ 11:40

«Wurseththa wodey gakkishin dugeha bagga kawoy pudeha bagga kawoza bolla olas worajjana; pudeha bagga kawoy para-gaaren, toganinne markabetan go7ettidi olaa eqettana; di7o haaththa mala daro dereta worajji oykkana.

ኣሞጼ ቲንቢቴ 4:2

Hessa gishshas GODAY ba geeshshateththan, «Inttes siidhen dafoy aadhdhiin intte baana wodey yaana; inttefe heen biitta bolla attidayti qasse manxakon oyketti biza mole mala oyketti baana.