ሂዚቄላ ቲንቢቴ 38:16 - Geeshsha Maxaafa

¹⁶ Biitta kammiza shaara mala, neni ta asa Isra7eele bolla worajjana. Haysso Googe ta geeshshateththaa kawoteththata sinththan tani qonccisishin istti tana erana mala sinththafe yaana wodetan ta biittay bolla ta nena ehana› gees.

ጋሞ ማጻፋ

¹⁶ ቢታ ካሚዛ ሻራ ማላ፥ ኔኒ ታ ኣሳ ኢስራኤሌ ቦላ ዎራጃና። ሃይሶ ጎጌ ታ ጌሻቴ ካዎቴታ ሲንን ታኒ ቆንጪሲሺን ኢስቲ ታና ኤራና ማላ ሲንፌ ያና ዎዴታን ታ ቢታይ ቦላ ታ ኔና ኤሃና› ጌስ።

ሂዚቄላ ቲንቢቴ 38:16 ပူးပေါင်းရင်းမြစ်များ

2ካዎታ ማጻፋ 19:19

Ha7ikka GODAWU nu Xoossawu! Neni xalla Xoossa gididayssa ha biittaa bolla diza kawoteththati erana mala iza kusheppe nuna ashsha» gi woossides.

ኬሳ ማጻፋ 14:18

Tani kawoza baggara iza para-gaareta baggaranne iza toga asata baggara taas bonchcho demmida wode tani GODAA gididayssa Gibxe asay erana» gides.

ኬሳ ማጻፋ 14:4

Tani kawoza wozina minththana; izi istta gooddana; tani kawoza baggaranne iza olanchchata ubbaa baggara bonchchettana; Gibxe asaykka tani GODAA gididayssa erana» gides. Histtiin Isra7eele asay izi yootida mala ooththides.

ኢሳያሳ ቲንቢቴ 2:2

Wode wurseththan Xoossa keeththi iza bolla keexettida zumay hara zuma ubbaafe dhoqqi beettana. Zumbullata ubbaafe dhoqqu dhoqqu gaana; ubbaa kawoteththati hee goochchana.

ኢሳያሳ ቲንቢቴ 29:23

Bantta giddon ta kushe ooso gidida bantta nayta be7ishe ta sunththaa geeshshateththan naagana; istti Yaaqoobe Geeshshaza geeshshateth erana; Isra7eele Xoossaa sinththan yashshateththan eqqana.

ኢሳያሳ ቲንቢቴ 5:16

Gido attiin Ubbaafe Wolqqama GODAY, suure pirdan dhoqqu dhoqqu gaana; geeshsha Xoossay ba geeshshateththaa ba xilloteththan bessana.

ኢሳያሳ ቲንቢቴ 8:13

Intte dummasana bessizay Ubbaafe Wolqqama GODAA xalla; intte yayyanaassinne kokkoranaas bessizay iza.

ሂዚቄላ ቲንቢቴ 20:41

Intte laaletti diza kawoteththa giddofe tani inttena ehiza wodenne hara biittatappe tani inttena shiishshiza wode, sawo tongu giza yarsho ekkiza mala tani inttena ekkana. Tani intte giddon geesh gididayssa kawoteththata sinththan qonccisana.

ሂዚቄላ ቲንቢቴ 28:22

Neni deraas Ubbaa Haariza GODAY nena, ‹Hanne Sidoona tani ne bolla dendadis; ne giddon tani bonchchettana; qixaate tani izi bolla ehishin, ta geeshshateththaaka ta izi giddon qonccisishin, tani GODAA gididayssa istti erana.

ሂዚቄላ ቲንቢቴ 36:23

Intte istta matan tunisiin kawoteththata giddon tunida gita ta sunththaa geeshshateththaa tani bessana. Istti xeellishin intte baggara tani ta geeshshateththaa qonccisiza wode kawoteththati tani GODAA gididayssa istti he wode erana. Tani Ubbaa Haariza GODAY hayssa yootays.

ሂዚቄላ ቲንቢቴ 38:23

Tani ta gitateththaanne ta geeshshateththaa hessan bessana. Qasse daro kawoteththata sinththan tani tanateththaa erisana. Hessafe guye tani GODAA gididayssa istti erana› gees.

ሂዚቄላ ቲንቢቴ 39:21

«Kawoteththata giddon tani ta bonchcho qonccisana; kawoteththati ubbay tani istta bolla ehida qixaatenne ta istta bolla deexeththida kushe be7ana.

ሂዚቄላ ቲንቢቴ 39:27

Tani kawoteththata ubbaa giddofe istta zaara ehiza wode, istta morkketa biittafe ta istta shiishshiza wode, ta geeshshateththaa tani istta baggara daro kawoteththata sinththan bessana.

ሂዚቄላ ቲንቢቴ 39:7

« ‹Ta geeshsha sunththay ta deraa Isra7eelen erettana mala ta ooththana; hayssafe guyen ta geeshsha sunththay kadhettana malanne kawuyana mala ta koykke; hessan kawoteththati tani GODAY Isra7eele Geeshsha gididayssa erana.

ዳኔላ ቲንቢቴ 10:14

Ajjuutazi polettanaas buro sinththafe daro layththi diza gishshas sinththafe ne dereza bolla hanana yo7ota nees qonccisanaas ta yadis» gides.

ዳኔላ ቲንቢቴ 2:28

Gido attiin xuura yo7o ubbaa qonccisiza Xoossi salon dees; izi buro sinththafe yaana layththatan hananayssa ubbaa nees qonccisides; neni ne hiiththan ichcha dashe be7ida agumoynne ajjuutay hayssafe kaallizayssa.

ሆሴኤ ቲንቢቴ 3:5

Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.

ኢዩኤሌ ቲንቢቴ 3:11

Intteno yuuyi aadhdhanaas diza kawoteththatoo! Intte wurikka eeson kezite! Hirki shoobban issi bolla shiiqite. GODAWU, neni ne olanchchata kiita!

ሌዌታ ማጻፋ 10:3

Musey qasse Aaroones, «GODAY, ‹Ta sinththe shiiqidi taas ooththizaytas tani ta geeshshateththaa qonccisana; tanikka ta dereza achchan bonchchettidaade gidana› giidi izi asaa kase qofsidayssi hayssa» gides. Aarooneykka ay zaarokka immontta co7u gides.

ሚኪያሳ ቲንቢቴ 4:1

Wurseththa wode Xoossa keeththi iza bolla diza zumay hara zuma ubbaafe aadhdhi beettana; hara zumatappe bollara dhoqqu gaana; dereykka izakko goochchana.

ዛሬ ማጻፋ 31:29

Tani hayqqidaappe guye ta inttena azazida azazoppe kare kezidi tuna ooso intte ooththanayssa ta erays; GODAA sinththan iita ooso ooththidi intte iza hanqeththiko izi intte bolla bosha yeddana.»

1ጺምቶሳስ 4:1

Wode wurseththa bolla issi issi asay ammano aggidi baleththiza ayanatanne iita ayana timirte kaallanayssa Xillo Ayanay qonccera yootees.

2ጺምቶሳስ 3:1

Gido attiin wode wurseththan as metiza wodey yaanayssa ne era.

ዮሃኒሳ ኣጁታ 20:9

Istti kumeththa biittaa bolla laalettidi geeshshati dizasoyo dosettida katamayo giddoththida shin saloppe wodhdhida tamay istta dippi histti xuuggides.