ሂዚቄላ ቲንቢቴ 38:12 - Geeshsha Maxaafa

¹² Tani isttafe bonqqananne dafa ekkana; hessaththoka kawoteththata giddofe shiiqidi biittaas giddo addan daana; istti meheninne shaqacetan duretida, he biittayn diza deraa bolla ta kushe denththana› gaana.

ጋሞ ማጻፋ

¹² ታኒ ኢስታፌ ቦንቃናኔ ዳፋ ኤካና፤ ሄሳካ ካዎቴታ ጊዶፌ ሺቂዲ ቢታስ ጊዶ ኣዳን ዳና፤ ኢስቲ ሜሄኒኔ ሻቃጬታን ዱሬቲዳ፥ ሄ ቢታይን ዲዛ ዴራ ቦላ ታ ኩሼ ዴንና› ጋና።

ሂዚቄላ ቲንቢቴ 38:12 ပူးပေါင်းရင်းမြစ်များ

ኢሳያሳ ቲንቢቴ 10:6

Istta aqota bonqqana mala, banttas di7o buuri shiishshana mala, istti oge urqqaththo yedhettana mala, Xoos erontta kawoteththa bolla kiittana. Tana hanqeththida asaa bolla tani Asooreta yeddana.

ኤርማሳ ቲንቢቴ 30:16

«Gido attiin inttena dippi histti mida ubbati hessaththo meetettana; intte morkke ubbatikka di7etti baana; inttena bonqqidayti bonqqettana; inttena boggizayti bogettana.

ሂዚቄላ ቲንቢቴ 29:19

Hessa gishshas Ubbaa Haariza GODAY, ‹Tani Gibxe biitta Baabiloone Kawo Nabukadanaxoores aaththa immana; izis diza aqota ubbaa izi baas miiyana; iza olanchchatas damoza gidana mala biittayn diza miish ubbaa bonqqananne pitti efana.

ሂዚቄላ ቲንቢቴ 38:8

Daro wodeppe guye neni olas xeygettana; sinththafe yaana layththatan olappe shempidaari, izi asay daro kawoteththata giddofe kezi shiiqidaari, daro wodes bula gidida Isra7eele zumata bolla uttida deraa bolla ne worajjana. Istta kawoteththata giddofe kezidi ha7i saron daana.

ኣሞጼ ቲንቢቴ 1:8

Asqeloona dere kawozanne Ashdoode dere asaa ta pitta dhayssana; Filisxeemen dizayti wuri wurana gakkanaas tani ta kushe Aqaroone bolla denththana» gees.

ዛካራሳ ቲንቢቴ 1:12

Hessafe guye GODAA kiitanchchay, «Ubbaafe Wolqqama GODAWU! Laappun tammu layththatan ne istta bolla hanqettida Yerusalaamenne Yuhuda katamata ne ayide gakkanaas maarkkii?» gides.

ዛካራሳ ቲንቢቴ 1:17

«Kaaleththidikka kiitanchchazi, ‹Ubbaafe Wolqqama GODAY ta katamati keehi duretana; GODAY Yerusalaame kase mala maaddananne ba katama histti doorana› » gi awajjite.

ዛካራሳ ቲንቢቴ 13:7

«Ubbaafe Wolqqama GODAY, ‹Mashsha! Ta heenththanchcha ta daro dosizayssa bolla beegga! Heemmizayssa shoca; dorsatikka laalettana; tanikka ta qese guuththata bolla denththana› » gees.

ዳናታ ማጻፋ 9:37

Ga7aaley qasseka, «Xeella! Asay zumaas giddo addaara duge wodheththan dees; hara buttey qasse muurenno wola geetettizasora yees» gides.