ሂዚቄላ ቲንቢቴ 22:7 - Geeshsha Maxaafa

⁷ Aawatinne aayeti ne giddon kawuyida; bete asati un7ettida; yi7otinne am7eti tugga be7ida.

ጋሞ ማጻፋ

⁷ ኣዋቲኔ ኣዬቲ ኔ ጊዶን ካዉዪዳ፤ ቤቴ ኣሳቲ ኡንኤቲዳ፤ ዪኦቲኔ ኣምኤቲ ቱጋ ቤኢዳ።

ሂዚቄላ ቲንቢቴ 22:7 ပူးပေါင်းရင်းမြစ်များ

ዬ ማጻፋ 94:5

Abeet GODAWU! Istti ne deraa liiqiseettes; asaa toochcheettes.

ዬ ማጻፋ 94:6

Istti am7etanne bete asata wodheettes; yi7ota siifeettes.

ኬሳ ማጻፋ 20:12

«GODAA ne Xoossay nees immiza biittan ne daro layth daana mala, ne aawaanne ne aayo bonchcha.

ኬሳ ማጻፋ 21:17

«Ba aawa woykko ba aayo cayizaadey hayqqo.

ኬሳ ማጻፋ 23:9

«Hara dereppe yida bete as qohoppite; bete as gideththi ay mala deexxizaakko intte ereeta; ays giikko intte intte hu7en bete gididi Gibxe biittan de7ideta.

ሌሚሶ ማጻፋ 20:20

Ba aawa woykko ba aayo cayizaades, xomppey sakkanna dhuman to7ana.

ሌሚሶ ማጻፋ 30:11

Ba aawa qanggizanne ba aayokka anjjontta yeletay dees.

ሌሚሶ ማጻፋ 30:17

«Ba aawa qidhiza naa ayfenne, ba aayo kadhiza naa ayfe kelkan de7iza quuroti woocana; iza ashoza ankkoti maana.

ኢሳያሳ ቲንቢቴ 1:17

Lo7o ooso tamaarte; suure pirda koyite; qohettidayta minththeththite; yi7otas eqqite; am7etas mootettite» gides.

ኢሳያሳ ቲንቢቴ 1:23

Nena kaaleththizayti makkallanchchataranne kaysotara laggetida; istti ubbayka maganxo doseettes. Matta7ekka keehi koyeettes; yi7otas aadhdhi eqqettenna; am7eta magana siyettenna.

ኤርማሳ ቲንቢቴ 7:6

bete yida asatanne yi7ota, am7eta intte qohontta aggiko, hayssa ha biitta bolla xillo suuth gussontta aggiko, inttena qohiza eeqa xoossata intte kaallontta aggiko,

ሂዚቄላ ቲንቢቴ 18:12

hiyeesanne metotettidaade un7eththiko, wolqqara dafi ekkiko, oyso ekkidayssa zaarontta ixxiko, eeqa xoossatakko simmiko, harassiza oosota ooththiko,

ሂዚቄላ ቲንቢቴ 22:25

Izi daannati ba wodhidayssa puuzishe xaaggiza gaammo mala izi giddon duulateettes; deraa wodheettes; istta aqotanne isttas diza al7o miishshata bonqqi ekkeettes; daro maccassata am7eta histteettes.

ሂዚቄላ ቲንቢቴ 22:29

He biittan diza asay bonqqeettes; boggeettes; pirda geellasidi hiyeesanne metotanchchata un7eththeettes; bete asaakka qoheettes.

ሌዌታ ማጻፋ 20:9

« ‹Ba aawa woykko ba aayo cayizaadey hayqon qaxxayetto; izi hayqon qaxxayettizay ba mooronna.

ዛካራሳ ቲንቢቴ 7:10

Am7eta, yi7ota, bete asatanne manqota metoththofte; issoy issaas intte wozinan iita qoppofte› gees.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ማርቆሳ ሚሺራቾ 7:10

Ays giikko Musey, ‹Ne aayonne ne aawaa bonchcha; ba aayonne ba aawaa cayizaadey mulekka hayqqo› gides.

ዛሬ ማጻፋ 24:17

Hara biitta asatassinne yi7o naytas pirda geellasoppa; am7ey may7o iza tal7e ekkida miishsha gishshas gaada oyso ekkofa.

ዛሬ ማጻፋ 27:16

«Ba aawa woykko ba aayo kawushshizaadey qanggettidaade gido!» Derezi wurikka, «Amiin!» go.

ዛሬ ማጻፋ 27:19

«Bete asata, yi7o naytanne am7eta pirda geellasi pirdiza ubbay qanggettidaade gido!» Derezi wurikka, «Amiin!» go.

ዛሬ ማጻፋ 5:16

« ‹Tani GODAA ne Xoossay nena azazida mala ne aawaanne ne aayo bonchcha; ne hessaththo ooththiko GODAA ne Xoossay nees immiza biittayn ne layththi aduqqananne nees injjetana.