ሂዚቄላ ቲንቢቴ 20:9 - Geeshsha Maxaafa

⁹ Gido attiin istti kase diza kawoteththa giddoninne Isra7eele asaa Gibxeppe wozzanaas tani qaala geliza wode istta matan ta qonccida kawoteththata sinththan ta sunththi tunontta mala ta sunththaa gishshas genccadis.

ጋሞ ማጻፋ

⁹ ጊዶ ኣቲን ኢስቲ ካሴ ዲዛ ካዎቴ ጊዶኒኔ ኢስራኤሌ ኣሳ ጊብጼፔ ዎዛናስ ታኒ ቃላ ጌሊዛ ዎዴ ኢስታ ማታን ታ ቆንጪዳ ካዎቴታ ሲንን ታ ሱን ቱኖንታ ማላ ታ ሱን ጊሻስ ጌንጫዲስ።

ሂዚቄላ ቲንቢቴ 20:9 ပူးပေါင်းရင်းမြစ်များ

ዬ ማጻፋ 106:8

Gidikkoka izi ba sunththaa gishshas, ba gita wolqqa erisanaas istta ashshides.

ኬሳ ማጻፋ 32:11

Gido attiin Musey GODAA ba Xoossaa, «Abeet Godoo! Neni ne gita wolqqaninne ne mino qesen Gibxeppe kessada ehida ne asaa bolla hessaththo aazas hanqettay?

ኬሳ ማጻፋ 32:12

Gibxe asay, ‹Izi istta zumata bollan wodhanaassinne biittafe pitti dhayssanaas iita qofan kessides› ays geetettay? Neni ne wolqqama hanqofe simma; asaa dhayssanaas qoppidayssa agga.

ኢሳያሳ ቲንቢቴ 48:11

Ta gishshas gaada, tani ta gishshas gaada ooththays. Tarkka tana wostta kawushshateththas aaththa immoo? Ta bonchcho oonaska immike.

ሂዚቄላ ቲንቢቴ 20:14

Gido attiin tani istta Gibxeppe kessishin be7ida kawoteththata sinththan ta sunththi tunontta mala ta sunththaa gishshas genccadis.

ሂዚቄላ ቲንቢቴ 20:22

Gido attiin tani istta Gibxeppe kessishin be7ida kawoteththata sinththan ta sunththi tunontta mala ta kushe shiishshadis.

ሂዚቄላ ቲንቢቴ 39:7

« ‹Ta geeshsha sunththay ta deraa Isra7eelen erettana mala ta ooththana; hayssafe guyen ta geeshsha sunththay kadhettana malanne kawuyana mala ta koykke; hessan kawoteththati tani GODAY Isra7eele Geeshsha gididayssa erana.

ዛሬ ማጻፋ 9:28

Ne histtontta aggiko nuna he dere asay, «GODAY istta gelththana giidi hidota immida biittayo gelththanaas dandayontta gishshassinne izi istta ixxida gishshas bazzo biittan istta wodhanaas kessides» giidi miiccana.

ኢያሶ ማጻፋ 2:10

Gibxe biittafe intte kezida wode intte sinththan Zo7o abbaa GODAY wostti melissidaakko nuni siyidos; qasse Yordaanoose shaafappe arshe kessaso baggara diza Amoore biitta kawota nam7ata, Sihoonenne Aage intte wostti ubbaa dhayssidaakko nu siyidos.

ኢያሶ ማጻፋ 7:9

Kanaane asaynne ha biittan diza hara asay wuri ha yo7oza siyidi nuna dooddana; biitta bollafe nu sunth dhayssana; histtiin ne gita sunththaa gishshas gaada ne ay ooththanee?» gides.

1ሳሜላ ማጻፋ 12:22

GODAY inttena ba dere histtanaas dosida ba gita sunththaa gishshas ba deraa aggenna.

1ሳሜላ ማጻፋ 4:8

Nuus aayye ana! Hayta wolqqama eeqa xoossata kusheppe nuna ashshanay oonee? Hayti kase Gibxe asaa bazzo biittan dumma dumma boshan shocida eeqa xoossata.