ሂዚቄላ ቲንቢቴ 2:3 - Geeshsha Maxaafa

³ Izikka taas, «Haysso asa nawu! Ta bolla makkallida makkallanchcha dere Isra7eele asaakko ta nena kiittays; isttinne istta aawati hach gakkanaaska ta bolla makkallida.

ጋሞ ማጻፋ

³ ኢዚካ ታስ፥ «ሃይሶ ኣሳ ናዉ! ታ ቦላ ማካሊዳ ማካላንቻ ዴሬ ኢስራኤሌ ኣሳኮ ታ ኔና ኪታይስ፤ ኢስቲኔ ኢስታ ኣዋቲ ሃች ጋካናስካ ታ ቦላ ማካሊዳ።

ሂዚቄላ ቲንቢቴ 2:3 ပူးပေါင်းရင်းမြစ်များ

2ካዎታ ማጻፋ 17:14

Gido attiin istti siyibeettenna; istti GODAA bantta Xoossan ammanettontta ixxida bantta aawata mala ba wozina muumisida.

2ካዎታ ማጻፋ 17:15

Iza maara, izi istta aawatara gelida caaqo qaalanne izi isttas minththi yootida qaalaa kadhida; hada gidida eeqa xoossata kaallida; banttaska hada gidida; GODAY isttas, «Istti ooththizayssa intte ooththofte» giidi azaziinkka istti bantta yuushon diza kawoteththata kaallida; istti ooththontta mala GODAY diggidayssa polida attiin aggibeettenna.

ኢዝራ ማጻፋ 9:7

Kase nu aawatappe doommidi hach gakkanaas nu keehi daro mooro ooththidos; nu nagarappe dendidayssan nuni, nu kawotinne nu qeeseti allaga kawota kushen kundidos; hessafe dendidayssan mashshas imettidos; nu haaroykka bonqqettides; nu qashettidi di7etti bidos; hach nu dizayssa mala wurseth gakkanaas kawuyidos.

ናሂሚያ ማጻፋ 9:26

«Gido attiin istti ne bolla makkallida; ‹Ne qaalaska azazettoko› gida; ne wogaa siyokko giidi nees zokko zaarida; qasse istti neekko zaarana giidi seeri tamaarsida nabeta wodhida; ubba wode ne bolla cashsha qaala haasayda.

ዬ ማጻፋ 106:28

Hessafe guye istti Ba7aali-Pe7ooren diza eeqas goynnizaytara issife gayttida; shemppoy baynda eeqatas yarshettida yarshoza mida.

ኢሳያሳ ቲንቢቴ 30:1

GODAY, «Makkallanchcha gidida naytas aayye ana! taappe gidontta qofa kaalleettes; ta Ayanappe gidontta caaqo caaqqeettes; nagara bolla nagara gujjeettes.

ኤርማሳ ቲንቢቴ 1:7

Gido attiin GODAY tana, « ‹Tani naa› gooppa. Tani nena kiittiza asa ubbaakko ba. Tani azaziyssa ubbaaka yoota.

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ኤርማሳ ቲንቢቴ 36:2

«Xaaththa maxaafa ekkada tani Iyosiyaasa kawoteththa wodeppe doommada ta nees yooto oykkoosofe hach gakkanaas Isra7eele bolla, Yuhuda bollanne hara kawoteththata ubbaa bolla haasayda qaala ubbaa xaafa.

ኤርማሳ ቲንቢቴ 44:20

Ermaasi baas zaaro immida attumasaas, maccassinne ubbaa asaas,

ኤርማሳ ቲንቢቴ 44:21

«Intteninne intte aawati, intte kawotinne intte shuumeti, qasse biittayn diza asay ubbay Yuhuda katamataninne Yerusalaame ogetan intte exaane cuwasidayssa GODAY eronttaanne dogidaa inttes misatizee?

ኤርማሳ ቲንቢቴ 7:2

«Neni GODAA Xoossa Keeththa pengen eqqa; histtada ha qaala, ‹Intteno GODAAS goynnanaas ha pengetara geliza Yuhuda asatoo, ubbayka GODAA qaala siyite!› ga awajja.

ሂዚቄላ ቲንቢቴ 17:12

«Hayssa makkallanchcha keeththa asaas, ‹Hayta leemisota birsheththi aazakkonne intte erekketii?› Hessika Baabiloone kawoy Yerusalaame yiidi izi kawozanne izi daannata di7i ekki Baabiloone simmi bides.

ሂዚቄላ ቲንቢቴ 24:3

Ha makkallanchcha keeththaas hayssafe kaalli diza leemisoza yoota; Ubbaa Haariza GODAY, « ‹Birata distte tama bolla woththa; hessafe guye izan haath gujja.

ሂዚቄላ ቲንቢቴ 40:4

Addezi tana, «Haysso asa nawu! Ne ayfen xeella; ne hayththan siya; ta nena bessizayssa ubbaa wozinan woththada ezga. Ne haa yiday hayssas gidida gishshas ne be7ida ubbaa Isra7eele keeththas yoota» gides.

ኣሞጼ ቲንቢቴ 7:15

Gido attiin GODAY mehe heemmizasohoppe tana xeygidi, ‹Ba! Ta dere Isra7eeles tinbite yoota› giidi azaziday GODAA.

ሚልካሳ ቲንቢቴ 3:7

«Intte kase intte aawata wodeppe doommidi ta azazotappe haakkideta; isttaka naagibeekketa; haa taakko simmite tanikka intteko simmana; Intte gidikko, ‹Nuni neekko waani simminoo?› geeta» gees Ubbaafe Wolqqama GODAA Xoossay.

ታይቦ ማጻፋ 20:10

Izinne Aarooney kumeththa maabaraa zaallaza sinththan shiishshidaappe guye Musey dereza, «Intteno makkallanchchatoo! Hayssa ha zaallazappe nu inttes haaththe kessanee!» gides.

ሃዋሬታ ኦሶ 7:51

«Intteno wozina muumetoo! Hayththa tulletoo! Intteka intte aawata mala ubba wode Xillo Ayanara eqetteeta.

ኦሮሜ ኣሳስ 10:15

Kiitettontta wostti sabbakandettoo? Hessika, «Mishiraachcho qaala ekki yizayta yuussi ay mala lo7oo!» geetetti Geeshsha Maxaafan xaafettida mala hanides.

ዛሬ ማጻፋ 9:24

Ta inttena eroosofe hanno gakkanaas intte GODAA bolla makkallida mala deeta.

ዛሬ ማጻፋ 9:27

Kase ne oosanchchata Abrahaame, Yisaaqanne Yaaqoobe qoparkkii; hayssa deraa wozina muumeteththaa, iitateththaanne; nagaraa ubbaa qoodoparkkii!» ga woossadis.