ሂዚቄላ ቲንቢቴ 18:7 - Geeshsha Maxaafa

⁷ Oonakka un7eththenna; gido attiin oyso ekkida miishshaakka tal7e ekkidaades zaarees; gafidaades ba kath, kallottidaades ba may7o immees attiin wolqqara baas bonqqi ekkenna.

ጋሞ ማጻፋ

⁷ ኦናካ ኡንኤና፤ ጊዶ ኣቲን ኦይሶ ኤኪዳ ሚሻካ ታልኤ ኤኪዳዴስ ዛሬስ፤ ጋፊዳዴስ ባ ካ፥ ካሎቲዳዴስ ባ ማይኦ ኢሜስ ኣቲን ዎልቃራ ባስ ቦንቂ ኤኬና።

ሂዚቄላ ቲንቢቴ 18:7 ပူးပေါင်းရင်းမြစ်များ

ሂዚቄላ ቲንቢቴ 18:16

as un7eththontta aggiko, tal7e immanaas oyso oychchontta aggiko, wolqqara bonqqi ekkontta aggiko, gido attiin ba kath gafidaades, ba may7o kallottidaades immiko,

ሂዚቄላ ቲንቢቴ 18:12

hiyeesanne metotettidaade un7eththiko, wolqqara dafi ekkiko, oyso ekkidayssa zaarontta ixxiko, eeqa xoossatakko simmiko, harassiza oosota ooththiko,

ኬሳ ማጻፋ 22:26

Neni issi miishsha gishshas ne lagge may7o oykkiko arshey wullontta dishin izas zaara.

ሂዚቄላ ቲንቢቴ 33:15

izi tal7idayssas oyso ekkidayssa zaarikko, ba kaysidayssa zaari immiko, de7o immiza azazota izi kaalliko, iita miishshika izi ooththontta aggiko tumappe izi de7on daana attiin hayqqenna.

ሉቃሳ ሚሺራቾ 3:11

Yohannisikka asaas, «Nam7u may7oy dizay issi may7oy baynda asas immo; qasseka qumay dizaykka bayndaades shaakki immo» gides.

ኣሞጼ ቲንቢቴ 3:10

GODAY, «Hayti dereti lo7o ooso erettenna. Makkallaninne genen ekkida miishshan ba miixa kunththeettes.

ኣሞጼ ቲንቢቴ 2:8

Asappe oyso ekettida may7o hiixxidi Yarsho yarshizasoza garsan aqeettes; istti bantta xoossa keeththan edasi ekkidi woyne ushshu izan uyeettes.

ሂዚቄላ ቲንቢቴ 18:18

Gido attiin iza aaway asa maata naaqqida gishshas, ba ishappe wolqqara bonqqi ekkida gishshas, deraa giddon bessontta miish ooththida gishshas izi ba nagaran hayqqana.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ሶፎናሳ ቲንቢቴ 1:9

He wode allaga xoossata pengen guppizayta, bantta godata keeththaa makkallateththaninne baleththon kunththizayta ta qaxxayana» gees GODAY.

ሚኪያሳ ቲንቢቴ 3:2

Intte lo7o ixxideta; iita qasse dosideta; ta asaa galba shooqideta; istta ashokka meqeththafe shaakkideta.

ሚኪያሳ ቲንቢቴ 2:1

Iita ooththanaas qoppizaytassinne hiixan dishe gene ooththanaas yo7o tukkizaytas aayye ana! Omars qoppoyssa maalado wonttara poleettessinne hessa ooththanaaskka wolqqara deettes.

ኣሞጼ ቲንቢቴ 6:3

Intte qasse, «Iita gallassi elle gakkenna» giza qofan intte daannateththan gene ooso eesoseeta.

ሂዚቄላ ቲንቢቴ 7:23

« ‹Suure pirday dhayiin biittay suuththa gukon kumida gishshas, katamayakka makkalla ooson kumida gishshas neni sansalata giigsa.

ኤርማሳ ቲንቢቴ 22:3

GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ኢሳያሳ ቲንቢቴ 33:15

Xilloteththan hemettizay, suure haasayzay, baleththon beettiza wodhe kadhizay, gubbo ekkenaappe ba kushe shiishshi ekkizay, as wodhana zuppetizayta zore siyanaappe ba hayth tuccizay, iita beyanaappe ba ayfe qilim7izay,

ኢሳያሳ ቲንቢቴ 5:7

Ubbaafe Wolqqama GODAA woyne tokkiza gadey Isra7eele asaa. Yuhuda asay izi ufayettiza atakilte. Istti suure pirda pirdana giidi naagides; gido attiin suuth gussishin be7ides. Izi xilloteth koyides; gido attiin meto waaso siyides.

ኢሳያሳ ቲንቢቴ 1:17

Lo7o ooso tamaarte; suure pirda koyite; qohettidayta minththeththite; yi7otas eqqite; am7etas mootettite» gides.

ሌሚሶ ማጻፋ 28:27

Hiyeesas immiza asas paccenna; gido attiin istti be7ishe be7onttaththo hanizaade qanggeththi gakkana.

ሌሚሶ ማጻፋ 28:8

Bessontta dishon ba aqota dagasiza asi he aqota hiyeesas kiyiza asas shiishshees.

ሌሚሶ ማጻፋ 14:31

Manqota naaqqiza asi istta medhdhidayssa cayees; metotanchchatas qadhettizaa gidikko Xoossa bonchchees.

ሌሚሶ ማጻፋ 3:31

Gene ooththiza asata qullofa; istta iita ogekka kaallofa.

ዬ ማጻፋ 112:9

Izi hiyeesatas kiyateththan immees; qasse iza xilloteththay mernaas dees; iza kacey bonchchon dhoqqu dhoqqu gaana.

ዬ ማጻፋ 112:4

Kiya, qadhettizanne xillo ooththiza suure asas dhuma giddon poo7oy poo7ees.

ዬ ማጻፋ 41:1

Hiyeesas qoppiza asi anjjettidayssa; meto gallas GODAY iza ashshees.

ኢዮቤ ማጻፋ 24:9

Aaway hayqqida nay isttas aylle gidana mala aayey dhanth diggidi bonqqeettes; metotidayssa naaza ba aco gishshas giidi oyso ekkeettes.

ኢዮቤ ማጻፋ 24:3

Yi7ota hare bonqqeettes; am7e maccassaya boora oyththadus giidi banttas ekkeettes.

ኢዮቤ ማጻፋ 22:6

Issi gaasoykka baynda ne ishatappe oyso ekkadasa; qasse istta may7o qaara ekkada istta kallo ashshadasa.

ዛሬ ማጻፋ 24:17

Hara biitta asatassinne yi7o naytas pirda geellasoppa; am7ey may7o iza tal7e ekkida miishsha gishshas gaada oyso ekkofa.

ሌዌታ ማጻፋ 19:15

« ‹Neni pirda pirdiza wode pirda geellasoppa; manqo iza manqoteththa gishshas maadda pirdofa; gita asatas dumma bonchcho immofa; dere asaakka dumma maadda pirdofa; asa ubbaas tumu pirda pirda.

ኬሳ ማጻፋ 23:9

«Hara dereppe yida bete as qohoppite; bete as gideththi ay mala deexxizaakko intte ereeta; ays giikko intte intte hu7en bete gididi Gibxe biittan de7ideta.

ኣሞጼ ቲንቢቴ 2:6

GODAY Isra7eeles, «Isra7eele asay zaari zaaridi ooththida nagara gishshas ta istta qaxxayontta aggike. Xillo asata biras, metotidayssa toho caammas bayzida.

ሌዌታ ማጻፋ 25:14

Hessa gishshas ne asho gidida Isra7eele asaa neni gade bayzidaaz gidikko woykko ne haa nees shammidaaz gidikko gene ooso ooththofa.

ሌዌታ ማጻፋ 19:13

« ‹As baleththofa; woykko asa miishshe bonqqa ekkofa; miishshe immana gaada ne ooso oosisidaades miishshaa immontta dashe ne achchan issi qammaka ayssofa.

ሂዚቄላ ቲንቢቴ 16:49

Ne michchiya Sodooma ooththida nagaray hayssa: izanne izi macca nayti otoranchcha, kallidaytanne injje duus dizayta; istti manqotanne metotettidayta maaddi erettenna.

ዳኔላ ቲንቢቴ 4:27

Hessa gishshas kawoo! Tani ta baggara nena zorizayssa siya; neni nagara ooso agga; suure ooso ubba wode ooththa; ne iita ooso aggada qohettizaytas qadhetta; hessaththo ne ooththiko ne saron duussa layththay aduqqontta aggenna» gides.

ኬሳ ማጻፋ 22:25

«Intte giddon diza ta asaas issi manqo asas miishshe tal7iko, ba miish dichchas immiza asa mala hanopite; neni yelo iza oychchofa.

ናሂሚያ ማጻፋ 5:10

Tani tanara ooththiza ta laggetinne taas ooththiza ta oosanchchati asatas miishshe gidiin woykko kath gidiin tal7e immidos; hessa gishshas, ‹Intte tal7i ekkidayssa dichchaa zaarite› gi oyshoy nuuppe atto.