ኬሳ ማጻፋ 6:4 - Geeshsha Maxaafa

⁴ Qasse tani isttas istti bete gididi de7ida Kanaane biittaa isttas immanaas ta isttara caaqettadis.

ጋሞ ማጻፋ

⁴ ቃሴ ታኒ ኢስታስ ኢስቲ ቤቴ ጊዲዲ ዴኢዳ ካናኔ ቢታ ኢስታስ ኢማናስ ታ ኢስታራ ጫቄታዲስ።

ኬሳ ማጻፋ 6:4 ပူးပေါင်းရင်းမြစ်များ

ሜቴ ማጻፋ 12:7

GODAY Abraames qonccidi, «Ha biittaa tani ne zereththas immana» gides; izi baas qonccida GODAAS he sohon yarsho yarshizaso keexxidi goynnides.

ሜቴ ማጻፋ 15:13

Histtiin GODAY izas, «Ne zereththay hara biittan bete gidi daanayssa neni tumappe era; istti aylletidi 400 layth yedhetti haarettana.

ሜቴ ማጻፋ 15:18

He gallas GODAY Abraames, «Gibxe shaafappe doommidi Efiraaxise geetettiza gita shaafaa gakkanaas ha biittaa tani ne zereththaas immadis.

ሜቴ ማጻፋ 17:13

Neson yelettidaytinne ne miishshan shamettidayti qaxxarettetto; hayssi intte ashon diza ta caaqoy mernaa caaqo gidana.

ሜቴ ማጻፋ 17:4

«Ha7i ta nenara caaqqiza caaqoy hayssa; neni daro kawoteththatas aawa gidana.

ሜቴ ማጻፋ 23:4

«Tani intte giddon imaththa; ta machcheyo mooganaas taas intte gadeppe moogoso bayzerketii!» gides.

ሜቴ ማጻፋ 26:3

Ha biittan guuththa wode uttaashsha; tani nenara gidana; nena anjjana; ays giikko hayssa biittaa ubbaa tani neessinne ne zereththaas immana; tani ne aawa Abrahaames caaqo gelida ufayssa qaalaa minththana.

ሜቴ ማጻፋ 26:4

Ne zereththaa tani salo xoolintte mala darsana; hayssa biitta ubbaa ta isttas immana; biitta asay ubbay ne zereththaa baggara anjjettana.

ሜቴ ማጻፋ 28:13

Yangarezas bolla xeeran GODAY eqqidi iza, «Tani GODAA ne aawa Abrahaame Xoossa, Yisaaqa Xoossa. Ha ne ichchida biittaa ta neessinne ne zereththas immana.

ሜቴ ማጻፋ 28:4

Abrahaame anjjida mala nenanne ne zereth Xoossi anjjo; hayssa Abrahaamey immida biittanne nekka imaththateththan de7ida biittaa nees immo» azazides.

ሜቴ ማጻፋ 6:18

Gido attiin tani nenara caaqettana. Neni, ne machchiya, ne naytinne ne nayta machcheti nenara markabezan gelandeta.

2ሳሜላ ማጻፋ 23:5

«Ta keeththi Xoossa matan likke gidennee? Ubba miish giigsidinne naagidi, tanara mernaa caaqo qaala geliday iza gidennee? Ta atoteththa polo gaththanay ta amo ubbaa taas immanay iza gidennee?

ዬ ማጻፋ 105:11

Qasseka, «Nees Kanaane biittaa immana; izikka ne zereththatas laata gidana» gides.

ዬ ማጻፋ 105:12

Istti qoodan qii guuththatanne Kanaane biittan bete gididi diza wode,

ኬሳ ማጻፋ 13:4

Intte ha gallassayn Abibe geetettiza aginan kezideta.

ኬሳ ማጻፋ 13:5

GODAY Kanaaneta, Hiiteta, Amooreta, Hiiwetanne Yaabuseta geetettiza dereta biittaa inttena gaththiza wode intte ha bonchcho gallassaa ha aginan bonchcheeta. He biittay GODAY inttes immana mala kase intte aawatas caaqqi woththida biitta. He biittay maaththinne eessi goggiza biitta.

ኬሳ ማጻፋ 6:8

Qasse tani inttena Abrahaames, Yisaaqassinne Yaaqoobes immana gaada ta kushe denththada caaqqida biitta ehana; he biittaa tani inttes intte gade histta immana; tani GODAA› ga» gides.

ኢሳያሳ ቲንቢቴ 55:3

Intte hayth doydi haa taakko shiiqite; intte shemppora paxa daana mala ta gizaa ezgi siyite; kase ta Dawitera caaqqida mino siiqon inttenarakka mernaa caaqo caaqettana.

ታይቦ ማጻፋ 10:29

Musey ba machchey aawa Midiyaame dere as Era7u7eele naa Hobaabes, «Hekko nuni GODAY nuus immanaas kase caaqqida dere baanaas giigettidos; GODAY Isra7eele asaa duresanaas kase nuus caaqqi woththides; hessa gishshas nekka nunara hedhdha; nuni nees lo7o ooththana» gides.

ሃዋሬታ ኦሶ 7:5

Haray attoshin issi tohoy eqqiza gadey izas hayssafe imettibeenna; gido attiin he wode izas issi naykka baynda dishin izinne izappe guyen iza zereththi biittayo laattana mala Xoossi izas caaqqides.