ኬሳ ማጻፋ 4:21 - Geeshsha Maxaafa

²¹ GODAY Muse, «Neni Gibxe simmada biza wode tani nees immida wolqqan neni ooththana malaatata ubbaa Gibxe kawo Paaroone sinththan neni ooththanayssa baloppa. Histtiinkka izi asaa yeddontta mala tani iza wozina muumisana.

ጋሞ ማጻፋ

²¹ ጎዳይ ሙሴ፥ «ኔኒ ጊብጼ ሲማዳ ቢዛ ዎዴ ታኒ ኔስ ኢሚዳ ዎልቃን ኔኒ ኦና ማላታታ ኡባ ጊብጼ ካዎ ፓሮኔ ሲንን ኔኒ ኦናይሳ ባሎፓ። ሂስቲንካ ኢዚ ኣሳ ዬዶንታ ማላ ታኒ ኢዛ ዎዚና ሙሚሳና።

ኬሳ ማጻፋ 4:21 ပူးပေါင်းရင်းမြစ်များ

ሜቴ ማጻፋ 6:3

GODAY, «Asi hayqqizaaza; iza layththayka 120 layththafe darenna; hessa gishshas ta Ayanay asa naa bolla mernaas deenna» gides.

1ካዎታ ማጻፋ 22:22

«GODAY ayanaza, ‹Ne iza wostta baleththanee?› gides. «Ayanazikka, ‹Tani keza baada iza nabeti ubbati wordo haasayana mala ooththana› gides. «Histtiin GODAY, ‹Ero ha7i kezada ba! Baada baleththa; izi nees hanana› » gides.

ዬ ማጻፋ 105:25

Izi Gibxe asay ba asaa ixxana malanne ba aylleta bolla dendana mala ooththides.

ዬ ማጻፋ 78:43

Izi Gibxe biittan malaata, Xaanoose demban malalisizaaz ooththidayssa qoppibeettenna.

ኬሳ ማጻፋ 10:1

Hessafe guye GODAY Muses, «Gibxe kawaakko guye simma ba; ays giikko tani Gibxe asaa wostta qaxxaydaakkonne malaata istta giddon wostta ooththidaakko intte intte naytassinne intte nayta naytas yootana mala, qasse intteka tani GODAA gididayssa erana mala, ta malaata istta giddon ooththanaas iza wozinanne daannata wozina minththa woththadis» gides.

ኬሳ ማጻፋ 10:20

Gidikkoka GODAY kawoza wozina minththida gishshas Isra7eele nayta yeddontta ixxides.

ኬሳ ማጻፋ 10:27

Gido attiin GODAY kawoza wozina minththida gishshas izi istta yeddanaas koyibeenna.

ኬሳ ማጻፋ 11:10

Museynne Aarooney hayta malaatata ubbaa kawoza sinththan ooththikoka GODAY kawoza wozina minththida gishshas izi Isra7eele nayta ba dereppe yeddontta ixxides.

ኬሳ ማጻፋ 11:9

GODAY Muses, «Ta malalisiza miish Gibxe biittan gujja gujja ooththana mala kawoy intte yootizayssa siyenna» gi kase yooti woththides.

ኬሳ ማጻፋ 14:17

Tani Gibxe asa wozina minththiko istti intte guye kaallidi abban gelana. Tani kawozanne iza olanchchata ubbaa bolla, iza para-gaaretanne toga asata bolla taas bonchcho demmana.

ኬሳ ማጻፋ 14:4

Tani kawoza wozina minththana; izi istta gooddana; tani kawoza baggaranne iza olanchchata ubbaa baggara bonchchettana; Gibxe asaykka tani GODAA gididayssa erana» gides. Histtiin Isra7eele asay izi yootida mala ooththides.

ኬሳ ማጻፋ 14:8

GODAY Gibxe biitta kawo wozina minththiin minoteththara buro buussa bolla diza Isra7eele asaa gooddides.

ኬሳ ማጻፋ 3:19

Gido attiin ta wolqqara yedisontta dishin Gibxe kawoy inttena yeddonttayssa tani erays.

ኬሳ ማጻፋ 3:20

Hessa gishshas tani ta kushe yeddada istta giddon tani ooththiza ta malaatata ubbaan Gibxe asaa shocana. Hessafe guye izi inttena yeddana.

ኬሳ ማጻፋ 7:13

Gidikkoka GODAY yootida mala kawoza wozinay minnida gishshas izi istta yo7o siyontta ixxides.

ኬሳ ማጻፋ 7:3

Gido attiin tani kawoza wozina minththana; tani Gibxe biittan ta malaatanne maalalissiza miish darsa ooththikokka,

ኬሳ ማጻፋ 8:11

He ooqqarsay neeppe, ne keeththafe, daannatappenne ne asaappe dhayana; istti Abbaye shaafan xalla attana» gides.

ኬሳ ማጻፋ 8:15

Gido attiin kawozi guuththa peeqa demmida wode ba wozina minththides; GODAY yootida malakka izi Museynne Aarooney yootida yo7oza siyontta ixxides.

ኬሳ ማጻፋ 8:32

Gido attiin ha7ikka kawaa wozinay minnida gishshas izi asaa yeddontta ixxides.

ኬሳ ማጻፋ 9:12

Gido attiin GODAY Muses gida malakka kawoza wozina minththida gishshas Museynne Aarooney yootizayssa kawozi siyontta ixxides.

ኬሳ ማጻፋ 9:35

GODAY Muse doonara haasayda malakka kawaa wozinay minniin Isra7eele nayta yeddontta ixxides.

ኢሳያሳ ቲንቢቴ 6:10

Hayssa deraa wozinaa dammisa; istta hayththaka tullisa; istta ayfezakka qooqisa; histtontta aggiko istti bantta ayfen be7ana; bantta hayththan siyana; bantta wozinankka akeekana; histtidi istti taakko simmidi paxana» gides.

ኢሳያሳ ቲንቢቴ 63:17

Abeet GODAWU, nuni ne ogeppe kezana mala, nu wozina tullisada nees yayyontta mala ays ooththay? Ne aylleta gishshas gaada, nees xinxxo gidida qommota gishshas gaada nuukko simma.

ዮሃኒሳ ሚሺራቾ 12:40

«Istti ba ayfen be7idi, ba wozinan yuushshi qoppidi, simmontta malanne izi istta paththontta mala Xoossi istta ayfe qooqisides; istta wozinakka muumisides» gi xaafida gishshassa.

ኦሮሜ ኣሳስ 1:28

Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides.

ኦሮሜ ኣሳስ 9:18

Hessa gishshas Xoossi maarana koyzaade maarees; iza wozina muumisana koyzaade wozina muumisees.

2ቆሮንቶሴ ኣሳስ 2:16

Dhayanaytas nuni wodhiza xinqqo; attanaytas qasse hayqoppe de7oso efiza de7o sawo; histtiin hayssas bessizaadey oonee?

ዛሬ ማጻፋ 2:36

Nuni Arnoone shoobbaa gaxa baggara diza Aaro7eere katamaappenne heen zullezan diza katamaappe doommi biidi Gala7aade gakkanaas nunara eqettana dandayza issi katamaykka beettibeenna. GODAA nu Xoossay ubbaa nuus aaththi immides.

ኢያሶ ማጻፋ 11:20

GODAY Muse azazida mala Iyaasoy isttas qadhettontta ubbaa wodhides. Gaasoykka istti Isra7eeletara olettana mala GODAY istta wozina dammisides.

1ጴጽሮሳ ኪታ 2:8

Qasseka, «Hekko ase dhuphiza shuchchay hayssich! Asa dhuphi kundisiza zaalla shuchchay hayssako» gees; istti qaalaa ammanontta ixxida gishshas dhuphetteettes; kasekka istti hessas dizayta.