ኬሳ ማጻፋ 32:34 - Geeshsha Maxaafa

³⁴ Ha7i baada ha asaa tani nees yootida soo kaaleththa; ta kiitanchchayka nena kaaleththana; gido attiin qaxxayana wodey gakkishin istta nagaraa gishshas ta istta qaxxayana» gides.

ጋሞ ማጻፋ

³⁴ ሃኢ ባዳ ሃ ኣሳ ታኒ ኔስ ዮቲዳ ሶ ካሌ፤ ታ ኪታንቻይካ ኔና ካሌና፤ ጊዶ ኣቲን ቃጻያና ዎዴይ ጋኪሺን ኢስታ ናጋራ ጊሻስ ታ ኢስታ ቃጻያና» ጊዴስ።

ኬሳ ማጻፋ 32:34 ပူးပေါင်းရင်းမြစ်များ

ዬ ማጻፋ 99:8

Abeet GODAWU, nu Xoossawu! neni istta woosa siyadasa; neni istta iitateththaa gishshas qaxxaydaa gidikkoka isttas atto gida Xoossa.

ኬሳ ማጻፋ 15:17

Neni istta ehada, nees buzo biittan diza zuma hu7en tokkana. Abeet Mernaa Godoo, he sohoy neni nees deyanaas ooththida sohokko. Abeet GODAWU! He geeshsha sohoy neni ne kushen minththa essida sohokko.

ኬሳ ማጻፋ 20:5

Isttas hokkofanne isttas goynnofa. Ays giikko tani GODAA ne Xoossay qanaatiza Xoossako; tana ixxizayta aawata nagara gishshas nayta heedzdzanththo yeletanne oydanththo yeleta gakkanaas qaxxayays.

ኬሳ ማጻፋ 23:20

«Ne ogen nena naagana malanne tani nees giigsidaso nena efana mala, tani kiitanchcha ne sinththara yeddana.

ኬሳ ማጻፋ 3:17

Tani inttena Gibxe biittaa waayeppe kessada pude maaththinne eessi goggiza Kanaaneta, Hiiteta, Amooreta, Paarizeta, Hiiwetanne Yaabuseta biitta efana gadis› gides» gaada yoota.

ኬሳ ማጻፋ 33:12

Musey GODAAS, «Neni tana, ‹Hayssa asaa kaaleththa› gadasashin tanara neni oona kiittizaakko tana erisabeekka. Neni, ‹Tani nena ne sunththan erays; neni ta sinththan sabettida asa› gadasa.

ኬሳ ማጻፋ 33:2

Tani inttefe sinththara kiitanchcha kiittada, Kanaaneta, Amooreta, Hiiteta, Paarizeta, Hiiwetanne Yaabuseta gooddana.

ኢሳያሳ ቲንቢቴ 63:9

Istta meto ubbaan ceecides; Iza duussaa erisiza kiitanchchay istta ashshides; izi ba siiqoninne ba maaroteththan istta wozzides. Kase aadhdhida wode ubbaan istta denththidesinne tookkides.

ኤርማሳ ቲንቢቴ 14:10

Ha asata gishshas GODAY, «Istti toylatteteth keehi doseettes; bantta toho naagettenna. Hessa gishshas GODAY isttan ufayettenna; ha7i izi istta qoho qoppees; istta nagara gaason istta qaxxayees» gees.

ኤርማሳ ቲንቢቴ 23:2

GODAA Isra7eele Xoossay ba asaa heemmiza heenththanchchatas, «Intte ta dorsata laallidi wora yeddida gishshassinne intte istta lo7eththi xeellontta aggida gishshas intte iitateththaas bessiza qixaate ta immana.

ኤርማሳ ቲንቢቴ 5:29

Histtiin tani hayta ha yoota gishshas, istta qaxxayanaas bessennee? Hessa mala kawoteththa bolla ta halo kessanaas bessennee?» gees.

ኤርማሳ ቲንቢቴ 5:9

Tumuppe tani ha yo7ota gishshas istta qaxxayanaas bessennee? Tani ta hu7era hessa mala kawoteththa bolla halo kessana bessennee?» gees.

ሆሴኤ ቲንቢቴ 8:13

Istti lo7o yarsho shiishsheettes he yarsho ashozakka meettes; gido attiin GODAY isttan ufayettibeenna. Hessa gishshas izi istta iitateththaa zaari qoppana; istta nagara gishshas qaxxayana. Isttika Gibxe simmana.

ኣሞጼ ቲንቢቴ 3:14

Istti ooththida nagara gishshas tani Isra7eele asaa qaxxayiza wode Beetelen diza yarsho yarshizasohota tani laallana; yarshizasohota bolla diza kaceti meqeretti kundana.

ኣሞጼ ቲንቢቴ 3:2

Xoossay, «Kumeththa alamen diza dere ubbaafe ta inttena xalla dooradis; intte ooththiza nagara ubbaa gishshas ta inttena qaxxayays» gees.

ታይቦ ማጻፋ 20:16

Nunikka izi nuna maaddana mala GODAAKKO waassidos; izikka nu waasoza siyidi Gibxeppe nuna kessanaas ba kiitanchcha nuus kiittides; hekko nuni ha7i nees dhassan diza Qaadeesen doos.

Maatosa 23:35

Hessa gishshas xillo Aabeele suuththaafe haa simmiin Xoossa Keeththaninne yarsho yarshizaso giddon intte wodhida Baarakiyo naa Zakaraasa suuththaa gakkanaas biitta bolla gukkida xillota suuththa ubbaas intte oyshettana.

ዛሬ ማጻፋ 32:35

Istta morkketa bolla halo kessanay tana; ubbaasikka ta istta ooso ooso mala immana; isttas dhayo gallassi gakkida gishshas istti dhuphettana; eesonkka dhayana.»