ኬሳ ማጻፋ 32:22 - Geeshsha Maxaafa

²² Aarooneykka zaaridi, «Ta godoo, hanqettofa! Hayssi asay iita ooththanaas ay mala koyzaakko ne eraasa.

ጋሞ ማጻፋ

²² ኣሮኔይካ ዛሪዲ፥ «ታ ጎዶ፥ ሃንቄቶፋ! ሃይሲ ኣሳይ ኢታ ኦናስ ኣይ ማላ ኮይዛኮ ኔ ኤራሳ።

ኬሳ ማጻፋ 32:22 ပူးပေါင်းရင်းမြစ်များ

ዛሬ ማጻፋ 9:24

Ta inttena eroosofe hanno gakkanaas intte GODAA bolla makkallida mala deeta.

1ሳሜላ ማጻፋ 15:24

Hessafe guye Sa7ooli Sameelas, «Tani nagara ooththadis; GODAA azazonne ne immida wogaa mooradis; tani deraas yayyida gishshas isttas azazettadis.

ኬሳ ማጻፋ 16:20

Gidikkoka isttafe baggay Musey yootizayssa ekkontta aggidi attidayssa wonto maalado gakkanaas woththida; woththidayssika guxunidi xinqqides. Hessa gishshas Musey istta hanqettides.

ኬሳ ማጻፋ 15:24

Asaykka, «Nuni ay uyanee?» giidi Muse bolla zuuzumides.

ኬሳ ማጻፋ 14:11

Istti Muses, «Neni nuna Gibxe biittan nuus duufoy dhayiin bazzon hayqqana mala kessadii? Nuna Gibxeppe aazas ehadii?

ሌሚሶ ማጻፋ 4:16

Istti iita ooththontta dishe dhiski erettenna; as dhupheththontta dishin dhiskoy istta ayfen yeenna.

ዬ ማጻፋ 36:4

Izi ba hiixan dishe gene qoppishe aqees; bana lo7o gidontta oge kaaleththees; iita izi ixxenna.

ዛሬ ማጻፋ 31:27

Isra7eele asay ay mala makkallanchchakonne wozina muumekko ta erays; tani shemppora paxa isttara dishin istti GODAA bolla makkallizayti tani hayqqidaappe guye keehi makkallanchchata gidana.

ዛሬ ማጻፋ 9:7

GODAA intte Xoossaa bazzon intte wostti hanqeththidaakko balopite; intte Gibxeppe kezida gallassafe doommidi hanno gakkanaas intte GODAA intte Xoossaa bolla makkallideta.

ኬሳ ማጻፋ 16:28

GODAY Muses, «Intte ta azazotanne ta wogata naagoza ayde gakkanaas ixxanee?

ሜቴ ማጻፋ 44:18

Histtiin Yuhuday izakko shiiqidi iza, «Ta godoo! Tani issi qaala haasayana mala nena woossays; ne kawo Paaroone mala gidikkoka tana ne aylleza bolla hanqettofa.

ኬሳ ማጻፋ 32:21

Hessafe guye, Musey Aaroone, «Ha asay nena wosttiin neni istta hayssa mala gita nagara ooththana mala kaaleththadii?» gides.

1ሳሜላ ማጻፋ 15:15

Sa7ooli, «Ola asay Amaaleeqe asaappe di7i ehidaytakko; lo7o lo7o dorsatanne boorata GODAA ne Xoossaas yarshanaas wodhontta paxa ashshidayta; hankkoyssa gidikko mulera dhayssidos» gi zaarides.

1ሳሜላ ማጻፋ 15:21

Ola asay gidikko di7ettidayssafe GODAAS dummatidayta giddofe lo7o lo7o dorsatanne boorata Gelgelan GODAA ne Xoossaas yarshanaas ekkida» gides.

ኬሳ ማጻፋ 32:1

Musey zumaappe wodhdhontta keehi gam7idayssa be7idi asay Aaroone yuushon shiiqidi, «Ane Haa ya; neni nuna kaaleththiza eeqa xoossata nuus medhdha. Gibxe biittaafe nuna kessida Musey gidikko izi waanidaakko nu erokko!» gida.