ኬሳ ማጻፋ 3:9 - Geeshsha Maxaafa

⁹ Ha7i Isra7eele nayta waasoy taakko gakkides; Gibxe biitta asati istta qohiza qohokka ta beyadis;

ጋሞ ማጻፋ

⁹ ሃኢ ኢስራኤሌ ናይታ ዋሶይ ታኮ ጋኪዴስ፤ ጊብጼ ቢታ ኣሳቲ ኢስታ ቆሂዛ ቆሆካ ታ ቤያዲስ፤

ኬሳ ማጻፋ 3:9 ပူးပေါင်းရင်းမြစ်များ

ሜቴ ማጻፋ 16:11

Qasseka GODAA kiitanchchay izo, «Ha7i neni qanththatadasa; neni attuma naa yelana; yelada iza Isma7eele gaada sunththana; gaasoykka Xoossi ne waasaa siyides.

ሜቴ ማጻፋ 31:12

Izikka tana, ‹Dhoqqu gaada meheta mehetissiza deysha orgeti wuri masaranne xalaqa gididayssa beya; gaasoykka Laabay ne bolla ooththizayssa ubbaa ta beyadis.

2ካዎታ ማጻፋ 13:4

Hessafe guye Iyo7akaazi GODAA woossides; GODAYKKA Aaraame kawoy Isra7eele wostti metoththidaakko be7ida gishshas iza woosa siyides.

2ካዎታ ማጻፋ 20:5

«Neni guye simmada ta dereza halaqa Hizqiyaasas, ‹Kase GODAY ne aawa Dawite Xoossay ta ne woosa siyadis; ne afunththaaka beyadis; tani nena paththana. Hachchife doommiin heedzdzu gallassatafe guye neni pude GODAA Keeth kezana.

ናሂሚያ ማጻፋ 9:9

«Neni nu aawata bolla kase Gibxe biittan gakkida waayeza beyadasa; istti Zo7o abba matan dishe maado koyidi nena woossida woosaa siyadasa.

ዬ ማጻፋ 12:5

GODAY, «Hiyeesati un7ettida gishshassinne, metotanchchata waaso gishshas ha7i tani dendana; tani istti amottiza saroteththan istta woththana» gees.

ዬ ማጻፋ 9:14

Hessika tani Xiyoone asa karen eqqada nena galatanaassinne ne ashshidayssan keeha ufayettanaassa.

ኬሳ ማጻፋ 1:11

Hessa gishshas deexo ooson istta tuggasana mala istta bolla halaqata doorida. Isttika kawos Piitoomenne Eraamise geetettiza dumma dumma minjja miishshata woththiza katamata keexxida.

ኬሳ ማጻፋ 1:22

Hessafe guye kawoy ba asaa ubbaa, «Ibraawetappe yelettiza adde naa ubbaa Nayle geetettiza Shaafa haaththan olite; gido attiin macca nay yelettiko paxa aggite» giidi azazides.

ኬሳ ማጻፋ 1:8

Hessafe guye Yooseefe erontta ooraththa kawoy Gibxe biittan dendides.

ኬሳ ማጻፋ 2:23

Musey Midiyaame biittan diza daro layththata garsan Gibxe kawoy hayqqides. Isra7eele asay ba aylleteththafe dendidayssan oolidanne waassida; aylleteththa waayey dariin istti waassida waasoy pude Xoossako gakkides.

ኬሳ ማጻፋ 2:25

Hessa gishshas Xoossi Isra7eele nayta xeellidi istta hanoteth qoppides.

ኬሳ ማጻፋ 3:7

Qasseka GODAY, «Tani Gibxe biittan ta asay waayiza waaye lo7eththa beyada, istti ba godatappe dendidayssan waassiza waaso siyadissinne istta waaye eradis.

ኤራንቻታ ማጻፋ 4:1

Tani qasseka salo gufanththon diza qoho ubbaa be7adissinne akeekadis; qohettidayta afunth be7adis; istta minththeththiza asikka deenna; wolqqay istta qohiza asata kushen dees; istta minththeththiza asikka deenna.

ኤራንቻታ ማጻፋ 5:8

Dere garsan manqoy sugettiin, pirday pacciin, maatay yedhettiin ne be7ikko heytanttan keeha malalettofa. Issi issi halaqaas izappe bollara halaqay dees; qasse ubbatappe bollara hara halaqati deettes.

ኣሞጼ ቲንቢቴ 4:1

Dhiikettida Baasaane miizata mala intte asateththa ordisida Samaariya maccassatoo! Hayssa qaala siyite! Intte daaburanchchata kawushsheeta; manqota bollaka godateeta; intte azinata, «Nuus maththosiza ushshu ehite» geeta.

ዛሬ ማጻፋ 26:7

Histtiin nuni GODAA nu aawata Xoossako waassidos; izikka nu waasoza siyidi nu waayeza, nu daaburazanne nuni qohettidayssa be7ides.

1ሳሜላ ማጻፋ 9:16

GODAY, «Wonto hanni wode Biniyaame dereppe issi as neekko kiittana; ta dere Isra7eele bolla kawotana mala tiya; izikka ta deraa Filisxeemeta kusheppe woththi ekkana; be7a istta waasoy taakko gakkida gishshas bollafe tani ta deraa mokka xeelladis» gides.