ኬሳ ማጻፋ 3:12 - Geeshsha Maxaafa

¹² Xoossika iza, «Tani nenara gidana; qasse tani nena kiittidayssas malatay hayssa; neni he asaa Gibxeppe kessida wode hayssa zuma bollan intte taas Xoossas goynnana» gides.

ጋሞ ማጻፋ

¹² ጾሲካ ኢዛ፥ «ታኒ ኔናራ ጊዳና፤ ቃሴ ታኒ ኔና ኪቲዳይሳስ ማላታይ ሃይሳ፤ ኔኒ ሄ ኣሳ ጊብጼፔ ኬሲዳ ዎዴ ሃይሳ ዙማ ቦላን ኢንቴ ታስ ጾሳስ ጎይናና» ጊዴስ።

ኬሳ ማጻፋ 3:12 ပူးပေါင်းရင်းမြစ်များ

ሜቴ ማጻፋ 15:1

Hessafe guye GODAA qaalay ajjuutan Abraamekko yiidi, «Abraame, babbofa! Tani nees gondalle; ne anjjoy keehi gita» gides.

ሜቴ ማጻፋ 15:8

Gido attiin Abraamey iza, «Abeet Ubbaa Haariza GODAWU! Tani hayssa biittaa laattanayssa aazan eroo?» gides.

ሜቴ ማጻፋ 26:3

Ha biittan guuththa wode uttaashsha; tani nenara gidana; nena anjjana; ays giikko hayssa biittaa ubbaa tani neessinne ne zereththaas immana; tani ne aawa Abrahaames caaqo gelida ufayssa qaalaa minththana.

ሜቴ ማጻፋ 31:3

He wode GODAY Yaaqoobe, «Neni ne aawata biitta ne dabbotakko guye simma; tani nenara gidana» gides.

2ካዎታ ማጻፋ 19:29

«Hizqiyaasa! Hessas malatay hayssafe kaallizayssa; « ‹Ha layth wodhdhi maadhdhidayssa; yiza layth azabba maandeta; heedzdzanththa layththan zeridayssa maxandeta; woyne tura tokkidi iza ayfe maandeta.

1ታሪኬ ማጻፋ 9:20

El7ezeere naa Finihaasi beni wode Qoraaha zarkketa halaqa; GODAY izara dees.

ዬ ማጻፋ 86:17

Abeet GODAWU! ne tana maaddizayssanne minththeththizayssa tana ixxizayti be7idi yeellatana mala ne kiyateththa malata tana bessa.

ኬሳ ማጻፋ 18:5

Muse bollo Yootorey Muse attuma naytaranne Muse machcheyra gididi bazzon Xoossa zuma achchan diza Musekko yides.

ኬሳ ማጻፋ 3:1

Musey Midiyaame biitta qeese, ba bollo Yootore dorsata heemmees; izi dorsata laaggi ekki biidi bazzo biitta gaxa gakkanaas efidi Siina geetettiza Xoossa zumaakko gakkides.

ኬሳ ማጻፋ 3:13

Musey Xoossaas, «Gido attiin tani Isra7eele naytakko baada isttas, ‹Intte aawata Xoossi tana intteko kiittides› giikko, istti tana, ‹Iza sunththi oonee?› gi oychchiko he wode tani isttas ay ga yootanee?» gides.

ኬሳ ማጻፋ 33:14

Histtiin GODAY zaaridi, «Tani nenara baana; tani nena shempisana» gides.

ኬሳ ማጻፋ 4:12

Neni ha7i ba; ne haasayana mala ta nenara gidananne nena maaddana; neni yootanayssaka ta nena tamaarsana» gides.

ኬሳ ማጻፋ 4:15

Neni izas yoota; izi yootana qaalaakka ne iza erisa; tani inttena nam7atakka haasayan maaddananne intte ooththanayssa tamaarsana.

ኬሳ ማጻፋ 8:27

Nuni GODAA nu Xoossaas yarshota shiishshanaas izi nuna azazida mala heedzdzu gallassa oge bazzo baanaas koshshees» gides.

ኢሳያሳ ቲንቢቴ 37:30

«Hessafe guye Isayaasi kawo Hizqiyaasas, hayssi nees malata gido; ha layth intte azabba mokkida kath maana; yiza layththika azabbaafe wodhdhi mokkidaaz maana. Gido attiin heedzdzanththo layth intte zerananne maxana; woyne tokkananne iza ayfekka shiishshana.

ኢሳያሳ ቲንቢቴ 41:10

Tani nenara diza gishshas yayyofa; tani ne Xoossa gidida gishshas dagammofa. Tani nena minththananne maaddana. Ta xilloteththa ushachcha kushen zemppisa oykkana.

ኢሳያሳ ቲንቢቴ 43:2

Neni haaththa giddora pinniza wode, tani nenara gidana. Neni pinnishin shaafay nena mittenna; neni tama giddora bishin nena xuuggenna; tama lacoykka nena meenna.

ኢሳያሳ ቲንቢቴ 7:14

Histtiko GODAY barkka inttes malata bessana; geela7oy shaarana; attuma naa yelana; iza sunththaaka, ‹Amanu7eele› gaada sunththana.

ኤርማሳ ቲንቢቴ 1:8

Tani nena ashshanaas nenara diza gishshas ne isttas yayyofa; tani GODAY hayssa nees yootays» gides.

ታይቦ ማጻፋ 16:28

He wode Musey deraas, «Hayssa ha oosoza ooththanaas GODAY tana kiittidayssanne tanikka hayssa ooththizay ta shenen gidonttayssa intte hayssan erana.

ታይቦ ማጻፋ 23:21

Yaaqoobe zereththa bolla metoy gakkenna; Isra7eele asaa bollaka waayey gakkonttayssi taas beettees; GODAY isttara dees; Xoossi kawo gididayssa istti qonccen yooteettes.

ማርቆሳ ሚሺራቾ 16:20

Iza kaallizayti hessafe kezidi ubbason aadhdhi aadhdhi sabbakida. Godaykka isttara ooththides. Istta timirteza ekkidi ooththizaytas ba yootida qaalakka malaata ooththi ooththi minththides.

ሃዋሬታ ኦሶ 11:21

Godaa maadoykka isttara dees; qoodan keehi daro asay ammanidi Godaakko simmides.

ሃዋሬታ ኦሶ 7:7

Gido attiin istta aylle mala haariza dere ta qaxxayana; hessafe guye istti he biittafe kezidi hanno ha sohoyin taas goynnana› gides.

ኦሮሜ ኣሳስ 8:31

Histtiin hessa nu ay giinoo? Xoossi nunara gidikko nunara eqettanaas dandayzay oonee?

ዛሬ ማጻፋ 31:23

Hessafe guye Xoossay Nawe naa Iyaaso, «Minna; xala gida; neni Isra7eele asaa kaaleththada ta kase isttas immana ga caaqqida biittayo gelththana; tanikka nenara gidana» gi azazides.

Ibirawe 13:5

Miishsha siiqoppe naagettite; inttes dizayssi gidana; hessas gaasoykka Xoossi, «Ta inttena mulekka aggikenne yeggike» gides.

ኢያሶ ማጻፋ 1:5

Neni diza wode ubbaan nenara oonikka eqettana dandayenna; tani kase Musera gidida mala nenarakka gidana; mulekka ta nena yeggikenne aggike.

ዳናታ ማጻፋ 6:12

Heen GODAA kiitanchchay izas qonccidi, «Haysso nenoo, mino olanchchazoo! GODAY nenara dees» gides.

ዳናታ ማጻፋ 6:16

GODAYKKA, «Tumappe tani nenara gidana; issi as shociza mala neni Midiyaame asaa shocada xoonana» gides.

ዳናታ ማጻፋ 6:17

Geedoonikka «Neni tanan ufayettidaa gidikko tanara haasayzay nena gididayssa erisiza malata tana bessa.

ዳናታ ማጻፋ 6:21

GODAA kiitanchchay ba kushen oykkida guufe xeeran ashozanne ukeththaza bochchides; histtiin tamay shuchchaa giddofe kezidi ashozanne ukeththaza mides; hessafe guye GODAA kiitanchchay iza sinththafe geemmides.

ዳናታ ማጻፋ 7:11

Isttika gizayssa siya; hessafe guye neni istta hirgay baynda olana» gides. Hessa gishshas Geedooni ba aylle Puura kaaleththi ekkidi morkketi dunkaani dizaso heera wodhdhides.

1ሳሜላ ማጻፋ 14:10

Gido attiin istti nuna, ‹Pude nuukko kezite› giikko GODAY istta nu kushen aaththi immidayssas hessi malata gidiza gishshas nu isttako pude kezana» gides.