ኬሳ ማጻፋ 20:2 - Geeshsha Maxaafa

² «Nena Gibxeppe aylleteththa biittafe kessida GODAA ne Xoossay tana.

ጋሞ ማጻፋ

² «ኔና ጊብጼፔ ኣይሌቴ ቢታፌ ኬሲዳ ጎዳ ኔ ጾሳይ ታና።

ኬሳ ማጻፋ 20:2 ပူးပေါင်းရင်းမြစ်များ

1ካዎታ ማጻፋ 18:39

Asay ubbay hessa be7ida wode gufannidi, «GODAY Xoossaa! GODAY izi xalla tumu Xoossaa!» gida.

2ካዎታ ማጻፋ 17:12

GODAY isttas, «Hayssa intte ooththanaas bessenna» giidi yootiinkka istti eeqa xoossatas goynnida.

2ካዎታ ማጻፋ 17:7

Hayssi ubbay istta bolla gakkiday Gibxe kawo Paaroones haareteththafe kessida GODAA bantta Xoossaa istti qohida gishshassinne hara eeqa xoossatas goynnida gishshassa.

2ታሪኬ ማጻፋ 28:5

Hessa gishshas iza GODAA Xoossay Aaraame kawo kushen aaththi immides; istti iza xoonidi iza asaappe daro asaa di7i Damasqo efida; qasseka GODAY iza Isra7eele kawo kushen aaththi immiin kawozi iita shoch shocides.

ዬ ማጻፋ 50:7

«Ta asazoo ne siya! Tani nees yootays; Isra7eele asawu! Tani ne bolla markkattays. Tani Xoossay ne Xoossa.

ዬ ማጻፋ 81:10

Tani GODAA intte Xoossaa; inttena Gibxe biittafe kessada ehiday tana intte GODAA; ne doona keeha hanga; tani nena tuththana.

ዬ ማጻፋ 81:11

«Gido attiin ta asati ta qaala siyibeettenna; Isra7eeleti taas kushe immibeettenna.

ዬ ማጻፋ 81:7

Intte meto wode tana xeygideta; histtiin tani inttena ashshadis; tani shaara giddora dadan inttena alladis; Mariiba geetettiza pultto haaththa matan tani inttena paaccadis.

ኬሳ ማጻፋ 13:14

Wodeppe ne nay nena, ‹Hayssi aaza wogaa?› gi oychchiko, neni izas, ‹GODAY nuna ba wolqqama qesen aylleteththa biitta Gibxeppe kessides;

ኬሳ ማጻፋ 13:3

Hessafe guye Musey asaa, «Gibxeppe, aylleteththa biittafe intte kezida gallassaya hanno gallassayo gididayssa yuushshi qoppite; ays giikko GODAY ba wolqqama qesen inttena kessides; hessa gishshas irshoy gelida kath aykkoka moopite.

ኬሳ ማጻፋ 15:13

«Ne wozzida ne asaa wurontta ne siiqon kaaleththadasa. Neni ne wolqqan istta ne aqiza geeshsha soo gelththadasa.

ኬሳ ማጻፋ 15:16

Abeet GODAWU! Dagamaynne hirgay istta oykkana. Istti ne wolqqa gitateth be7idi, ne asay aadhdhana gakkanaas, neni wozzida asay aadhdhana gakkanaas, shuchcha mala toletti eqqana.

ኬሳ ማጻፋ 15:26

Izi isttas, «GODAA intte Xoossay yootizayssa intte lo7eththi siyikko, iza ayfe sinththan lo7o ooththiko, intte iza azazo wozinan woththi naagikko, iza wogaakka ubbaa naagikko, tani Gibxe asaa bolla ehida hargefe issaaka intte bolla ehikke; gaasoykka tani inttena paththiza GODAA» gides.

ኬሳ ማጻፋ 20:1

GODAY haasayda qaalati ubbay hayssafe kaallizayta;

ኬሳ ማጻፋ 29:46

Tani istta giddon de7ana mala Gibxeppe istta kessida GODAA istta Xoossaa gididayssa istti erana. Ee, tani GODAA istta Xoossaa.

ኬሳ ማጻፋ 6:6

«Hessa gishshas neni Isra7eele naytas, ‹Tani GODAA; tani inttena Gibxe asaa qohoppe kessana; tani inttena istta aylleteththafekka goochcha kessana; qasse tani inttena ta gita wolqqaninne dumma dumma pirdan wozzana.

ኢሳያሳ ቲንቢቴ 43:3

Gaasoykka tani GODAA ne Xoossay, Isra7eele Geeshshay nees dhale; Ta ne gishshas Gibxe wozzo immana; Tophphiyanne Seeba ne gishshas aaththa immana.

ኤርማሳ ቲንቢቴ 16:14

GODAY, «Hessa gishshas asay, ‹Isra7eele asaa Gibxe biittafe kessida GODAY beyiin› giidi caaqqontta wodey yaana.

ኤርማሳ ቲንቢቴ 2:6

Isttika, ‹Nuna Gibxeppe kessiday, bazzon samida ogera, kundukurcco biittara, melanne dhuma biittara, asi aadhdhonttasora nuna kaaleththi ehida GODAY awan dizee?› gi oychchibeettenna.

ኤርማሳ ቲንቢቴ 31:1

GODAY, «He wode tani Isra7eele qommo ubbatas Xoos gidana; isttika ta dere gidana» gees.

ኤርማሳ ቲንቢቴ 31:33

«Gido attiin tani GODAY he wodeppe guye Isra7eele deraara ta caaqettana caaqoy hayssa; tani ta woga istta wozinan xaafa woththana; tanikka isttas Xoossa gidana; isttika ta dere gidana.

ኤርማሳ ቲንቢቴ 34:13

GODAA Isra7eele Xoossay, «Tani intte aawata Gibxeppe aylleteththa biittafe kessida wode isttara,

ሂዚቄላ ቲንቢቴ 20:19

GODAY tani intte Xoossa. Ta maara kaallite; ta wogaa naaganaas minnite.

ሂዚቄላ ቲንቢቴ 20:5

Isttas, ‹Tani Isra7eele doorida wode, Yaaqoobe zaretas ta kushe denththada caaqqadis; Gibxe biittan tanateththaa isttas qonccisadis; ta kushekka denththa caaqqada GODAY tani intte Xoossa› gides.

ሂዚቄላ ቲንቢቴ 20:7

Qasse tani isttas, ‹Inttefe issoy issoy intte ayfeta shempisida tuna misleta diggite; Gibxe eeqa xoossatan inttena tunisopite. GODAY tani intte Xoossa› gadis.

ሆሴኤ ቲንቢቴ 12:10

«Tani kasetada nabetas yootadis; daro ajjuuta ta istta bessadis; istta baggara leemison yootadis.

ሆሴኤ ቲንቢቴ 13:4

GODAY, «Nena Gibxeppe kessiday tana GODAA ne Xoossa; nees taappe attiin hara Xoossi deenna; nena ashshiday taappe attiin hara xoos gidenna.

ሌዌታ ማጻፋ 11:45

Inttes GODAA gidanaas Gibxeppe inttena kaaleththa kessiday intte Xoossay tana; hessa gishshas tani dumma gidida mala intteka dumma gidite.

ሌዌታ ማጻፋ 19:36

As cimmontta tumu meezaaney, maka miishshinne mixe miishshi inttes de7o; tani inttena Gibxeppe kessida GODAA intte Xoossa.

ሌዌታ ማጻፋ 23:43

Hayssanka tani Isra7eele nayta Gibxe biittafe kessida wode istti daasen uttana mala ta ooththidayssa inttefe guye yiza yeletay erana. Tani GODAA intte Xoossaa.»

ሌዌታ ማጻፋ 25:38

Nena Kanaane biitta laatissanaas nees GODAA gidanaas Gibxe biittafe kessida Xoossay tana.

ሌዌታ ማጻፋ 25:42

Isra7eele asaa ta Gibxe biittafe kessida ta oosanchchata gidida gishshas istti aylle mala bayzettofetto.

ሌዌታ ማጻፋ 25:55

Isra7eele asay taas aylletanne tani Gibxe biittafe kessida ta oosanchchata; tani GODAA intte Xoossaa.

ሌዌታ ማጻፋ 26:1

« ‹Intte izas goynnana mala inttes aykkoka eeqa medhdhofte; hessaththoka misle woykko hawulte woykko shuchchafe masetti kezida tuus essofte; tani GODAA intte Xoossaa.

ሌዌታ ማጻፋ 26:13

Intte aylleteththan haarettontta mala Gibxe biittafe inttena kessiday tani GODAA intte Xoossaa; tani intte aylleteththa qambara menththada intte dhoqqu giidi baana mala ooththadis.

ኣሞጼ ቲንቢቴ 2:10

Tani inttes Amoore dere biitta immanaas inttena Gibxeppe kessadis; oyddu tammu layth kumeth bazzora kaaleththa ehada laatissadis.

ኦሮሜ ኣሳስ 10:12

Ayhudata giddoninne Ayzaabeta giddon dummateththi deenna; issi Goday ubbaasikka Godaa; iza woossizayta gujji anjjees.

ኦሮሜ ኣሳስ 3:29

Xoossi Ayhudatas xallaa? Ayzaabetaska Xoos gidennee? Ee Ayzaabetaska izi Xoossa.

ዛሬ ማጻፋ 13:10

Intte kase Gibxe biittan aylleteththan dizasoppe inttena wozzi kessida GODAA intte Xoossaafe inttena haassanaas koyida gishshas hessaadey hayqqana gakkanaas shuchchan kurakkite.

ዛሬ ማጻፋ 15:15

Intteka kase Gibxe biittan aylle gididayssanne GODAA intte Xoossay inttena heeppe wozzidayssa dogopte; tani inttena hach azazizay hessassa.

ዛሬ ማጻፋ 20:1

Intte intte morkketa olana bishin para-gaaretinne toga asati inttefe daro gidikko hessa be7idi dagammofte; gaasoykka inttena Gibxeppe kessida GODAA intte Xoossay inttenara diza gishshas babbofte.

ዛሬ ማጻፋ 5:15

Neni Gibxe biittan de7iza wode aylle gidada de7idayssa akeeka; qasseka GODAA ne Xoossay ba mino qeseninne ba micettida kushen nena heeppe kessidayssa dogoppa; sambata gallassa ne bonchchana mala GODAA ne Xoossay azaziday hessassa.

ዛሬ ማጻፋ 5:6

‹Neni kase aylleteththan haaretta diza Gibxe dereppe nena wozza ekkiday tana GODAA ne Xoossaa.

ዛሬ ማጻፋ 7:8

Gido attiin GODAY inttena siiqida gishshassinne kase intte aawatas gelida hidota qaala naaganaas koyida gishshas izi inttena Gibxe kawos aylleteththan diza Gibxe biittafe ba gita wolqqan wozzidi kessides.

ዳናታ ማጻፋ 2:1

GODAA kiitanchchay Gelgelappe Bookime biidi Isra7eele asaas, «Tani inttena Gibxeppe kessada beni intte aawaas immana gaada ta caaqqida biitta inttena gelththadis; histtada ta inttes, ‹Tani inttenara caaqqida caaqo qaalaa mulekka laammike.

ዳናታ ማጻፋ 6:10

Tani inttena, ‹Tani GODAA intte Xoossaa; intte istta biittaa laattida Amooreta xoossatas goynnofte› gaada yootadis; gido attiin intte ta qaala siyontta ixxideta» gees.