ኬሳ ማጻፋ 19:5 - Geeshsha Maxaafa

⁵ Histtiin ha7i intte taas kumeth azazettiko, intte ta caaqo qaalaa naagikko, kumeththa deraa garsan intte taas buzo dere gidana. Biittay wuri taas gidikkoka,

ጋሞ ማጻፋ

⁵ ሂስቲን ሃኢ ኢንቴ ታስ ኩሜ ኣዛዜቲኮ፥ ኢንቴ ታ ጫቆ ቃላ ናጊኮ፥ ኩሜ ዴራ ጋርሳን ኢንቴ ታስ ቡዞ ዴሬ ጊዳና። ቢታይ ዉሪ ታስ ጊዲኮካ፥

ኬሳ ማጻፋ 19:5 ပူးပေါင်းရင်းမြစ်များ

ሜቴ ማጻፋ 17:9

Qasseka Xoossi Abrahaame, «Nekka neeppe guye ne zereththayka, yeletappe yeleta gakkanaas ta caaqo qaalaa naagite.

1ካዎታ ማጻፋ 8:53

Abeet GODAWU, Ta Xoossawu! Neni nu aawata Gibxeppe kessida wode ne ashkara Muse baggara yootida mala istta neni sa7an diza kawoteththata ubbaa giddofe nees xinxxo gidana mala dummasadasa» giidi woossides.

1ታሪኬ ማጻፋ 17:22

Neni ne deraa Isra7eele mernaas nees histtadasa; abeet GODAWU nenikka istta Xoossa gidadasa.

ኢዮቤ ማጻፋ 41:11

Saloppe garsan diza miishshi wurikka taassa; histtiin ta izas zaarana mala taas tal7iday oonee?

ኢዮቤ ማጻፋ 41:3

Izi, ‹Tana maararkkii!› gi nena woossanee? Woykko lo7o qaalan nena oychchandee?

ዬ ማጻፋ 135:4

GODAY Yaaqoobe baas buzo ooththides; Isra7eelekka baas al7o miish histti doorides.

ዬ ማጻፋ 24:1

Sa7aynne sa7an kumida ubbay GODAASSA; salo gufanththon diza ubbay Xoossassa.

ዬ ማጻፋ 25:10

GODAA caaqo qaalanne maara naagizaytas iza ogey ubbay kiyanne tuma.

ኬሳ ማጻፋ 15:26

Izi isttas, «GODAA intte Xoossay yootizayssa intte lo7eththi siyikko, iza ayfe sinththan lo7o ooththiko, intte iza azazo wozinan woththi naagikko, iza wogaakka ubbaa naagikko, tani Gibxe asaa bolla ehida hargefe issaaka intte bolla ehikke; gaasoykka tani inttena paththiza GODAA» gides.

ኬሳ ማጻፋ 23:22

Izi yootizayssa intte lo7eththi siyikko, tani yootizayssa ubbaa ooththiko intte morkketa ubbaa tani morkkana; inttenara eqettizaytara tanikka eqettana.

ኬሳ ማጻፋ 24:7

Hessafe guye Caaqo Qaala Maxaafaa ekkidi asaas dhoqqu histtidi nababiin asay, «GODAY yootidayssa ubbaa nuni ooththananne azazettana» gides.

ኬሳ ማጻፋ 34:9

«Abeet Godoo! Neni tanan ufayettidaa gidikko ne nunara issife baana mala ta nena woossays. Hayssi asay wozina muume gidikkoka nu iitateththaanne nu nagaraa atto gaada nuna ne as histta» gides.

ኬሳ ማጻፋ 6:7

Tani inttena ta dere histtana; tani intte Xoossaa gidana. He wode ta inttena Gibxe asaa aylleteththafe kessida intte GODAA Mernaa Xoossaa gididayssa intte erana.

ኬሳ ማጻፋ 8:22

Gido attiin tani GODAY ha biittan dizayssa neni erana mala he gallas ta asay diza Geeseme biittan boxey gakkontta mala tani teqqada istta biittaa naagana.

ኬሳ ማጻፋ 9:29

Museykka izas, «Tani ha katamaappe keza baada woossanaas ta kushe GODAAKKO miccana; histtiko daday aggana; qasse shachchayka bukkenna; hessankka biittay GODAAS gididayssa neni erana.

Siiqo Saba 8:12

Gido attiin taas buzo gidida woyne tokkizasohoy dees; Solomoone neni shii bira ekka; oosanchchati 200 bira ekketto» gadus.

ኢሳያሳ ቲንቢቴ 1:19

Intte taas eeno gi azazettiko biitta anjjo maana.

ኢሳያሳ ቲንቢቴ 41:8

GODAY, «Gido attiin nenoo ta ashkara Isra7eele, ta doorida Yaaqoobe, ta laggeza Abrahaame zereththazoo,

ኢሳያሳ ቲንቢቴ 43:1

Ha7i gidikko Yaaqoobe, nena medhdhiday, Isra7eele! Nena giigsida GODAY, «Tani nena wozzida gishshas yayyofa. Tani nena ne sunththan xeygadis; neni taassa.

ኢሳያሳ ቲንቢቴ 56:4

GODAY, «Ta Sambatata bonchchiza gundulatas, tana ufayssiza miish doorizaytas, ta caaqo qaala naagizaytas,

ኤርማሳ ቲንቢቴ 10:16

Gido attiin Yaaqoobe qaaday heyta mala gidenna. Gaasoykka izi ubbaa medhdhidayssa; Isra7eeley doorettida dere. Iza dooridayssa sunththay Ubbaafe Wolqqama GODAA Xoossa.

ኤርማሳ ቲንቢቴ 13:11

Danccoy asa xeessa baqqi oykkiza mala Yuhuda asay ubbaynne Isra7eele asay ubbay taakko shiphphi gaana malanne ta sunththas galatanne bonchcho immana mala ta ooththiin istti ta gizaaz siyibeettenna» gees.

ኤርማሳ ቲንቢቴ 7:23

Gido attiin tani isttas, ‹Taas azazettite; histtiko tani intte Xoossa gidana; intteka ta dere gidana; inttes lo7ana mala tani inttena azaziza oge ubbaara biite› gaada azazadis.

ሂዚቄላ ቲንቢቴ 16:8

«Qasseka ta heera aadhdha bashe xeelladis; ne gelo gakkida geela7o gididayssa be7ada ta may7o macara ne bolla yeggada ne kalloteth kammadis; nees caaqqadis; nenara qaala geladis; ne taassa» gees Ubbaa Haariza GODAY.

ሌዌታ ማጻፋ 20:24

Ta qasse izippe maaththinne eessi goggiza he cilila biittayo inttena gelththanaas caaqqadis; izokka ta inttes immana; hankko dereppe intte taas shaakettidayta gidana mala ooththiday tana GODAA intte Xoossaa.

ኣሞጼ ቲንቢቴ 3:2

Xoossay, «Kumeththa alamen diza dere ubbaafe ta inttena xalla dooradis; intte ooththiza nagara ubbaa gishshas ta inttena qaxxayays» gees.

ኣሞጼ ቲንቢቴ 6:1

Xiyoonen badhdhi gi uttidaytoo! Samaariya zuma bolla hirgay baynda dizaytoo! Isra7eele asay maado koyidi intteko yizaytoo! Intteno dere halaqatoo! Inttes aayye ana!

ሚልካሳ ቲንቢቴ 3:17

«Tani ooththiza gallas istti taas buzo miish gidana» gees Ubbaafe Wolqqama GODAA Xoossay; «Aaway baas ooththiza naa ashshiza mala tanikka istta ashshana.

1ቆሮንቶሴ ኣሳስ 10:26

Biittaynne biitta bolla dizay wurikka Godayssa.

1ቆሮንቶሴ ኣሳስ 10:28

Gido attiin issaadey, «Hayssi eeqas yarshettida kaththa» giikko he kaththaa he addeza qofaa gishshassinne inttena sidhiskko moopite.

ዛሬ ማጻፋ 10:14

Saloynne saloppe bollan diza saloti, biittaynne biitta bolla diza ubbay GODAASSA.

ዛሬ ማጻፋ 11:27

Ta hach inttes immiza GODAA intte Xoossaa azazota naagikko intte anjjettana.

ዛሬ ማጻፋ 14:2

Gaasoykka intte, GODAA intte Xoossaas dumma dere; GODAY biitta bolla diza dere ubbaafe intte izas dumma dere gidana mala izi inttena baas doorides.

ዛሬ ማጻፋ 14:21

GODAA intte Xoossaas intte dummatida dere gidida gishshas bawuti hayqqida mehe asho moopite; hara dereppe yiidi intte giddon dizayti maana giikko diggofte; woykko hara dere asas bayzana dandayeeta. Deyshsha laaqqa iza aayey maaththan doyssofte.

ዛሬ ማጻፋ 26:18

Qasse GODAYKKA ba gelida qaalaa mala neni izas dumma as gididayssa, izas xinxxo gididayssanne neni iza azazo ubbaa naaganayssa erisides.

ዛሬ ማጻፋ 26:19

Neni hessa ooththiko izi medhdhida asa ubbaafe bollara galatan, sunththaninne bonchchon gita kawoteth ooththana; izi gelida caaqo qaalaa mala izas dumma dere ooththanayssa nees erisides.

ዛሬ ማጻፋ 28:1

Neni GODAA ne Xoossaas azazettiko hach ta nees immiza azazota ne ubbaa ammanettada naagikko izi nena biitta bolla diza kawoteththata ubbaafe bollara dhoqqu dhoqqu histtana.

ዛሬ ማጻፋ 28:9

Neni GODAA ne Xoossaas azazettikonne ne iza azazota ubbaa polikko izi nees caaqqida qaalaa mala izi nena baas dumma shaakettida dere histtana.

ዛሬ ማጻፋ 4:20

Intte gidikko tamay izan eexxiza birata cooce misatiza Gibxeppe inttena GODAY shoddi kessiday intte izas dumma dere gidana malassa.

ዛሬ ማጻፋ 5:2

GODAA nu Xoossay Siina zumaa bolla nunara caaqo qaala gelides.

ዛሬ ማጻፋ 7:6

Gaasoykka GODAA intte Xoossay inttena baas gidana mala doorida dumma dere; biitta bolla diza dere ubbaafe intte izas dumma dere gidana mala doorettideta.

ዛሬ ማጻፋ 9:29

Gido attiin ha asay neni ne gita wolqqaninne ne mino qesen nees gidana mala ne doora kessida dere.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

Ibirawe 11:8

Abrahaamey baas laata biitta ekkanaas xeygettida wode ammanon azazettides; awa bizaakko erontta aggikokka ero giidi bides.

Ibirawe 8:9

Hessika ta istta Gibxeppe kessanaas istta kushe oykkada kase istta aawatara caaqettida qaalaa mala gidenna; gaasoykka istti kase ta caaqo qaalaan eqqibeettenna; tanikka istta yedda bessadis.

ኢያሶ ማጻፋ 24:24

Derezikka Iyaasos, «Nuni GODAA nu Xoossas goynnana; izaskka azazettana» gida.

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

1ሳሜላ ማጻፋ 15:22

Sameeli, «GODAA qaalas azazettiin iza ufayssizayssa mala GODAY xuugettiza kaththa yarshoninne hara yarshon ufayetti erizee? Hekko azazeteththi yarshofe, ezgi sissi dharsho handafe aadhdhees.