ኬሳ ማጻፋ 17:14 - Geeshsha Maxaafa

¹⁴ Hessafe guye GODAY Muses, «Tani Amaaleeqe asay qofettontta mala istta biitta bollafe kumeth dhayssana. Hayssi ubba wode qofettana mala maxaafan xaafada Iyaasos nababa sissontta aggofa» gides.

ጋሞ ማጻፋ

¹⁴ ሄሳፌ ጉዬ ጎዳይ ሙሴስ፥ «ታኒ ኣማሌቄ ኣሳይ ቆፌቶንታ ማላ ኢስታ ቢታ ቦላፌ ኩሜ ይሳና። ሃይሲ ኡባ ዎዴ ቆፌታና ማላ ማጻፋን ጻፋዳ ኢያሶስ ናባባ ሲሶንታ ኣጎፋ» ጊዴስ።

ኬሳ ማጻፋ 17:14 ပူးပေါင်းရင်းမြစ်များ

2ሳሜላ ማጻፋ 1:1

Sa7ooli hayqqidaappe guye Dawiti Amaaleeqe asaa oli xoonidi simmides; Xigilaagenkka nam7u gallas gam7ides.

2ሳሜላ ማጻፋ 8:12

Izas giirida kawoti, Eedoome, Mo7aabe, Amoone asaa, Filisxeeme asaanne Amaaleeqe asaa. Hessaththoka Xoobba kawo Erahoobe naa Hadaadi7eezereppe di7i ekkidayssa GODAAS dummasides.

1ታሪኬ ማጻፋ 4:42

Simoona zaretappe 500 asati Seyre zumaakko bida; istta halaqati Palaaxiya, Naraya, Erafayanne Uzi7eele; heytantti Yishi7e nayta.

1ታሪኬ ማጻፋ 4:43

Kase baqati attida Amaaleeqe asata Simoona zareti dhayssida; istti hach gakkanaas he biittan deettes.

ኢዝራ ማጻፋ 9:14

Histtiin qasse nuni ne azazota yedhdhi aadhdhi ha iita ooththiza makkalla asatara waani ekettanenne gelettanee? Ha iita oosoza gaason nu zereth ashshontta ne hanqon ne dhayssikiiyee?

ኢዮቤ ማጻፋ 18:17

Biitta bolla iza qoppiza asi deenna; iza goobateththika biittafe dhayana.

ኢዮቤ ማጻፋ 19:23

Hayssa gakkanaas ta haasayda qaala akeekizaynne maxaafan xaafiza asi dizaakko tana ay mala ufayssaneeshin!

ዬ ማጻፋ 9:6

Morkketi meri mernaas dhayda; istta katamatakka mulera dhoqalla dhayssadasa; istti mulera dogetti attida.

ኬሳ ማጻፋ 12:14

«He gallassay tani GODAY inttes ooththidayssa qoppi qoppi bonchchiza gallas gido; intte zereththi wuri GODAA ba7aale bonchcho; hayssa inttes woga histtidi mernaas bonchchite.

ኬሳ ማጻፋ 13:9

GODAY inttena ba wolqqama kushen Gibxeppe kessida gishshas, GODAA wogay intte doonappe shaakettontta mala, hayssi ba7aalezi intte kushe bolla qashettidanne intte liiphen woththiin qofsiza miishsha mala gidana.

ኬሳ ማጻፋ 17:13

Hessa gishshas Iyaasoy Amaaleeqe olanchchatanne Amaaleeqe asaa giththa mashshan xoonides.

ኬሳ ማጻፋ 24:4

Musey GODAY yootidayssa ubbaa xaafides. Wonteththa gallas maalado wonttara dendidi zumaa garsan yarshizaso giigsidi Isra7eele asaa tammanne nam7u qommota sunththan tammanne nam7u shuch tuussa mala essides.

ኬሳ ማጻፋ 32:33

Histtiin GODAY zaaridi Muses, «Tani ta mazgabaappe ta bolla nagara ooththida asata sunththaa quccana.

ኬሳ ማጻፋ 34:27

GODAY Muses, «Tani nenaranne Isra7eele asaara caaqo caaqettizay ha qaalati giza mala gidida gishshas ha qaalata xaafa» gides.

ሌሚሶ ማጻፋ 10:7

Xillota sunththay anjjon xeygettishe daana; iitata sunththi gidikko dogettana.

ኤርማሳ ቲንቢቴ 30:2

GODAA Isra7eele Xoossay Ermaasa, «Tani nees yootida qaala ubbaa maxaafan xaafa.

ኤርማሳ ቲንቢቴ 36:2

«Xaaththa maxaafa ekkada tani Iyosiyaasa kawoteththa wodeppe doommada ta nees yooto oykkoosofe hach gakkanaas Isra7eele bolla, Yuhuda bollanne hara kawoteththata ubbaa bolla haasayda qaala ubbaa xaafa.

ታይቦ ማጻፋ 24:20

Hessafe guye Balaamey gede Amaaleeqe zaari xeellidi, «Amaaleeqey ubbaafe aadhdhiza wolqqama kawoteth; gido attiin izi wurseththan mernaas dhayana» gi tinbite yootides.

ታይቦ ማጻፋ 33:2

istti dumma dumma wode dunkaani uttidasohota sunththaa GODAY azazida mala Musey xaafides.

ዛሬ ማጻፋ 31:9

Hessafe guye Musey woga xaafidi Caaqo Qaala Taabotaa tookkiza qeese gidida Lewe naytassinne Isra7eele cimata ubbaas immides.

ኢያሶ ማጻፋ 4:7

intte, ‹GODAA Caaqo Qaalaa Taabotay pinniza wode Yordaanoose shaafay goggizayssa aggi eqqides; ha shuchchati he sohon hanidayssa ubbaa mernaas Isra7eele asaa hassa7issizayta› giidi isttas yootite» gides.

1ሳሜላ ማጻፋ 15:18

GODAY nena, ‹Baada heyta nagaranchchata Amaaleeqe asaa mulera dhayssa; dippi histta dhayssanaashe gakkanaas ola› giidi kiittides.

1ሳሜላ ማጻፋ 30:1

Heedzdzanththo gallas Dawitinne izara diza asay Xiqilaage gakkida; Amaaleeqe asay Negebenne Xigilaage oli oykkida; histtidi Xiqilaage xuuggida.

1ሳሜላ ማጻፋ 30:17

Dawiti he gallassa omarsafe doommidi wonteththa gallassa omars gakkanaas istta olides; gaamella toggidi baqatida 400 naateththatappe attiin isttafe kessi ekki attiday haray deenna.