ኬሳ ማጻፋ 15:9 - Geeshsha Maxaafa

⁹ «Morkkey ceeqettishe, ‹Tani istta yedeththa oykkana. Tani istta haaro shaakkada, ta koyidayssa ubbaa ekkana. Tani ta giththa mashsha shoddada, istta dhayssana› gides.

ጋሞ ማጻፋ

⁹ «ሞርኬይ ጬቄቲሼ፥ ‹ታኒ ኢስታ ዬዴ ኦይካና። ታኒ ኢስታ ሃሮ ሻካዳ፥ ታ ኮዪዳይሳ ኡባ ኤካና። ታኒ ታ ጊ ማሻ ሾዳዳ፥ ኢስታ ይሳና› ጊዴስ።

ኬሳ ማጻፋ 15:9 ပူးပေါင်းရင်းမြစ်များ

ሜቴ ማጻፋ 49:27

«Biniyaamey bonqqiza kana suyte mala. Ba shankkatidayssa maalado mees; ba di7idayssa omars gishereththees» gides.

2ሳሜላ ማጻፋ 22:38

«Ta morkketa yedeththa dhayssadis; istti dippi gaanaashe gakkanaas guye gabeekke.

1ካዎታ ማጻፋ 19:2

Histtiin Elzabeela, «Neni he nabeta bolla ooththoyssaththo tanikka ne shemppo wonto hanni wode iziththo ooththontta aggiko xoossati hessafekka aadhdhiza iita ta bolla gaththetto» gaada qasttanne Eelaasas yeddadus.

1ካዎታ ማጻፋ 20:10

Hessafe guye Beeni-Hadaadey hara qasttanneta yeddidi, «Tana kaalliza asaa Samaariya katamaa gudullay issi issi kuuch gakkiko xoossati tana wodhetto» gides.

ኬሳ ማጻፋ 14:5

Asay kessi ekki bidayssa Gibxe kawos yootiin, izikka daannata Isra7eele nayta gishshas qoppida ba qofaa laammidi, «Nuni hayssaththo aazas ooththidonii? Nuni Isra7eele nayta yeddidi istti nuus ooththiza wolqqafe mela attidos» gida.

ሌሚሶ ማጻፋ 16:19

Otoranchchatara zuppetidi di7i ehida miish shaaketti ekkanaappe manqotara manqeteththan duussi kiya.

ኢሳያሳ ቲንቢቴ 36:20

Hayta ha dereta xoossata ubbaafe ba deraa ta kusheppe ashshana dandayday awayssee? Histtiin GODAY Yerusalaame ta kusheppe wostti ashshana dandayzee?» gides.

ኢሳያሳ ቲንቢቴ 53:12

Hessa gishshas iza gakkiza gisha gita asata gishara issife histtana; di7i ehidayssa wolqqamatara izi issife gishettana; izi ba shemppo hayqos aaththi immidi, iita ooththizaytara issife qoodettida gishshas, darota nagara tookkides; qohidayta gishshas gaannatides» gaana.

ኤርማሳ ቲንቢቴ 46:17

Istti heen, ‹Gibxe kawo Paarooney baas imettida qaadan go7ettontta dishe coo ta days ta days gi ceeqettizaade gi xeygana› gides.

ኢምባቆ ቲንቢቴ 3:14

Gote carko mala nuna laallanaas yidayssa, aykkoy baynda manqoza geemara mittanaas amottizayssa, olanchchata halaqa gididayssa iza tooran iza zaara caddadasa.

ሉቃሳ ሚሺራቾ 11:22

Gido attiin izappe hara mino asi yiidi xoonikko izi ammanettida ola miishshata woththi ekkidi izas diza haarozakka wursi haras gishana.

ዳናታ ማጻፋ 5:30

‹Istti di7idi ehidayssa gishetti ekkishin issaade issaade issi issi geela7oy woykko nam7u nam7u geela7oti gakkeettes. Sisaaras istti dumma dumma qalamen oosettida aleqo may7o immana; qasse taaska qoodhen xaaxanaas xilifen alleqidi lo7iza may7ota ehana› gadus.

1ሳሜላ ማጻፋ 30:8

Dawiti GODAA, «Hayta di7i efiza olanchchata kaalloo? Ta istta gakka oykkanee?» gi oychchides. GODAY izas, «Ee kaalla! Ne istta gakka oykkana; istti di7i efidayssa ne zaarana» gides.