ኬሳ ማጻፋ 15:7 - Geeshsha Maxaafa

⁷ Ne gita wolqqaan nenara eqettidayta kundisadasa. Eexxiza ne hanqo ne yeddadasa, izikka istta gafe mala mides.

ጋሞ ማጻፋ

⁷ ኔ ጊታ ዎልቃን ኔናራ ኤቄቲዳይታ ኩንዲሳዳሳ። ኤጺዛ ኔ ሃንቆ ኔ ዬዳዳሳ፥ ኢዚካ ኢስታ ጋፌ ማላ ሚዴስ።

ኬሳ ማጻፋ 15:7 ပူးပေါင်းရင်းမြစ်များ

ኢዮቤ ማጻፋ 9:4

Xoossi eranchchanne wolqqama; oonee izara eqettidi xoonettonttay?

ዬ ማጻፋ 148:13

Iza sunththi ubbaa bolla dhoqqa; iza bonchchoy sa7appenne saloppe bolla; hessa gishshas hayti ubbay iza sunth galatetto.

ዬ ማጻፋ 59:13

Ne hanqon istta dhayssa; istta mulera dippi histta; he wode Xoossi Yaaqoobe zereththa ayssizaadenne sa7a gaxa gakkanaas diza deraa haarizaade gididayssa asi ubbay erana.

ዬ ማጻፋ 68:33

Beniisoppe doommidi diza salotappe bollara bizayssas yexxite; izi ba wolqqama cenggurssa guunththan yootishin ezgi siyite.

ዬ ማጻፋ 83:13

Abeet ta Xoossawu! Istta gudulla mala laalla; carkoy efiza suulla mala ooththa.

ኬሳ ማጻፋ 14:27

Musey ba kushe abbaa bolla piddisides; gadey wontishin abbay kase ba diza soho guye simmides; Gibxe asay gede iza giddo baqatishin GODAY Gibxe asaa heen abbaa giddon yeggides.

ኬሳ ማጻፋ 5:12

Histtiin asay uttula shiishshanaas Gibxe biitta ubbaan laalettides.

ኬሳ ማጻፋ 9:16

Tani nena paxa woththiday nena ta wolqqa bessanaassinne ta sunththi biitta ubbaa bollan xeygettana malassa.

ኢሳያሳ ቲንቢቴ 37:17

Abeet GODAWU, ne hayth haa yeggada ezga. Abeet GODAWU, ne ayfe pogada haa xeella. Nena De7o Xoossaa cayanaas Senakireemey kiittida qaala siya.

ኢሳያሳ ቲንቢቴ 37:23

Ne oona cayaynne kawushshay? Oona bolla ne qaala dhoqqu histta haasayay? Otoro ayfen oona xeellay? Isra7eele Geeshshaa bolla gidennee!

ኢሳያሳ ቲንቢቴ 37:29

Neni ta bolla hanqon dendettida gishshassinne, ne hallacizayssi ta hayththan wodhdhida gishshas, tani ne siidhen dafo aaththana; ne doonankka bixala barsana; ne yida ogerakka ta nena guye zaara yeddana» gides.

ኢሳያሳ ቲንቢቴ 37:36

He gallassa omarsi GODAA kiitanchchay ke7idi, Asoore asay dunkkaani dizason, 185,000 attumasata wodhides. Histtiin asay maalado suuridi be7iza wode hayqqida asaa ahay heen kumides.

ኢሳያሳ ቲንቢቴ 37:38

Sanaakireemi ba xoossaa Nisraake keeththan goynnishe de7ishin, iza nayti Adiramelekeynne Sarsarey mashshan iza wodhida. Histtidi Araraate biitta baqatida. Iza naa Aseradooney izasohon kawotides.

ኢሳያሳ ቲንቢቴ 47:14

Hekko istti happa mala; tamay istta maana. Tamaa lacoppe dendidayssan bana ashshanaas dandayettenna. Asi ho7ana bonqqoy deenna; uttidi ho7ana tamaykka deenna.

ኢሳያሳ ቲንቢቴ 5:16

Gido attiin Ubbaafe Wolqqama GODAY, suure pirdan dhoqqu dhoqqu gaana; geeshsha Xoossay ba geeshshateththaa ba xilloteththan bessana.

ኢሳያሳ ቲንቢቴ 5:24

Istti Ubbaafe Wolqqama GODAA wogaa ixxida gishshas, Isra7eele Geeshshaa qaalaakka kadhida gishshas, tama lacoy buuxa oykkiza malanne mela maatay eexxi dhayza mala istta xaphoy wooqqana; istta ciishshayka buhe mala laaletti dhayana;

ኤርማሳ ቲንቢቴ 10:6

Abeet GODAWU! Ne malay oonikka deenna. Neni gita; ne sunththayka gitanne wolqqama.

ሚኪያሳ ቲንቢቴ 4:11

Ha7i qasse daro hankko dere asay ne bolla shiiqides; Isttika, ‹Hanna tunidaaz gidu! nu ayfey Xiyoono qidhen xeello› gaana.

ዛካራሳ ቲንቢቴ 14:3

Hessafe guye GODAY kase ola gallas olettiza mala he kawoteththata olanaas dendana.

ዛካራሳ ቲንቢቴ 14:8

He wode Yerusalaameppe de7o haaththi pulttana; izappe baggay arshey mokkiza baggan diza hayqo abban gelana; baggay qasse arshey wulliza baggara diza Mediteraane abban gelana; bone gidiin balgo gidiin layth kumeth pacey baynda goggishe de7ana.

ዛካራሳ ቲንቢቴ 2:8

Ubbaafe Wolqqama GODAY: ba bonchcho qonccisana mala ba asaa bonqqidayta kawoteththaako tana kiittides; inttena bochchizay taas ayfe ciro bochchiza mala.

ሚልካሳ ቲንቢቴ 4:1

«Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

Maatosa 3:12

Kath suraggiza layday iza kushen dees; izikka ba kaththa baleza pitti geeshshana; ba gisttezakka di7en qolana; happaa gidikko to7ontta taman xuuggana» gides.

ሃዋሬታ ኦሶ 9:4

Izikka heerakka biitta bolla kundidi saloppe, «Sa7oole, Sa7oole, tana aazas goodday?» giza qaala siyides.

ዛሬ ማጻፋ 33:26

Isra7eele asawu! Saloppe inttena maaddanaas ba teemara shaara bolla hemettiza intte Xoossa mala hara Xoossi deenna.

ዛሬ ማጻፋ 4:24

Gaasoykka GODAA intte Xoossay xuuggiza tamanne qanaatiza Xoossa.

Ibirawe 12:29

Nu Xoossay xuuggiza tama mala.