ኬሳ ማጻፋ 12:8 - Geeshsha Maxaafa

⁸ Ashoza he gallas qammaka taman xiixidi, cammiza bonccoranne irshoy baynda uukettida ukeththara metto.

ጋሞ ማጻፋ

⁸ ኣሾዛ ሄ ጋላስ ቃማካ ታማን ጺጺዲ፥ ጫሚዛ ቦንጮራኔ ኢርሾይ ባይንዳ ኡኬቲዳ ኡኬራ ሜቶ።

ኬሳ ማጻፋ 12:8 ပူးပေါင်းရင်းမြစ်များ

2ታሪኬ ማጻፋ 35:13

Leweti wogay giza mala shukettida Paaziga yarshoza taman xiixida; geeshsha yarshota xaaron, otoninne distten doyssida; histtidi kaxxoyssa heerakka Isra7eele zarkketas gishereththida.

ዬ ማጻፋ 22:14

Tani haaththa mala goggadis; ta meqeththati someppe someppe kolettida. Ta wozinay muqaadda mala ta giddon seerides.

ኬሳ ማጻፋ 1:14

Wolqqama ooson, simintoninne xuube medhon, qasse goshshe goyson, istta duussan un7eththida; daabursiza ooso ubbaa qadhetay baynda istta oosisida.

ኬሳ ማጻፋ 12:9

Ashoza qaye woykko doyssidi moopite; hu7eza; gedata; qanththa ashozakka ubbaa xiixidi miite.

ኬሳ ማጻፋ 13:3

Hessafe guye Musey asaa, «Gibxeppe, aylleteththa biittafe intte kezida gallassaya hanno gallassayo gididayssa yuushshi qoppite; ays giikko GODAY ba wolqqama qesen inttena kessides; hessa gishshas irshoy gelida kath aykkoka moopite.

ኬሳ ማጻፋ 13:7

He laappun gallassatan irshoy gelontta uketh intte maana; intte giddon irshora dizay aykkoyka beettofo; ne biitta zawan awankka irshoy mulekka dooppo.

ኬሳ ማጻፋ 23:18

«Neni yarsho suuth taas shiishshashe irshora uukettida ukeththara shiishshofa. He ba7aaleza bonchchiza gallas yarshettida moodheppe maalados aykkoyka attofo.

ኬሳ ማጻፋ 34:25

«Intte taas suuththa yarsho yarshiza wode irsho yeggidi uukkida ukeththara yarshofte. Paaziga bonchchiza gallassas yarshida yarshofe maalados aykkoyka attofo.

ኢሳያሳ ቲንቢቴ 53:10

«Iza liiqeththinne waayezi GODAA shene gidides; GODAY iza shemppo nagara yarsho ooththikoka izi ba zereththaa be7ana; GODAA sheney iza kushen polettana.

ኣሞጼ ቲንቢቴ 4:5

Intte ooththanaas koyzay hessa gidida gishshas irshoy izan diza uketh galata yarsho shiishshite; intte hessa intte shene mala shiishshiza gishshas izan ceeqettite» gees.

ዛካራሳ ቲንቢቴ 12:10

«He wode Dawite keeththa asaa bollanne Yerusalaamen diza asaa bolla kiyateththa ayananne woosa ayana ta gussana; tana caddidayti taakko xeellana; isttika asi baas diza issi nay hayqqiin yeekkiza asa mala izas yeekkana; bayra naas asi yeekkiza mala camo yeeho yeekkana.

Maatosa 16:12

Ha7i izi istta qofsizay bukeeso denththanaas gujjiza irsho gishshas gidontta Farsaawetanne Saduqaaweta timirtefe naagettana mala gididayssi isttas gelides.

Maatosa 26:26

Istti muussan dishin Yesusi miza qumaappe ekkidi anjjides. Menththidinne bana kaallizaytas immidi, «He7ite miite; hayssi ta ashokko» gides.

ጋላቲያ ኣሳስ 5:9

«Guuththa irshoy liixe ubbaa denththees» geetettiza mala.

ዛሬ ማጻፋ 16:7

He shukkida ashoza GODAA intte Xoossay dooridason xiixi miite; wonteththa gallas gede intte dunkaanen dunkaanen simmite.

1ታሶሎንቄ ኣሳስ 1:6

Ha7i intte nunanne Godaa misatideta; intte bolla ay metoy gakkidaa gidikkoka Xillo Ayana ufayssan qaalaa intte ekkideta.