ኣስቴሪ ማጻፋ 9:22 - Geeshsha Maxaafa

²² He gallassati Ayhudati bantta morkketappe attidi shemppo demmida gallassata; qasse he aginaykka istta kayoteththaynne hidota qanxxoy ufayssaninne kaassan laamettida agina; he gallassatan ufayettishe gibira, issoy issaas kaththa imota immishenne manqota maaddishe bonchchana mala isttas dabdaabbe xaafides.

ጋሞ ማጻፋ

²² ሄ ጋላሳቲ ኣይሁዳቲ ባንታ ሞርኬታፔ ኣቲዲ ሼምፖ ዴሚዳ ጋላሳታ፤ ቃሴ ሄ ኣጊናይካ ኢስታ ካዮቴይኔ ሂዶታ ቃንጾይ ኡፋይሳኒኔ ካሳን ላሜቲዳ ኣጊና፤ ሄ ጋላሳታን ኡፋዬቲሼ ጊቢራ፥ ኢሶይ ኢሳስ ካ ኢሞታ ኢሚሼኔ ማንቆታ ማዲሼ ቦንቻና ማላ ኢስታስ ዳብዳቤ ጻፊዴስ።

ኣስቴሪ ማጻፋ 9:22 ပူးပေါင်းရင်းမြစ်များ

ኣስቴሪ ማጻፋ 9:19

Hessa gishshas gaxare giddon diza Ayhudati hach gakkanaaska Adaare geetettiza aginan tammanne oydanththo gallas gibira gallas, ufayssa gallassinne issoy issaas imota immiza gallas histti bonchcheettes.

ኣስቴሪ ማጻፋ 9:21

Mardikiyoosi yeddida dabdaabey Ayhudati layththan layththan Adaare geetettiza aginan tammanne oydanththonne tammanne ichchashanththo gallassatan ba7aale bonchchanaassa.

ኣስቴሪ ማጻፋ 9:23

Hessa gishshas Ayhudati Mardikiyoosi immida azazo ekkidi istti bonchchanaas doommida ba7aale layththan layththan aggontta bonchchanaas qachchida.

ዬ ማጻፋ 103:2

Ta shemppoyee! GODAA galata! Izi nees ooththida kiyateththa ubbaa dogoppa.

ዬ ማጻፋ 149:7

Istti hessan kawoteththata bolla halo kessana; asaakka qaxxayana.

ዬ ማጻፋ 30:11

Ta yeeho yeththan laammadasa. Kayo may7oza taappe qaarada ufayssa may7o tana mayzadasa.

ዬ ማጻፋ 30:12

Hessa gishshas tani nena sabbanaappe attiin co7u giikke. Abeet ta GODAWU! Tani nena mernaas galatana.

ዬ ማጻፋ 37:15

Gido attiin istta mashshay isttas wozina ayfen gelana; istta wondafeykka meqqana.

ኢሳያሳ ቲንቢቴ 14:3

GODAY inttena intte waayeppe, metoppenne un7eteththafenne iita aylleteththafe nena shemppisida gallassi,

ዛካራሳ ቲንቢቴ 8:19

«Oydanththo aginan, ichchashanththo aginan, laappunththa aginaninne tammanththa aginan intte xoomiza xoomay Yuhuda deraas ufayssa gallassinne ba7aale gallas gidana; hessa gishshas intte tumateththinne saroteth koyite.»

Maatosa 5:4

Qadhettizayti anjjettidayta, ays giikko istti minettana.

ሉቃሳ ሚሺራቾ 11:41

Yo7on gidikko giddon dizayssa muxuwaata immite; he wode wurikka inttes geesh gidana.

ጋላቲያ ኣሳስ 2:10

Istti nuus hadara giday manqotas qofa nu aggontta mala; ta amoykka hessa ooththanaassa.

ዛሬ ማጻፋ 15:7

GODAA intte Xoossay inttes immiza biittaan intte diza katamata ubbaan Isra7eele asaappe issaadey metotishin be7ikko izi intte bagga gidida gishshas izas meqeth iitopite; qasse iza maaddanaappe intte kushe guye ekkofte.

ዛሬ ማጻፋ 16:14

Hessan intte, intte attuma naytaranne intte macca naytara, intte attuma aylletanne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay ufayettite.

ዛሬ ማጻፋ 16:15

GODAA intte Xoossay dooridason laappun gallas gakkanaas izas ba7aale bonchchite; GODAA intte Xoossay intte kaththaanne intte ooththiza ooso ubbaan inttena anjjana; izan intte ufayettana.

ዮሃኒሳ ኣጁታ 11:10

Heyti nam7u nabeti kase biittaa bolla diza asaa waayisida gishshas ha7i qasse biitta bolla diza asay ha nabeti hayqqida gishshas ufayettana; he ufayssaas ba7aale ooththidi issoy issaas yes immana.

1ሳሜላ ማጻፋ 25:8

Hessa neni ne oosanchchata oychcha; istti nees yootana. Hach nuni lo7o gallas yida gishshas ha naateththa nayti ne sinththan bonchchettetto. Shoobbe nena ne aylletasinne ne naa Dawites nees dandayettiza mala nuus imma› giite» gides.