ኣስቴሪ ማጻፋ 7:7 - Geeshsha Maxaafa

⁷ Kawozi keehi hanqettidi ba uttidasohoppe dendi eqqides; ba ushsha aggaagidi kawo keeththa atakiltey dizasoza bides. Gido attiin Haamay kawoy iza bolla iita miish ehanaas qachchidayssa erida gishshas godatteya Astera iza hayqoppe ashshana mala woossanaas guye attides.

ጋሞ ማጻፋ

⁷ ካዎዚ ኬሂ ሃንቄቲዲ ባ ኡቲዳሶሆፔ ዴንዲ ኤቂዴስ፤ ባ ኡሻ ኣጋጊዲ ካዎ ኬ ኣታኪልቴይ ዲዛሶዛ ቢዴስ። ጊዶ ኣቲን ሃማይ ካዎይ ኢዛ ቦላ ኢታ ሚሽ ኤሃናስ ቃቺዳይሳ ኤሪዳ ጊሻስ ጎዳቴያ ኣስቴራ ኢዛ ሃይቆፔ ኣሻና ማላ ዎሳናስ ጉዬ ኣቲዴስ።

ኣስቴሪ ማጻፋ 7:7 ပူးပေါင်းရင်းမြစ်များ

ኣስቴሪ ማጻፋ 1:12

Gido attiin kawoza oosanchchati kawozi azazida mala izis yootiin godatteya Asxiina baana koyabeekku. Histtiin kawozi keehi hanqettides; daro yiillotides.

ኣስቴሪ ማጻፋ 1:5

He gallassatappe guye kawozi Suusa kataman guuththatappe biidi gita asata ubbaas, ba kawoteththa keeththan, yuuyi aadhdhanaas atakiltey diza zagozan 7 gallas kumeth gibira ooththides.

ኣስቴሪ ማጻፋ 7:10

Hessa gishshas Mardikiyoosa kaqqana giidi giigsida koca bolla efidi Haama kaqqida; hessafe guye kawoza hanqoy irxxides.

ዬ ማጻፋ 112:10

Iita asi hessa be7idi yiillotees; ba achchaa garccishe coo gilqi dhayees; iitata amoy hada gidana.

ሌሚሶ ማጻፋ 14:19

Iitati lo7ota sinththan gulbatana; nagaranchchati xillota pengen hokkana.

ሌሚሶ ማጻፋ 14:35

Aadho erateththi diza aylley kawo ufayssees; gido attiin yeellachchiza aylley ba bolla hanqo ehees.

ሌሚሶ ማጻፋ 16:14

Kawo hanqoy hayqo kiitanchcha mala; aadho eranchchay gidikko hanqo irxxisees.

ሌሚሶ ማጻፋ 19:12

Kawo hanqoy gaammo xaago mala; gido attiin iza sinththan saba demoy maata cililissiza ira mala.

ኢሳያሳ ቲንቢቴ 60:14

Nena un7eththidayta attuma nayti ziggishe neekko yaana; nena kadhida ubbati ne toho bolla kundana; ‹Hanne GODAA katamayee! Isra7eeles Geeshsha miish gidida Xiyoone› gi xeygana.

ዳኔላ ቲንቢቴ 3:19

He wode Nabukadanaxoorey Sidiraaqa bolla, Misaaqa bollanne Abdinaago bolla keehi hanqettiin iza medhaykka laametti wodhdhides; laciza itoone tamazi kaseppe laappun kushe dari eexxana mala azazides.

ዮሃኒሳ ኣጁታ 3:9

Hessa gishshas baas Ayhuda gidontta dishe bana Ayhuda gizayti heyti Xala7e maabarappe gidida wordoti yiidi ne toho bolla kundana mala ta ooththana; tani nena siiqidayssa istti erana mala ta ooththana.

1ሳሜላ ማጻፋ 20:7

Izikka, ‹Ero lo7o› giikko tana ne oosanchchaa hirgisiza miishshi deenna; izi hanqettizaa gidikko izi ta bolla iita qoppidayssa ne erana.

1ሳሜላ ማጻፋ 20:9

Yoonataaneykka zaaridi, «Hayssi neeppe haakko! Ta aaway ne bolla iita qoppidayssa eridaakko ta nees waana yootikkinaa?» gides.

1ሳሜላ ማጻፋ 25:17

Ha7i nu godaa bollanne izaso asaa bolla metoy aalanththishe diza gishshas neni yuushsha qoppada ooththanaas bessizayssa ooththa. Izi gidikko hessa mala booza as gidida gishshas izas xali yootana issaadeyka deenna» gides.