ኣስቴሪ ማጻፋ 6:11 - Geeshsha Maxaafa

¹¹ Hessa gishshas Haamay kawoteththa may7o mayzidi para togisides; wogga ogetan kaaleththishe, «Kawoy bonchchanaas dosida asas hayssi oosettides» gi iza sinththan awajjides.

ጋሞ ማጻፋ

¹¹ ሄሳ ጊሻስ ሃማይ ካዎቴ ማይኦ ማይዚዲ ፓራ ቶጊሲዴስ፤ ዎጋ ኦጌታን ካሌሼ፥ «ካዎይ ቦንቻናስ ዶሲዳ ኣሳስ ሃይሲ ኦሴቲዴስ» ጊ ኢዛ ሲንን ኣዋጂዴስ።

ኣስቴሪ ማጻፋ 6:11 ပူးပေါင်းရင်းမြစ်များ

ኢዝራ ማጻፋ 6:13

Hessafe guye dere ayssiza Tatenaye, Saterboozinayeynne isttara issife ooththiza daannati kawoy azazida mala ubbaa polida.

ኣስቴሪ ማጻፋ 6:10

Kawozi zaaridi Haama, «Ane eeson ba! May7ozanne paraa ekkada kawo pengen uttida Ayhuda as Mardikiyoosas ne gida mala ooththa; ne gidayssafe issinakka paccontta mala» gi azazides.

ኣስቴሪ ማጻፋ 6:12

Hessafe guye Mardikiyoosi kawoza penge simmides; gido attiin Haamay ceecishe ba hu7e gullunttidi eeson baso simmi bides.

ኣስቴሪ ማጻፋ 8:15

Mardikiyoosi salo misatizanne booththa qacinan dadettida kawo may7o may7idi, gita worqqa kallachcha goxxidi, lo7o puuttofenne ochcha teera misatiza puuttofe dadettida seelo may7o may7idi kawoza sinththafe kezides. Suusa katamaya ufayettada ililadus.

ኣስቴሪ ማጻፋ 9:3

Dere haarizaytinne ayssiza gita asati, maatay dizaytinne shuumeti ubbay Mardikiyoosas babbida gishshas Ayhudata maaddida.

ሌሚሶ ማጻፋ 27:18

Balase miththayo ishalsidi naagida asi izi ayfe maana; ba godaas ooththiza asi bonchchettana.

ኢሳያሳ ቲንቢቴ 60:14

Nena un7eththidayta attuma nayti ziggishe neekko yaana; nena kadhida ubbati ne toho bolla kundana; ‹Hanne GODAA katamayee! Isra7eeles Geeshsha miish gidida Xiyoone› gi xeygana.

ሉቃሳ ሚሺራቾ 1:52

Kawota kawoteththafe woththides, ashketa qasse dhoqqu dhoqqu histtides.

ዮሃኒሳ ኣጁታ 3:9

Hessa gishshas baas Ayhuda gidontta dishe bana Ayhuda gizayti heyti Xala7e maabarappe gidida wordoti yiidi ne toho bolla kundana mala ta ooththana; tani nena siiqidayssa istti erana mala ta ooththana.