ኣስቴሪ ማጻፋ 4:1 - Geeshsha Maxaafa

¹ Mardikiyoosi ha hanida ubbaa eridaappe guye ba may7o daakkides; maaqa may7idi, ba hu7e bolla bidinth laallidi, ba qaala dhoqqu histti camo yeeho yeekkishe katamay giddo gelides.

ጋሞ ማጻፋ

¹ ማርዲኪዮሲ ሃ ሃኒዳ ኡባ ኤሪዳፔ ጉዬ ባ ማይኦ ዳኪዴስ፤ ማቃ ማይኢዲ፥ ባ ሁኤ ቦላ ቢዲን ላሊዲ፥ ባ ቃላ ቁ ሂስቲ ጫሞ ዬሆ ዬኪሼ ካታማይ ጊዶ ጌሊዴስ።

ኣስቴሪ ማጻፋ 4:1 ပူးပေါင်းရင်းမြစ်များ

ሜቴ ማጻፋ 27:34

Eesawey ba aawaa qaala siyida mala ba qaalaa dhoqqu histtadi daro camo yeeho yeekkidi ba aawaa, «Tana anjja; ta aawawu tanakka anjja!» gides.

ሜቴ ማጻፋ 37:34

Yaaqoobeykka mishettidi ba may7o peedhi yeggides; maaqa may7idi daro wode gakkanaas ba naazas yeekkides.

2ሳሜላ ማጻፋ 1:11

Hessafe guye Dawitinne izara diza asay ubbay bantta may7o daakkida.

2ሳሜላ ማጻፋ 13:19

Ti7imaara ba hu7en bidinth laalladus; alleqo may7ozakka daakkadus; hessafe guye ba hu7e baqqa oykkada yeekkashe badus.

ኣስቴሪ ማጻፋ 4:2

Maaqa may7ida asi kawoteththa keeth gelanaas dandayontta gishshas izas penge gakkanaas bides.

ኣስቴሪ ማጻፋ 4:3

Kawoza awajjaynne iza azazoy gakkida awuraajjata ubbaan Ayhudata garsan gita ceecey medhettides; histtiin xoomida; yeekkida; waassida; darotikka maaqa may7idi bidinththa bolla ichchida.

ኢዮቤ ማጻፋ 1:20

Hessafe guye Iyoobi dendidi kayottidi ba may7oza daakkides; ba hu7e bulusides; biittan gufanni goynnides.

ኢዮቤ ማጻፋ 2:8

Hessafe dendidayssan Iyoobi bidinththa bolla uttidi ba madunththa kon7an qaach doommides.

ኢዮቤ ማጻፋ 42:6

Hessafe dendidayssan ta haasayda miishshati tana yeellachchida gishshas bidinththaninne gudullan uttada ta neeppe maarettana.»

ኢሳያሳ ቲንቢቴ 15:4

Hasebooneynne El7eeley waassida; istta waasoykka Yahaaxe gakkanaas seetettides. Hessa gishshas Mo7aabe olanchchati waassida; istta wozinaykka kokkorides.

ኢሳያሳ ቲንቢቴ 22:4

Hessa gishshas tani, «Taappe haakkite; ane camo yeeho ta yeekkays; dhayda ta asaa gishshas tana minththeththana qoppofte» gadis.

ኢሳያሳ ቲንቢቴ 37:1

Kawo Hizqiyaasi hessa siyida mala ba may7o daakkides; hessafe guye maaqa may7idi GODAA Keeth gelides.

ኢሳያሳ ቲንቢቴ 37:2

Kawo keeth ayssiza Elyaaqeemey, xaafe Sheebinaynne qeesetappe erettidayti ubbay maaqa may7idi Amoxe naa nabe Isayaasakko baana mala kiittides.

ኢሳያሳ ቲንቢቴ 58:5

Tani dooriday hayssa mala xoomaa? Asi bana kawushshanay hayssa mala gallas xallaa? Shacca mala bana ziqqi histteththee? woykko maaqa may7idi bidinththaa bolla bululeteththee? Histtiin ne xooma ga xeygizayssi hayssee? GODAY hessa malan ufayettizee?

ሂዚቄላ ቲንቢቴ 21:11

Kushen oykkana mala mashshay qucettidi imettides; wodhizayssi kushen oykkanaas mashshay leefettidi imettides.

ሂዚቄላ ቲንቢቴ 21:6

«Hessa gishshas haysso asa nawu! Meqqida wozinan camo oole oola.

ዳኔላ ቲንቢቴ 9:3

Hessa gishshas tani maaqa may7adanne bidinththa bolla uttada xoomanaas, woossanaassinne gaannatanaas ta ayfe pude GODAA Xoossako denththadis.

ሚኪያሳ ቲንቢቴ 1:8

Hessa geedon tani yeekkays, wuu! Wuy gays; ta caammay baynda mela tohoninne mela kallo bays; worakana mala waassays; gutto mala waassays.

ሶፎናሳ ቲንቢቴ 1:14

«GODAAPPE yaana gita gallassay matides; hessika eeson yaana; GODAA gallassan siyettana yeehoy camo; heen olanchchati camo waaso waassana.

ሃዋሬታ ኦሶ 14:14

Hawaareti Barnabaasinne Phawuloosi hessa siyida mala ba may7o daakkidi gede dereza giddo woxxida; ba qaala dhoqqu histtidi hizgida;

ኢያሶ ማጻፋ 7:6

Hessafe guye Iyaasoy ba may7o daakkides; histtidi GODAA Taabotaa sinththan omars gakkanaas gufannides. Isra7eele cimatikka hessa mala hanida; ba hu7enkka gudulla makkida.

ዮሃኒሳ ኣጁታ 11:3

Ta markka nam7ati kayo may7o may7idi 1,260 gallas gakkanaas tinbite yootana mala ta isttas wolqqa immana» geetettides.