ኤፌሶኔ ኣሳስ 6:9 - Geeshsha Maxaafa

⁹ Intteno godatoo! Intteka intte oosisizaytas hessaththo ooththite; isttassinne inttes Godaa gididay bolla salon dizayssa; izikka ayfeso xeelli as maaddonttayssaka intteka eriza gishshas oosanchchata babiso aggidi lo7o ooththite.

ጋሞ ማጻፋ

⁹ ኢንቴኖ ጎዳቶ! ኢንቴካ ኢንቴ ኦሲሲዛይታስ ሄሳ ኦቴ፤ ኢስታሲኔ ኢንቴስ ጎዳ ጊዲዳይ ቦላ ሳሎን ዲዛይሳ፤ ኢዚካ ኣይፌሶ ጼሊ ኣስ ማዶንታይሳካ ኢንቴካ ኤሪዛ ጊሻስ ኦሳንቻታ ባቢሶ ኣጊዲ ሎኦ ኦቴ።

Gamo Geesha Maxxafa New Testamen

⁹ Inteno Godato inteka inte oothisizaytas hessaththo oothite. Istasie intes Goda gididay bolla sallon dizaysa izikka as ayeso xeeli madontayssakka intekka eriiza gish oothanchata babiso agidi loo7o oothite.

ኤፌሶኔ ኣሳስ 6:9 ပူးပေါင်းရင်းမြစ်များ

ናሂሚያ ማጻፋ 5:5

Nu zereththinne Ayhuda zereththi issino; nu naytassinne istta naytas aykko dummateththika baawa; gido attiin nu yelida nayta dosay baynda aylleteththas aaththi immidos; qasse nu macca naytappe issi issinoti aylle gidida; nu gadeynne woyne atakiltey nuuppe ekettida gishshas nuus wolqqay bayndayta gididos» giidi bantta misha qanggida.

ኢዮቤ ማጻፋ 34:19

Ubbatikka iza medhetata gidida gishshas izi shuumeta shaakki maaddenna; duretakka manqotappe shaakkenna.

ዬ ማጻፋ 140:12

GODAY hiyeesatas pirdizayssanne metotanchchatas mootettizayssa ta erays.

ኤራንቻታ ማጻፋ 5:8

Dere garsan manqoy sugettiin, pirday pacciin, maatay yedhettiin ne be7ikko heytanttan keeha malalettofa. Issi issi halaqaas izappe bollara halaqay dees; qasse ubbatappe bollara hara halaqati deettes.

ኢሳያሳ ቲንቢቴ 47:6

Tani ta deraa hanqettadis; tani xinxxozakka tunisadis; tani istta ne kushen aaththa immadis. Neni gidikko isttas qadhettabeekka; cimmidayta bollaka keehi deexo qambara woththadasa.

ዳኔላ ቲንቢቴ 3:15

Ha7ikka zaye, dinke, maasinqonne diiththa, bagananne susul7e, yeththa giiris ubbaa intte siyidi ta essida misleza sinththan biitta bolla gufannidi intte goynniko inttes kiya gidana; intte goynnontta ixxiko he laciza itoone taman heerakka yegettana; inttena ta kusheppe ashshana Xoossi inttes bayndayssa intte erite!» gides.

ዳኔላ ቲንቢቴ 3:6

Biittan gufannidi goynnonttay oonikka diikko laciza itoone taman yegettana» gi awajjides.

ሌዌታ ማጻፋ 19:13

« ‹As baleththofa; woykko asa miishshe bonqqa ekkofa; miishshe immana gaada ne ooso oosisidaades miishshaa immontta dashe ne achchan issi qammaka ayssofa.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

Maatosa 22:10

Ashkaratikka oge bolla kezidi ba demmidayta lo7otakka iitatakka ubbaa shiishshidi sargezaso imath kunththida.

Maatosa 22:8

Ba ashkaratakka, ‹Sargeza diggisay giigides; gido attiin sargezaso xeygettidayti sarges bessizayta gidibeettenna.

Maatosa 24:48

Gido attiin he oosanchchay iita gididi, ‹Ta goday gam7idi yaana› gi qoppidi,

Maatosa 24:51

iza qanxxeththi kaa7ana; iza exa qoodheppe qommon hanizaytara ooththana. Heenkka yeehoynne achcha garccechchi hanana.

Maatosa 7:12

Hessa gishshas hara asi inttes ooththana mala intte koyzayssa, intteka haratas ooththite. Muse wogaynne nabeti gizayssi hayssa.

ሉቃሳ ሚሺራቾ 6:31

«Asi inttes ooththana mala intte koyzayssaththo intteka hara asas ooththite.

ዮሃኒሳ ሚሺራቾ 13:13

Intte tana Astamaarenne Godaa geeta; ta qasse Astamaarenne Godaa gidida gishshas intte guussay tumukko.

ሃዋሬታ ኦሶ 10:34

Phexroosikka, «Xoossi oonakka shaakki maaddonttayssa tumappe ta eradis.

ኦሮሜ ኣሳስ 2:11

Xoossi oonakka shaakki maaddenna.

1ቆሮንቶሴ ኣሳስ 1:2

Qorontoosen diza Xoossa Woosa Keeththaas, Godaa Yesus Kirstoosas dummatidaytassinne isttassara nuussara Godaa gidida Godaa Yesus Kirstoosa sunththaa awanka xeygiza ammanizaytara gidanaas xeygettida asa ubbaas,

ዛሬ ማጻፋ 10:17

GODAA intte Xoossay xoossa geetettiza ubbaafe bolla; godatas Godaa; izi gita, minonne yashshiza Xoossa; izi maaddi pirdontta Xoossanne maganxo ekkontta Xoossa.

ቆላሲያሴ ኣሳስ 3:25

Qoho ooththidaadey ba ooththidaari kushe ekkana; iza achchan dumma maadoy deenna.

ቆላሲያሴ ኣሳስ 4:1

Godatoo! Inttes salon Goday dizayssa intte eriza gishshas inttes ooththizaytas tumaninne suureteththan ooththite.

ያቆቤ ኪታ 2:13

Gaasoykka maaronttay wurikka maaroy baynda pirdettana; maaroy pirda Xoonees.

ያቆቤ ኪታ 2:8

Geeshsha Maxaafan, «Ne lagge ne hu7e mala siiqa» geetetti xaafettida kawo wogaa intte polikko lo7o ooththeeta.

ያቆቤ ኪታ 5:4

Intte intte wozinan woththite; intte kath maxishe peydaytas istta wolqqa waagaa intte qanxxontta aggida gishshas intte bolla waassishe intte achchan deettes. Kath maxizayta waasoy ubba dandayza Godaa hayththan gakkides.

1ሳሜላ ማጻፋ 15:17

Sameeli izas, «Neni ne qofan guuth gidikkoka ne Isra7eele asaa kaaleththizaade gidabeekkii? GODAY nena tiydi Isra7eele bolla kawoththides.