ኤፌሶኔ ኣሳስ 6:10 - Geeshsha Maxaafa

¹⁰ Hara baggara mino Godaaninne iza gita wolqqan minnite.

ጋሞ ማጻፋ

¹⁰ ሃራ ባጋራ ሚኖ ጎዳኒኔ ኢዛ ጊታ ዎልቃን ሚኒቴ።

Gamo Geesha Maxxafa New Testamen

¹⁰ Hara bagara miino Godaninne iza gita woliqana minite.

ኤፌሶኔ ኣሳስ 6:10 ပူးပေါင်းရင်းမြစ်များ

1ታሪኬ ማጻፋ 28:10

Xoossaa keeth keexxanaas GODAY nena dooridayssa dogoppa; minnada oosoza ooththa» gides.

1ታሪኬ ማጻፋ 28:20

Hayssafe guye Dawiti ba naa Solomoone, «Aykkoy baawa minna! Oosoza doomma! GODAA ta Xoossay nenara diza gishshas yayyofa; hidotakka qanxxofa! Xoossa Keeththa oosoy polettana gakkanaas Xoossay nena yeggennanne aggenna.

2ታሪኬ ማጻፋ 15:7

Intte gidikko intte ooththida oosos woytoy de7iza gishshas minnite! Laafopite!» gides.

ዬ ማጻፋ 138:3

Tani xeygida gallas taas koyadasa; ne minoteththan tana minththeththa.

ኢሳያሳ ቲንቢቴ 40:28

Ne erabeekkii? Ne siyabeekkii? GODAY mernaa Xoossa; izi biittaa ubbaaka medhdhidayssa. Izi daaburenna; azallenna; iza akeekaykka oonankka pilggettenna.

ኢሳያሳ ቲንቢቴ 40:31

Gido attiin GODAA hidota ooththizayti bantta wolqqa ooraxisseettes; istti golle mala piradhdhana; istti daaburontta woxxana; istti baana; argacettenna.

ሃጌ ቲንቢቴ 2:4

Ha7i qasse Zerubaabelee minna! Qeeseta halaqa Iyosaadoqe naa Iyaasoo minna! Intteno ha dere asatoo wurikka minnite! Ta inttenara diza gishshas ooththite› ga yootanne oychcha.

ዛካራሳ ቲንቢቴ 8:13

Yuhuda derenne Isra7eele dere asatoo! Intte kase kawoteththata giddon qanggettida dere mala qoodettideta; ha7i gidikko ta inttena ashshana; intteka anjjos gidana; hessa gishshas babbofte; minnite.

ዛካራሳ ቲንቢቴ 8:9

Ubbaafe Wolqqama GODAY, «Ubbaafe Wolqqama GODAA Keeththaas yochchi yegettishin heen diza nabeti yootida qaalaa ha7i siyizayti ubbay Ubbaafe Wolqqama GODAA Keeth keexxanaas intte kushe minththite.

1ቆሮንቶሴ ኣሳስ 16:13

Beeggite! Ammanon minni eqqite; minnite; goobite.

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

ኤፌሶኔ ኣሳስ 1:19

Nuus ammanizaytas ubbaafe bolla gidida iza wolqqa dhoqqateth intte erana mala ta woossays; he wolqqayka iza gita minoteththaa ooson bessidayssi hayqoppe Kirstoosa denththidi salon ba ushachchan utissida Kirstoosa baggara.

ኤፌሶኔ ኣሳስ 3:16

Intte garsa baggara minnana mala Ayana baggara iza bonchcho dureteththi inttes imettana mala ta woossays.

ዛሬ ማጻፋ 31:23

Hessafe guye Xoossay Nawe naa Iyaaso, «Minna; xala gida; neni Isra7eele asaa kaaleththada ta kase isttas immana ga caaqqida biittayo gelththana; tanikka nenara gidana» gi azazides.

ፒሊጲሲዮሴ ኣሳስ 3:1

Ta ishatoo! Hayssafe hara ta inttena gizay Godaan ufayettite; ha7ikka zaarada izo ta inttes xaafikko tana saleththenna; inttenakka go7ana.

ፒሊጲሲዮሴ ኣሳስ 4:13

Taas wolqqa immiza Kirstoosan tani ubba miish ooththanaas dandayays.

ፒሊጲሲዮሴ ኣሳስ 4:8

Wurseththa bolla ta ishatoo! Tumu gidida yo7o ubbaa, bonchcho gidida yo7o ubbaa, adda gidida yo7o ubbaa, geeshshi gidida yo7o ubbaa, dosettida miish ubbaa, lo7o gidida yo7o ubbaa, lo7eteth gidiinkka galatakka haytantta misatizaaz ubbaa qopite.

ቆላሲያሴ ኣሳስ 1:11

Goday ba gita wolqqan ba minoteth ubbaa inttes immo; wursika intte dandayana malanne ufayssan giigettidayta gidana mala inttena izi maaddo.

2ጺምቶሳስ 2:1

Hessa gishshas ta naazoo neni Godaa Yesus Kirstoosa kiyateththan minna.

2ጺምቶሳስ 4:17

Gido attiin qaalaa kiitay ta baggara kumeth yootettana malanne dere asay wuri siyana mala Goday ta achchan eqqidi tana minththides; Gaammo doonappeka tana ashshides.

ኢያሶ ማጻፋ 1:9

Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.

1ጴጽሮሳ ኪታ 3:8

Hessafe asa baggara qasse intte issoy issaara siiqon diite; hara asa bolla gakkiza meto intte meto mala xeellite; intte intte garsan ishantta mala siiqettite; ashketanne kiyata gidite.

1ጴጽሮሳ ኪታ 4:11

Tamaarsizaadey Xoossa qaala tamaarsiza mala tamaarso; haggazizaadey Xoossi izas immiza wolqqan haggazo; hessa malan Xoossi Yesus Kirstoosa baggara haniza ubbaan galatettana; bonchchoynne godateththi mernaappe mernaa gakkanaas izas gido. Amiin!

1ጴጽሮሳ ኪታ 5:10

Intte guuththa wodes waayettidayssafe guye inttena Kirstoosa baggara mernaa bonchchos xeygida kiyateth ubbaas Goday izi barkka inttena gakkida waayezappe ashshana, maaddananne minththeththana qasseka dazgisana.

1ዮሃኒሳ ኪታ 2:14

Naateththa naytoo! Intte Aawaa erida gishshas ta inttes xaafays; aawatoo! Koyroppe dizayssa iza intte erida gishshas ta inttes xaafays. Naateththatoo! Intte minota gidida gishshassinne Xoossa qaalay inttenan diza gishshas intte Xala7e xoonida gishshas ta inttes xaafays.

1ሳሜላ ማጻፋ 23:16

Sa7oole naa Yoonataaney Dawiti dizaso biidi Xoossa sunththan iza minththeththides.