ኤፌሶኔ ኣሳስ 5:15 - Geeshsha Maxaafa

¹⁵ Hessa gishshas erateththi bayndayta mala gidontta intte waanidi erata mala daanaakko naagettite.

ጋሞ ማጻፋ

¹⁵ ሄሳ ጊሻስ ኤራቴ ባይንዳይታ ማላ ጊዶንታ ኢንቴ ዋኒዲ ኤራታ ማላ ዳናኮ ናጌቲቴ።

Gamo Geesha Maxxafa New Testamen

¹⁵ Hesa gish eratethi bayndayta mala gidonta inte wanidi erata mala danakone nagetite.

ኤፌሶኔ ኣሳስ 5:15 ပူးပေါင်းရင်းမြစ်များ

2ሳሜላ ማጻፋ 24:10

Dawiti olanchchata qoodidaappe guye ba wozinara modhettidi, «Ta gita nagara ooththadis; ha7ikka GODAWU! Tana ne aylleza ne maarana mala ta nena woossays; ha7ikka GODAWU tani ne aylley gita bala ooso ooththida gishshas maararkkii?» gides.

ኢዮቤ ማጻፋ 2:10

Iyoobikka, «Waanada eeya maccassa haasaya haasayay? Xoossi lo7o miish immiza wode ufayssan ekkoos; ha7i gidikko iita izi nu bolla ehishin iza bolla zuuzumanaas bessizee?» gides. Iyoobi ha ubbaa metoynne waayey iza bolla gakkinkka izi Xoossa bolla iita miish haasaydi nagara ooththibeenna.

ዬ ማጻፋ 73:22

tani qofay baynda dammadis; tani ne sinththan miiza mala gidadis.

ኬሳ ማጻፋ 23:13

«Tani inttena gidayssa ubbaa minththidi ooththite; hara xoossata sunth xeygopitenne istta woossofte.

ሌሚሶ ማጻፋ 14:8

Akeekanchcha asas aadho erateththi ba oge naago; eeyata eeyateththi gidikko istta cimmees.

ሌሚሶ ማጻፋ 15:21

Wozina pace asi ba eeyateththan ufayettees; gido attiin akeeki suure oge kaallees.

Maatosa 10:16

«Ta inttena dorsa mala kana suyteta giddora kiittays. Hessa gishshas shooshsha mala cinccatanne haraphphe mala ashketa gidite.

Maatosa 25:2

He tammatappe ichchashu geela7oti eeyata; hankko ichchashati cinccata.

Maatosa 27:24

Philaxoosi hanizayssi wurikka asay ba giddon bul7aketeththafe attiin hara ay go7ay bayndayssa yuushshi xeellidi, «Hayssa addeza suuththaa gomeppe ta geeshsha; hayssafe guye intte shene» giidi haath ehisidi dereza sinththan ba kushe meecettides.

Maatosa 8:4

Qasseka Yesusi addeza, «Ne paxidayssa oonaska yootoppa; gido attiin baada nena qeeses bessa. Istti azazida yarshoza gaththa; hessika isttas markka gidana» gides.

ሉቃሳ ሚሺራቾ 24:25

Izikka isttas, «Intteno wozinan woththonttaytoo! Intte wozinay kase nabeti yootidayssa ammananaappe takkidaytoo!

1ቆሮንቶሴ ኣሳስ 14:20

Ta ishatoo! Intte intte qofan guuththa nayta mala gidopite; iita oosos gidikko guuththa nayta mala gidite; qofan gidikko kaha kunththida asata gidite.

ጋላቲያ ኣሳስ 3:1

Intteno yuushshi qoppontta Galatiya asatoo! Inttes balettontta mala iza kaqeteththaa ta intte sinththan misle mala giigsa bessadisko shin inttena oonee bitiday?

ጋላቲያ ኣሳስ 3:3

Intte hessa mala qoppi erontta asee? Xoossa Ayanan oykkidayssa zaaridi asho hanon polanaas waayetteetii?

ኤፌሶኔ ኣሳስ 5:2

Kirstoosi nuna siiqida mala qasseka nu gishshas bana sawiza yarsho ooththi Xoossas immida mala intteka siiqon simerettite.

ኤፌሶኔ ኣሳስ 5:33

Gidikkoka inttefe issi issaadey ba machcho bana siiqiza mala siiqo; machchaka ba azinaa bonchchu.

ፒሊጲሲዮሴ ኣሳስ 1:27

Kirstoosa Mishiraachcho qaalaas bessiza mala diite; hessaththo haankka ta inttena baada be7idaakko woykko haahon daada intte gishshas ta siyizaakko intte Mishiraachcho qaalaa ammanos issife olettishe issi Ayanan intte minni eqqanayssa ta erays.

ቆላሲያሴ ኣሳስ 1:9

Nu qasse hessa siyoosoppe haa simmiin intte Xoossa shene erateththaninne akeekan inttena kunththana mala intte gishshas woosa qanxxibeekko.

ቆላሲያሴ ኣሳስ 4:5

Ammanontta asatara inttes diza hanoteththan aadho erateththan simerettite; inttes beettida lo7o qaadan go7ettite.

1ታሶሎንቄ ኣሳስ 5:15

Oonaska iita gishshas iita zaarontta mala naagettite; gido attiin intte intte giddon gidiin hara asara gidiin ubba wode lo7o gidizayssa ooththanaas baaxetite.

1ጺምቶሳስ 6:9

Dure gidanaas koyzayti gidikko gede paaceninne narxan gelidi oykettizayssa mala daro hadaninne iita amon un7etteettes.

Ibirawe 12:25

Inttes yootizayssa intte akkay gontta mala naagettite; heytantti Xoossi biitta bolla diza asa baggara isttas yootizayssa ekkontta ixxidi izappe attanaas dandayontta aggiko nuni saloppe yidayssi nuus yootishin ekkontta ixxiko nu izappe waani attanee?

ያቆቤ ኪታ 3:13

Intte garsafe akeekara diza era asi oonee? Eray dizaa gidikko ane ba ooso ashketeththaninne aadho erateththara ba lo7o duussan besso.

1ጴጽሮሳ ኪታ 1:22

Intte ammanizayta suure wozinappe siiqana mala tumaas azazeteththan intte intte asateth geeshshideta; hessa gishshas intte intte giddon issoy issaara lo7eththi siiqettite.

ዮሃኒሳ ኣጁታ 19:10

Tanikka he kiitanchchazas goynnanaas iza toho bolla ta gufannadis shin izi tana, «Agga! Hessaththo ooththofa! Tanikka nenara Yesus Kirstoosa markkateth oykkida ishatara issife ooththizaade; neni Xoossas goynna! Yesusa markkay tinbite Ayana» gides.