ኤፌሶኔ ኣሳስ 4:9 - Geeshsha Maxaafa

⁹ Histtiin, «Izi pude kezides» guussi qasseka duge biitta gars wodhdhides guus gidontta aggiko hessi ay guussee?

ጋሞ ማጻፋ

⁹ ሂስቲን፥ «ኢዚ ፑዴ ኬዚዴስ» ጉሲ ቃሴካ ዱጌ ቢታ ጋርስ ዎዴስ ጉስ ጊዶንታ ኣጊኮ ሄሲ ኣይ ጉሴ?

Gamo Geesha Maxxafa New Testamen

⁹ Histin “Iza pude kezides” gusi qaseka duge biita garisa wodhides gusu giodonta agiko hessi ay guse?

ኤፌሶኔ ኣሳስ 4:9 ပူးပေါင်းရင်းမြစ်များ

ሜቴ ማጻፋ 11:5

Gido attiin GODAY asay keexxida gita katamazanne gimbeza beyanaas duge wodhdhidi,

ዬ ማጻፋ 139:15

Tani geemason medhettida wode ta meqeththati neeppe geemmibeettenna; tani ta aayey ulon ciimma giddon hiillan oosettiza wode,

ዬ ማጻፋ 63:9

Gido attiin tana wodhana koyzayti biitta garsan ciimma ollan moogettana.

ዬ ማጻፋ 8:5

Iza neni kiitanchchatappe guuththara ziqqisadasa; bonchchonne gitateththa kallachcha iza hu7en goxxisadasa.

ኬሳ ማጻፋ 19:20

GODAY kase Siina zumaa bolla wodhdhida wode Muse pude zumaa hu7e xeygiin Musey pude kezides.

ሌሚሶ ማጻፋ 30:4

Salo pude ke7idi duge wodhdhiday oonee? Carko ba kushen oykkiday, haath ba afalan yiiciday sa7a gaxa iza soon soon woththiday oonee? Ane erikko iza sunth taas yoota; Iza naaza sunththi oona geetettizee?

ኢሳያሳ ቲንቢቴ 44:23

GODAY hayssa ooththida gishshas Salotoo yexxite; ciimma biittatoo ufayssan ililite. Intteno zumatoo, intteno woratoo, miththatoo ubbay ililite; gaasoykka GODAY Yaaqoobe wozzides; ba bonchcho Isra7eele bolla qonccisides.

ሂዚቄላ ቲንቢቴ 31:14

Hessa gishshas haaththa lanqen diza ay miththika ba xeera cuppu gida bonccotappe bollara dhoqqu histtidi hayssafe guye bana otoron zaradhissenna; qasseka ay miththika lo7eththidi hayssaththo aduqqenna; ubbayka hayqqidi duge duufon gelizaytara issife hayqqana mala pirdettides› gees.

Maatosa 12:40

Yoonaasi gita mole ulo giddon heedzdzu qammanne heedzdzu gallas gam7ida mala Asa Naykka heedzdzu gallassinne heedzdzu qamma biitta garsan gam7ana.

ዮሃኒሳ ሚሺራቾ 20:17

Yesusi qasse, «Ta buro pude ta Aawaakko kezabeekke; tana bochchofa; gido attiin ne ha7i ta ishataakko baada, ‹Tani ta Aawakkonne intte Aawaakko, ta Xoossaakonne intte Xoossaako kezana gides› gaada isttas yoota» gides.

ዮሃኒሳ ሚሺራቾ 3:13

Saloppe duge wodhdhida asa Naappe attiin pude salo keziday haray oonikka deenna.

ዮሃኒሳ ሚሺራቾ 6:33

Gaasoykka Xoossa qumay saloppe wodhdhidi alames de7o immizayssa» gides.

ዮሃኒሳ ሚሺራቾ 6:38

Gaasoykka tani saloppe wodhdhiday tana kiittidayssa shene ooththanaas attiin ta shene ooththanaas gidenna.

ዮሃኒሳ ሚሺራቾ 6:41

Hessa gishshas Yesusi, «Saloppe wodhdhida qumay tana» gida gishshas Ayhudati iza bolla zuuzumettida.

ዮሃኒሳ ሚሺራቾ 6:51

Saloppe wodhdhida de7o qumay tana; hayssa ha qumaappe mizaadey wurikka mernaas daana. Alames de7o gidana mala ta immiza qumay ta ashoza» gides.

ዮሃኒሳ ሚሺራቾ 6:58

Hessa gishshas saloppe wodhdhida qumay hayssa; izikka kase intte aawati midayssa mala gidenna. Gaasoykka he qumaa midayti hayqqida; ha qumaa mizayti gidikko mernaas daana» gides.

ዮሃኒሳ ሚሺራቾ 6:62

Asa Nay Kirstoosi ba dizaso simmi kezishin beykko intte ay gaanee?

ዮሃኒሳ ሚሺራቾ 8:14

Yesusikka isttas, «Tani ta gishshas ay markkattikokka ta awappe yidaakko qasse tani awa baanaakko ta eriza gishshas ta markkateththi tuma. Intte gidikko ta awappe yidaakkonne qasse awa baanaakko erekketa.

Ibirawe 2:7

Ne iza kiitanchchatappe guuththara guuththadasa. Bonchcho zawudenne galata iza hu7en woththadasa. Neni iza ne kushe oosota bolla shuumadasa.

Ibirawe 2:9

Gido attiin Xoossa kiyateththan asa ubbaa gishshas hayqqanaas kiitanchchatappe guuththa wode guuxxida Yesusi waaye hayqo hayqqidi ha7i bonchchonne galata zawude ba hu7en woththidayssa nu beyoos.