ኤፌሶኔ ኣሳስ 4:32 - Geeshsha Maxaafa

³² Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.

ጋሞ ማጻፋ

³² ኢንቴና ጾሲ ኪርስቶሳ ባጋራ ኣቶ ጊዳ ማላ ኢንቴካ ኢንቴ ጋርሳን ኣቶ ኣቶ ጌቴቲቴ፤ ኢሶይ ኢሳራ ኪያታኔ ኢሶይ ኢሳስ ቃቲዛይታ ጊዲቴ።

Gamo Geesha Maxxafa New Testamen

³² Intena Xoossi Kiristossa bagara ato gida mala intekka inte garisan atto atto getetite, issay isara kiiyatane isay isas qadheetizayta gidite.

ኤፌሶኔ ኣሳስ 4:32 ပူးပေါင်းရင်းမြစ်များ

2ሳሜላ ማጻፋ 7:21

Ne qaalaza gishshassinne ne wozina qofa mala ne hayssa gita miish ooththadasa; ne ayllezi erana mala qonccisadasa.

ዬ ማጻፋ 112:9

Izi hiyeesatas kiyateththan immees; qasse iza xilloteththay mernaas dees; iza kacey bonchchon dhoqqu dhoqqu gaana.

ዬ ማጻፋ 145:9

GODAY ubbaas kiya; izi ba medhdhida ubbaas qadhettizayssa.

ሌሚሶ ማጻፋ 12:10

Xillo asi ba mehes qadhettees; iita asi kiyattees giikkoka menxe iita.

ሌሚሶ ማጻፋ 19:11

Aadho erateththi as dandayanchcha kessees; qoho yedhdhi aadheththi bonchchon gaththees.

ሌሚሶ ማጻፋ 19:22

Asappe koyettizay mino siiqo; wordanchcha gidanaappe manqoteththi lo7o.

ኢሳያሳ ቲንቢቴ 57:1

Xillo asi hayqqees; hessa oonikka wozinan woththenna; Xoossaas aqiza asata shemppoy ekettees; xilloti iitappe attana mala ekettidayssa oonikka akeekenna.

ኤርማሳ ቲንቢቴ 38:12

Tophphiya as Abimelekkey Ermaasa olla giddo duge xeygidi, «Nena qum7ontta mala hayssa ceega carqqaynne ceega may7oy iza bolla xaaxettida wodoroza ne shophpha giddo gelththa» gides. Ermaasikka izi goyssaththo ooththides.

Maatosa 6:12

Nu nuna qohidaytas atto giza mala nekka nu qoho nuus atto ga.

ማርቆሳ ሚሺራቾ 11:25

Hessaththoka intte woosas eqqiza wode intte Salo Aaway intte nagara atto gaana mala intteka inttena qohidayta nagara ubbaa atto giite.

ሉቃሳ ሚሺራቾ 1:78

nu Xoossaa lo7o maaroteththaafe dendidayssan Saloppe nuus arshey kezides.

ሉቃሳ ሚሺራቾ 11:4

Nuna qohidayta nu maariza mala nuna maara; paacenkka nuna gelththofa› gi woossite» gides.

ሉቃሳ ሚሺራቾ 17:4

Issi gallassan laappunto zaari zaari qohidi laappuntokka zaari zaari, ‹Maara› giikko maara» gides.

ሉቃሳ ሚሺራቾ 6:35

Gido attiin Xoossi bana galatonttaytassinne iitatas kiya gidida mala intte morkketa siiqite; lo7o ooththite; guyeppe zaari ekkanaas qoppontta dishe tal7e immite; hessankka inttes kushe zaaroy gita gidana; qasseka intte wogga Xoossaa naa gidana.

ሉቃሳ ሚሺራቾ 6:37

«Intte harata bolla pirdofte; intte bollaka pirdettenna; intte bolla pirday darontta mala harata bolla pirda darsofte; Asas atto giite; intteska atto geetettana.

ሃዋሬታ ኦሶ 28:2

He dereyin diza asay daro malalisiza kiyateth nuus ooththides; he wode iray bukkida gishshassinne meego gidida gishshas tama eeththidi nuna mokki ekkida.

ኦሮሜ ኣሳስ 12:10

Intte intte garsan issoy issaara ishata mala lo7eththi siiqettite; issoy issaa baappe aaththi bonchchizayta gidite.

1ቆሮንቶሴ ኣሳስ 13:4

Siiqoy dandaya, qasseka kiya; siiqoy miqqaynenna; ceeqettenna; otorettenna;

2ቆሮንቶሴ ኣሳስ 2:10

Intte atto gizaades tanikka atto gays; qasse ta tumappe atto gaanaazi dizaa gidikko Kirstoosa sinththan ta atto gizay intte gishshas gaadakko.

2ቆሮንቶሴ ኣሳስ 2:7

Hessaaddey keehi muuzottidi hidota qanxxontta mala intte hessaades atto giidi iza minththeththanaas bessees.

2ቆሮንቶሴ ኣሳስ 6:6

Hessaththoka geeshshateththan, erateththan, dandayan, kiyateththan, Xillo Ayana kaaloninne qoodheppe qommon gidontta siiqon,

ኤፌሶኔ ኣሳስ 5:1

Hessa gishshas intte dosettiza nayta mala Xoos misatite.

ያቆቤ ኪታ 5:11

Dandayan genccida asata nu istta, «Istti anjjettidayta» gi qoodizayssa intte ereeta. Iyoobi waani dandaydaakko intte iza gishshas siyideta. Goday iza wurseththan ay ooththidaakko intte beyideta; Goday asas keehi mishettizaadenne maarizaade.

2ጴጽሮሳ ኪታ 1:7

Xoossas goyno bolla ishanttara doseteth, ishanttara doseteththa bolla siiqo gujjite.

1ዮሃኒሳ ኪታ 1:9

Nuni nu nagaraa paaxikko izi nu nagaraa atto gaanaassinne nu qohoppe nuna wursi geeshshanaas izi ammanettidaadenne xillo.

1ዮሃኒሳ ኪታ 2:12

Ta naytoo! Intte nagaray Yesus Kirstoosappe dendidayssan atto geetettida gishshas ta inttes xaafays.

ኡሩቲ ማጻፋ 2:20

Nuhaama ba naaza machcheys ba lo7eteththaa, «Hayqqidayta bollanne paxa dizayta bolla lo7o ooso aggontta GODAY iza anjjo» gadus. Kaaleththadakka, «He addezi nuus asho dabbo; nuna laatti ayssanaas bessiza asaappe issoy iza» gadus.