ኤፌሶኔ ኣሳስ 4:18 - Geeshsha Maxaafa

¹⁸ Istta wozinay muumida gishshassinne yuushshi qoppontta gishshas istta wozina ayfey qooqides; istti Xoossa de7oppe shaakettida.

ጋሞ ማጻፋ

¹⁸ ኢስታ ዎዚናይ ሙሚዳ ጊሻሲኔ ዩሺ ቆፖንታ ጊሻስ ኢስታ ዎዚና ኣይፌይ ቆቂዴስ፤ ኢስቲ ጾሳ ዴኦፔ ሻኬቲዳ።

Gamo Geesha Maxxafa New Testamen

¹⁸ Ista wozinay mumida gishane yushi qoponta gish issta wozina ayfey qoqides. Isiti Xoossa de7ope shaketida.

ኤፌሶኔ ኣሳስ 4:18 ပူးပေါင်းရင်းမြစ်များ

ዬ ማጻፋ 74:20

Biittan diza dhuma sohoti ubbay makkallanchchatan kumida gishshas neni nuus caaqqida caaqo qaala qoppa.

ኢሳያሳ ቲንቢቴ 25:7

Hayssa ha zumaan dere ubbaa bollan wodhdhida magalasha, kawoteththata ubbaa goozi oykkida goossaa izi dhayssana.

ሂዚቄላ ቲንቢቴ 14:5

Bantta eeqa xoossata gaason taappe shaakettida Isra7eele asaa ubbaa wozina haa taakko zaaranaas ta hessa ooththana› gees.

ዳኔላ ቲንቢቴ 5:20

Gido attiin izi otorettida wodenne iza wozinay muumida wode, ba kawoteththa araataappe wodhdhides; bonchchoyka izappe qaarettides.

ሌዌታ ማጻፋ 11:16

Yanchcha, cancce gutto, haaththa kafo, gace zare ubbaa,

ማርቆሳ ሚሺራቾ 3:5

Istta wozina shuchchateththan mishettidi iza giddoththidi yuuyi aadhdhi eqqida asaa hanqora xeellidi addeza, «Ne kusheza piddisa!» gides. Addezikka ba kushe piddisiin kushezi mulera paxides.

ዮሃኒሳ ሚሺራቾ 12:40

«Istti ba ayfen be7idi, ba wozinan yuushshi qoppidi, simmontta malanne izi istta paththontta mala Xoossi istta ayfe qooqisides; istta wozinakka muumisides» gi xaafida gishshassa.

ሃዋሬታ ኦሶ 17:30

Kasetidi Xoossi hayssa mala hanota asay erontta ooththidayssa dandayan aadhdhides; ha7i gidikko asi wuri ba dizason dizason maaroteththan gelana mala azazees» gides.

ሃዋሬታ ኦሶ 3:17

«Ha7ikka ta ishatoo! Intte hessa ooththiday intte halaqata mala erontta gididayssa ta erays.

ኦሮሜ ኣሳስ 1:28

Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides.

ኦሮሜ ኣሳስ 11:25

Ta ishatoo! Intte cincca as gididayssa inttes misatontta mala hayssa giddo xuura yo7oza intte erontta attana mala ta koykke. Hessika Ayzaabetappe xeygettidayti wuri ammanana gakkanaas Isra7eele nayta wozinay muumides.

ኦሮሜ ኣሳስ 11:7

Histtiin ay gaanee? Isra7eele nayti lo7eththi koyidayssa demmibeettenna; Xoossan doorettidayti gidikko demmida; hankko attidayta wozinay muumides.

ኦሮሜ ኣሳስ 2:19

ne qooqeta kaaleththizaade; dhuman dizaytas poo7o gididayssa ne ammanettidaade gidikko

1ቆሮንቶሴ ኣሳስ 1:21

Xoossa erateththafe dendidayssan alamey ba erateththan Xoos eroy xooniin sabbako eeyateththan ammanizayta ashshanaas Xoossa shene gidides.

1ቆሮንቶሴ ኣሳስ 2:8

Ha alameza haarizaytappe oonikka ha erateththaa eribeenna; eridaakko istti bonchcho Godaa kaqqettenna.

2ቆሮንቶሴ ኣሳስ 3:14

Gido attiin kase gal7a caaqo qaalay nababettishin he wode goossazi hach gakkanaas kichchontta gishshas istta wozinay doccida mala dees; he goossay ha7ikka kichchibeenna; izikka kichchanay Kirstoosan xalla.

2ቆሮንቶሴ ኣሳስ 4:4

Xoossa leemiso gidida Kirstoosa bonchcho Mishiraachcho qaalaa poo7oza ha alame asay be7ontta mala hayssa ha alameza xoossi ammanontta asaa wozina muumisides.

ጋላቲያ ኣሳስ 4:8

Intte Xoos eranaappe kase Xoos gidontta eeqatas aylleta.

ኤፌሶኔ ኣሳስ 2:1

Intte qohida qoho gishshassinne intte nagara gaason intte hayqqideta shin;

ኤፌሶኔ ኣሳስ 2:12

Intte he wode Kirstoosappe shaakettidi, Isra7eele naytappe haakkidi, caaqo qaalaska allaga gididi, hayssa alameza bolla hidotaynne Xoossi baynda kase intte diza duussaa yuushshi qopite.

ቆላሲያሴ ኣሳስ 1:21

Intte iita qofa gaason kase intte Xoossafe shaakettidi izas morkketakkoshin.

1ታሶሎንቄ ኣሳስ 4:5

Hessika Xoos ammanontta Ayzaabeta mala layma qaaqqateththan gidoppo.

Ibirawe 5:2

Izikka ba baggara daaburanchcha gidida gishshas erontta asatassinne oge balidaytas qadhettana dandayees.

Ibirawe 9:7

Gidikkoka ubbaafe giddotiza kifile qeeseta halaqay xalla gelees; hessika layththan issito xalla gidishin izi ba nagara gishshassinne derey erontta ooththida nagaraa gishshas shiishshiza yarsho suuth oykkontta mulekka gelenna.

ያቆቤ ኪታ 4:4

Intteno laymatizaytoo! Alamera siiqeteththi Xoossara morkketeth gididayssa erekketii? Hessa gishshas hayssa alamezara siiqeteth koyzay wurikka Xoossas morkke.

1ጴጽሮሳ ኪታ 1:14

Intte azazettiza nayta gididi erontta dishe intte kase izan diza iita qofaa kaallofte.

1ዮሃኒሳ ኪታ 2:11

Gido attiin ba ishaa ixxizaadey gidikko dhuma giddon dees; dhuman simerettees; dhumay iza qooqisida gishshas izi awa bizaakkonne ba bizaso erenna.