ኤፌሶኔ ኣሳስ 4:12 - Geeshsha Maxaafa

¹² Hessika Kirstoosa asateth gidida Woosa Keeththiya keexettana mala ammanizayta ammano oosos giigsanaassa.

ጋሞ ማጻፋ

¹² ሄሲካ ኪርስቶሳ ኣሳቴ ጊዲዳ ዎሳ ኬያ ኬጼታና ማላ ኣማኒዛይታ ኣማኖ ኦሶስ ጊጊሳናሳ።

Gamo Geesha Maxxafa New Testamen

¹² Hesika Kiristossa asateth gidida wossa kethiya keexistana mala amanizayta amano oothos giigsinaskko.

ኤፌሶኔ ኣሳስ 4:12 ပူးပေါင်းရင်းမြစ်များ

ሉቃሳ ሚሺራቾ 22:32

Gido attiin tani neeppe ammanoy dhayontta mala ne gishshas Xoossaa woossadis; nekka simmida wode ne ishata minththeththa» gides.

ሃዋሬታ ኦሶ 1:17

Izikka nuuppe issaade mala taybettidi hayssa ha oosozan gelanaas qaada demmides» gides.

ሃዋሬታ ኦሶ 1:25

Yuhuday yeggi bidason ha oosaa ooththanaadenne Hawaare gidanaade ne doora» gi woossida.

ሃዋሬታ ኦሶ 11:23

Izikka hee bi gakkidi Xoossi ba aadho kiyateth deraas immidayssa be7idi ufayettidessinne asay wurikka kumeththa wozinappe Godaa ammanon minnana mala zorides.

ሃዋሬታ ኦሶ 20:24

Gido attiin Godaa Yesusi taas immida woththaa woxxa wursana gakkanaassinne oosoza ta polana gakkanaas tani ta shemppos mishettike; taas imettida oosoykka Xoossaa mishiraachcho qaalaa yootokko.

ሃዋሬታ ኦሶ 20:28

Xillo Ayanay inttena Xoossa dorsata heemmanaas shuumides; hessa gishshas intte hu7essinne Xoossa dorsatas naagettite; Goday ba suuththan wozzida Woosa Keeththayo naagite.

ሃዋሬታ ኦሶ 9:31

He wode Yuhudaninne Galilan, Samaariyankka diza ammanizayti saron diidi kaseppe minnida; qasseka Xoossa yashshateththan simerettishe Xillo Ayanan minettidanne kaseppe qoodan dari dari bida.

ኦሮሜ ኣሳስ 12:5

hessaththoka nuni darota gidi uttidi Kirstoosan issi asho; nuni issoy issaas asho.

ኦሮሜ ኣሳስ 12:7

Ooththi maaddizaadey ooththi maaddo; tamaarsizaadeyka tamaarso.

ኦሮሜ ኣሳስ 14:19

Hessa gishshas saroteththi beettiza ogenne nuni nu garsan lo7anaas bessiza oge ane koyoos.

ኦሮሜ ኣሳስ 15:14

Ta ishatoo! Intte lo7eteththan, erateth ubbaan kumidaytanne harata zoranaas eray dizayta gididayssa ta addafe shaakka eradis.

ኦሮሜ ኣሳስ 15:2

Nuni wurikka hara asi ba ammanon minnana mala iza go7izaazinne ufayssiza miish ane ooththoos.

ኦሮሜ ኣሳስ 15:29

Ta hee intteko bashe inttes Kirstoosa anjjo kunththa ekka baanayssa ta erays.

1ቆሮንቶሴ ኣሳስ 12:27

Histtiko intte wurikka Kirstoosa asateth; intte issoy issoy iza asateththa billiteta.

1ቆሮንቶሴ ኣሳስ 12:7

Gido attiin Xillo Ayana qoncciso imotay issaades imettizay issife go7ettanaassa.

1ቆሮንቶሴ ኣሳስ 14:12

Intteka hessa mala Ayanan imoteththata demmanaas koyza gishshas Woosa Keeththa go7iza imotata demmanaas lo7eththi koyite.

1ቆሮንቶሴ ኣሳስ 14:14

Tani hara qaalara woossiza wode ta Ayanan woossays attiin ta izappe aykkoka erikke.

1ቆሮንቶሴ ኣሳስ 14:26

Hessa gishshas ta ishatoo! Histtiin ay giinoo? Intte issife shiiqiza wode inttefe issi issi asas mazamure qasse issi issi asas timirtey dees; issi issi asas qonccontta xuura miishshata qonccisiza imotay dees; hara asas dumma qaalan haasayana imotay dees; haras qasse he qaalaa birshiza imotay dees; hessi he imotay wurikka ammanizayta go7anaas bessees.

2ቆሮንቶሴ ኣሳስ 12:19

Intte wurikka ha7i gakkanaas qoppizay nu intte sinththan nuna ashshanaas haniza miishsha mala xeelleetii? Nuni Kirstoosan gididi inttes yootizayssi Xoossa sinththana. Ta siiqotoo! Nu hayssa ubbaa yootizay inttena go7anaas giidikko!

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

2ቆሮንቶሴ ኣሳስ 13:9

Nuni daaburanchchata gidiin intte qasse minota gidishin nuna ufayssees; nu woosay intte bolla wosoy bayndayta gidana malassa.

2ቆሮንቶሴ ኣሳስ 3:8

histtiin Ayana oosos waanidi hessafe aadhdhiza bonchchoy deennee?

2ቆሮንቶሴ ኣሳስ 4:1

Xoossa maaroteththa daroppe dendidayssan hayssi ha oosozi nuus diza gishshas nuni hidota qanxxoko.

2ቆሮንቶሴ ኣሳስ 5:18

Hessi wuri haniday izi nuna banara Kirstoosa baggara maqayinththidinne maqayinththo ooso nuus immida Xoossanna.

2ቆሮንቶሴ ኣሳስ 6:3

Nu oosoy leqettontta mala ay wodekka oonaska nuni dhuphe gidokko.

2ቆሮንቶሴ ኣሳስ 7:1

Hessa gishshas ta siiqotoo! Hayssi hidotay nuus imettida gishshas ashonne ayana tunisiza ay miishshafekka ane nuna geeshshoos; Xoossas yashshan nu geeshshateththaa ane kumeth histtoos.

ኤፌሶኔ ኣሳስ 1:23

Woosa Keeththiya Kirstoosa asateththa; he izakka ubbason ubba miish kunththiza he iza kumeththa.

ኤፌሶኔ ኣሳስ 4:16

Iza gaason asateththi wuri xaphon oykettidi issi issi asateththi ba ooso ooththishe wurikka siiqon dicceessinne banakka minththees.

ኤፌሶኔ ኣሳስ 4:29

Koshshiza mala hankko siyizayta go7izaazinne maaddiza qaalappe attiin go7ay baynda qaalay intte doonappe kezoppo.

ኤፌሶኔ ኣሳስ 4:4

Intte xeygettida gallas issi hidotaakko xeygettida mala issi asateththinne issi Ayanay dees.

ቆላሲያሴ ኣሳስ 1:24

Ta intte gishshas waaye be7idayssi ha7ikka tana ufayssees; Kirstoosi ba asateth hessika Woosa Keeththa gishshas izi ekkida waayezappe ekkishin pacciday diikko tani ta ashon kunththana.

ቆላሲያሴ ኣሳስ 1:28

Nunikka issi issi as Kirstoosas kumeththa as histti shiishshanaas dandayana mala as ubbaa hiillara zorishenne tamaarsishe Kirstoosa gishshas sabbakoos.

ቆላሲያሴ ኣሳስ 4:17

Arikiphaases, «Neni Godaappe ekkida oosoza wurseth gaththanaas minna» giite.

1ጺምቶሳስ 1:12

Tana ba oosos shuumidinne ammanettizaade histti ekkidinne taas minoteth immida nu Godaa Yesus Kirstoosa ta galatays.

2ጺምቶሳስ 4:11

Luqaasi xalla tanara dees; Marqoosi tana ooson maaddiza gishshas iza nenara ekka ya.

2ጺምቶሳስ 4:5

Neni gidikko haniza yo7o ubbaan loddu ga; meto dandaya; mishiraachcho qaalaa yooto nees ooso histta; ne oosozakka pola.

Ibirawe 13:17

Inttena kaaleththizaytas azazettitenne haarettite; hessas gaasoykka intte gishshas istta alaafeteththan daro oychchiza gudday diza gishshas intte shemppo gishshas daro baaxeteettes; hessa gishshas istti ba ooththiza oosoza lancettishe gidontta ufayssan ooththana mala intte isttas azazettite. Intte hessaththo histtontta aggiko inttes lo7enna.

Ibirawe 6:1

Hessa gishshas koyroppe Kirstoosa gishshas imettida timirteza aggidi ane gede mino timirtekko boos. Hayqqida oosoppe maaroteththan gelo gishshassinne Xoossan ammano gishshas ane izan buro wodhdhi maadhdhoko.