ኤፌሶኔ ኣሳስ 1:4 - Geeshsha Maxaafa

⁴ Nu iza sinththan geeshshinne wosoy bayndayta gidana mala buro alamey medhettanaappe kase ba siiqon Kirstoosa baggara nuna doorides.

ጋሞ ማጻፋ

⁴ ኑ ኢዛ ሲንን ጌሺኔ ዎሶይ ባይንዳይታ ጊዳና ማላ ቡሮ ኣላሜይ ሜታናፔ ካሴ ባ ሲቆን ኪርስቶሳ ባጋራ ኑና ዶሪዴስ።

Gamo Geesha Maxxafa New Testamen

⁴ Nu iza sinthan geshatana wothoy bayndayta gidana mala buro alamey medhetanape kasse ba siqon Kirstosa bagara nuna dorides.

ኤፌሶኔ ኣሳስ 1:4 ပူးပေါင်းရင်းမြစ်များ

2ሳሜላ ማጻፋ 22:24

Iza sinththan borey baynda de7adis; tanakka nagarappe naagadis.

ዬ ማጻፋ 135:4

GODAY Yaaqoobe baas buzo ooththides; Isra7eelekka baas al7o miish histti doorides.

ኢሳያሳ ቲንቢቴ 42:1

GODAY, «Tani kaafa oykkida ta ashkaray, ta izan ufayettiza muurutay hayssa; tani ta Ayana iza bolla woththadis; izi kawoteththatas suure pirda ehana.

ሌዌታ ማጻፋ 19:2

«Hayssa Isra7eele naytas yoota, ‹Tani GODAY intte Xoossay dumma gidida mala intteka dumma gidite.

ሌዌታ ማጻፋ 20:7

« ‹Intte asateth ubbaa geeshshite; dummatite; gaasoykka tani GODAA intte Xoossaa.

Maatosa 24:22

He gallassati qaammonttaako asho may7ida asi wuri attenna shin doorettidayta gishshas he gallassati qaammana.

Maatosa 24:24

Wordo Kirstoosinne wordo nabeti buro dendidi isttas dandayettiko doorettidayta baleththanaas giidi wolqqama malaatatanne kase oosetti erontta miish ooththana.

Maatosa 24:31

Kiitanchchatakka daro wolqqama xurumba giirissara yeddana. Isttika doorettidayta oyddu gulappe salos ha gaxappe he gaxa gakkanaas ubbaa issiso shiishshana.

Maatosa 25:34

He wode kawoy ushachcha baggara dizayta, ‹Inttenoo! Ta Aaway inttena anjjidayti haa yiite! Alamey medhettoosoppe inttes giigettida kawoteththaa laattite! gaana.

ዮሃኒሳ ሚሺራቾ 10:16

Hayssa ha dorsa yiren gelonttayti taas hara dorsati deettes; ta isttaka haa ehanaas taas bessees; isttika ta qaala siyananne issi mehe gidana. Heemmizayssika issaade gidana.

ዮሃኒሳ ሚሺራቾ 15:16

Ta inttena dooradis attiin intte tana dooribeekketa; intte biidi daro ayfe ayfana mala intte ayfey eqqi daana mala ta inttena woththadis; hessa gishshas intte ta sunththan woossidayssa ubbaa ta Aaway inttes immana.

ዮሃኒሳ ሚሺራቾ 17:24

«Ta Aawawu! Ne tana hayssi alamey medhettanaappe kase dosida gishshas ne taas immida ta bonchchoza istti beyana mala hayti ne taas immidaytikka ta dizason tanara daana mala dosays.

ሃዋሬታ ኦሶ 13:48

Ayzaabeti hessa siyidi daro ufayettida; Godaa qaalaska bonchcho immida; mernaa de7os giigettida derey wuri ammanides.

ሃዋሬታ ኦሶ 15:18

Hayssa koyroppeka erisida Xoossi tana› gees.

ሃዋሬታ ኦሶ 18:10

ta nenara days; oonikka ne bolla dendi nena qohanaas dandayenna; hanno ha katamayn taas daro asi dees» gides.

ኦሮሜ ኣሳስ 8:33

Xoossi dooridayta mootizay oonee? Xillisizay Xoossa.

1ቆሮንቶሴ ኣሳስ 1:8

Godaa Yesus Kirstoosi nam7anththo yaana gallassan intte intte bolla borey baynda beettana mala wurseth gakkanaas izi inttena lo7eththi naagana.

ጋላቲያ ኣሳስ 5:13

Ta ishatoo! Intte geeshshateththas xeygettideta; intte intte geeshshateththaa zaaridi inttes asho amo polanaas go7ettofte; hessafe intte intte garsan siiqon issoy issaa maaddite.

ጋላቲያ ኣሳስ 5:22

Ayana ayfey gidikko siiqo, ufays, saroteth, dandaya, kiyateth, lo7eteth, ammaneteth,

ጋላቲያ ኣሳስ 5:6

Asi Yesus Kirstoosan diikko qaxxarettiin woykko qaxxarettontta aggiin aykkoka go7enna; go7ay dizay siiqon qoncciza ammano xalla.

ኤፌሶኔ ኣሳስ 2:10

Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

ኤፌሶኔ ኣሳስ 3:17

Hessika Kirstoosi intte wozinan ammanon daana malanne qasseka intte izan xaphidi siiqon minnana mala woossays.

ኤፌሶኔ ኣሳስ 4:2

Mulekka ashketanne shugota gidite; issoy issaara siiqon diitenne issoy issaa dandayte.

ኤፌሶኔ ኣሳስ 5:2

Kirstoosi nuna siiqida mala qasseka nu gishshas bana sawiza yarsho ooththi Xoossas immida mala intteka siiqon simerettite.

ኤፌሶኔ ኣሳስ 5:27

Hessaththoka qitay woykko ayfeso xirphoteththi woykko issi iitay izi bolla beettontta geeshshinne balay izi bolla bayndaaro bonchcho Woosa Keeththe histtidi shiishshanaassa.

ፒሊጲሲዮሴ ኣሳስ 2:15

Hessika intte iitanne geella asa giddon geeshshatanne wosoy baynda Xoossa nayta gididi alame bolla arshe mala dere ubbaas poo7anaassa.

ቆላሲያሴ ኣሳስ 1:22

Ha7i qasse intte bolla balaynne wosoy baynda geeshshata ooththidi inttena ba sinth shiishshanaas Kirstoosa asho hayqo baggara Xoossi inttena banara maqayinththides.

ቆላሲያሴ ኣሳስ 2:2

Qasseka istta wozinay minnana malanne istti siiqoteththan issoy issaara oykettana mala kumeth gididayssa yuushshi qoppi eron dureteth demmidi Xoossaa xuura gidida Kirstoosa istti erana mala ta dafettays.

ቆላሲያሴ ኣሳስ 3:12

Hessa gishshas dumma gididi dosettidaytoo! Intte Xoossas doorettidayta gidida mala misheteththinne kiyateth, ashketeth, bonchchonne dandaya may7ite.

1ታሶሎንቄ ኣሳስ 3:12

Nu inttena siiqiza mala inttes intte garsan diza siiqonne intte harata siiqiza siiqoza Goday darsonne keehi gujjo.

1ታሶሎንቄ ኣሳስ 4:7

Xoossi nuna geeshshateththas xeygides attiin tunateththas xeygibeenna.

2ጺምቶሳስ 1:9

Nu aykkoka ooththida gishshas gidontta dishin ba qofaa malanne ba kiyateththaa mala nuna ashshidessinne nuna baas dummasidi xeygides. He iza kiyateththi mernaa wodeppe kase Yesus Kirstoosa baggara nuus imettides.

2ጺምቶሳስ 2:10

Hessa gishshas Kirstoosa baggara diza atoteththinne mernaa bonchcho demmana doorettidayta gishshas gaada wursaka dandayadis.

2ጺምቶሳስ 2:19

Gido attiin, «Goday baas gidizayta erees.» Qasseka, «Godaa sunth xeygizay wuri iitappe haakko» giza maatamey iza bolla diza laamettontta Xoossaa yochchay laamettibeenna.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

1ጴጽሮሳ ኪታ 1:2

Aaway Xoossi kase inttena erida mala doorettidaytas, Yesus Kirstoosas azazettanaassinne intte iza suuththan aracettidi geeyana mala Xillo Ayanan dummatida inttes kiyateththinne saroteththi daro.

1ጴጽሮሳ ኪታ 1:20

Izi erettiday hayssi alamezi medhettanaappe kase gidishin ha7i qasse wurseththa woden inttes qonccides.

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

2ጴጽሮሳ ኪታ 3:14

Hessa gishshas ta siiqotoo! Hessi wurikka hanana gallas intte naagishe diikko Goday inttena intte bolla borey baynda dishin saroteththan demmana mala minni diite.

1ዮሃኒሳ ኪታ 4:16

Hessa gishshas Xoossi nuna siiqiza siiqo nu eroos; nu iza siiqon ammanettoos; Xoossi siiqo; siiqon dizaadey Xoossan dees; Xoossika hessaaden dees.

ዮሃኒሳ ኣጁታ 13:8

Alamey medhettoosoppe haa simmiin istta sunththi shukettida dorsaza de7o maxaafan xaafettontta alame bolla diza asay wurikka he do7azas hokki goynnana.

ዮሃኒሳ ኣጁታ 17:8

Ne be7ida do7azi kasekka dizayssako shin ha7i deenna. Izi guyeppe ciimma olla giddofe kezananne gede dhayoso baana; alamey medhettoosoppe istta sunththi de7o maxaafan xaafettontta biitta bolla diza asay he do7azi kasekka dizayssa ha7i qasse donttayssa guyeppe yaanayssa gididayssa be7idi malalettana.