ኤራንቻታ ማጻፋ 9:9 - Geeshsha Maxaafa

⁹ Salo gufanththon Xoossi nees immida guuth gidida ne de7o layththata ubbaan ne siiqiza ne machcheyra ufayssan de7a; ays giikko salo gufanththon ne de7oninne ne daaburda daabura ubbaan hayssi nees qaada.

ጋሞ ማጻፋ

⁹ ሳሎ ጉፋንን ጾሲ ኔስ ኢሚዳ ጉ ጊዲዳ ኔ ዴኦ ላይታ ኡባን ኔ ሲቂዛ ኔ ማቼይራ ኡፋይሳን ዴኣ፤ ኣይስ ጊኮ ሳሎ ጉፋንን ኔ ዴኦኒኔ ኔ ዳቡርዳ ዳቡራ ኡባን ሃይሲ ኔስ ቃዳ።

ኤራንቻታ ማጻፋ 9:9 ပူးပေါင်းရင်းမြစ်များ

ሜቴ ማጻፋ 26:8

Yisaaqi heen daro wode didaappe guye Filisxeeme kawo Abimelekkey maskootera duge xeellidi Yisaaqi ba machcho Irbiqara idimettishe kaa7ishin be7ides.

ዬ ማጻፋ 144:4

Asi issito carki aadhdhiza carko mala; iza layththatikka eeson dhayza kuwa mala.

ዬ ማጻፋ 39:5

Neni ta layththa qii tadhdhako keena kessadasa; ta layththi ne sinththan qoodan baynda mala; tumappe asi ubbay issito aadhdhi biza carko mala.

ሌሚሶ ማጻፋ 18:22

Machcho demmida asi lo7o miish demmees; hessaadey GODAAPPE bonchcho ekkees.

ሌሚሶ ማጻፋ 19:14

Keeththinne aqotay yelidaytappe laatteettes; akeekara diza machcha GODAAPPE beettawus.

ኤራንቻታ ማጻፋ 2:10

Ta ayfey xeellidayssa diggabeekke; ta wozinay amottidayssa ubbaa diggabeekke; tani ooththida ubbaan ta wozinay ufayettides; ta daaburaas wodhey hessa.

ኤራንቻታ ማጻፋ 2:24

Asas muussafenne ushshafe qasse ba ooththida ooson ufayeteththafe hara lo7iza miishshi deenna; hessika Xoossa kusheppe imettizayssa ta beyadis.

ኤራንቻታ ማጻፋ 3:13

Qasse asas izas iza daaburaas waaga gidizay miidinne uyidi bana ufayssizayssa; hessika izas Xoossafe imettida imota.

ኤራንቻታ ማጻፋ 3:22

Hessa gishshas asi ba ooththida ooson ufayssafe hara aadhdhiza miishshi bayndayssa ta be7adis; hessika asas imettida qaada; izi hayqqidaappe guye oosettida oosota iza zaari ehidi bessanay oonee?

ኤራንቻታ ማጻፋ 5:18

Asa qaaday hessa gidida gishshas salo gufanththon Xoossi asi de7ana mala immida qaanththa layththa garsan asi ba daaburda daaburappe muussinne ushshi lo7onne bessizayssa gididayssa ta akeekadis.

ኤራንቻታ ማጻፋ 6:12

Hadanne eesho mala elle aadhdhiza guuththa layththatan asas lo7o miishshi hananayssa erizay oonee? Qasseka izi hayqqidaappe guye salo gufanththon haniza miish izas yootana dandayzay oonee?

ኤራንቻታ ማጻፋ 7:15

Nagaranchchay ba nagaraara adussa layth de7ishin, xilloy ba xilloteththara eeson hayqqishin hada gidida ta de7o layththatan hayta be7adis.

ሚልካሳ ቲንቢቴ 2:15

Godaa Xoossi inttessinne machchetas issi asateththinne issi ayanay daana mala ooththibeennee? Xoossi inttena aazas issino ooththidee? Izas waanna qofay Xoossas geeshsha zereth intte yelana mala gidennee? Hessa gishshas inttefe issay issay ba machcheys caaqqida qaala pacinchchontta ammaneteththan naago.