ኤራንቻታ ማጻፋ 9:10 - Geeshsha Maxaafa

¹⁰ Ne kushey ooththanaas demmidayssa ubbaa ne kumeththa wolqqan ooththa; ays giikko neni baana duufon oosoy, halchchoy, erateththinne aadho erateththi deenna.

ጋሞ ማጻፋ

¹⁰ ኔ ኩሼይ ኦናስ ዴሚዳይሳ ኡባ ኔ ኩሜ ዎልቃን ኦ፤ ኣይስ ጊኮ ኔኒ ባና ዱፎን ኦሶይ፥ ሃልቾይ፥ ኤራቴኔ ኣ ኤራቴ ዴና።

ኤራንቻታ ማጻፋ 9:10 ပူးပေါင်းရင်းမြစ်များ

ሜቴ ማጻፋ 37:35

Iza attuma naytinne macca nayti wuri iza minththeththanaas izakko yida; gido attiin izi minettontta ixxidi, «Hanenna! Tani yeekkada ta naakko baada duufon gelana» giidi iza aaway izas yeekkides.

1ታሪኬ ማጻፋ 22:19

Hessa gishshas GODAA intte Xoossaa koyanaas intte wozinanne intte shemppo immite; GODAA Xoossaa bonchchos keexettida keeththaan Xoossa Taabotaanne Xoossas dummatida miishshata ehidi woththana mala intte dendidi GODAA Keeththe keexxite» gi azazides.

1ታሪኬ ማጻፋ 28:20

Hayssafe guye Dawiti ba naa Solomoone, «Aykkoy baawa minna! Oosoza doomma! GODAA ta Xoossay nenara diza gishshas yayyofa; hidotakka qanxxofa! Xoossa Keeththa oosoy polettana gakkanaas Xoossay nena yeggennanne aggenna.

ናሂሚያ ማጻፋ 2:12

Yerusalaame kataman ta ooththanayssa Xoossi taas qonccisidayssa ta oonaska yootontta ta wozinan oykka gam7idaappe guye guuththa asata tanara kaaleththa ekkada omarsafe giddi giddoth badis; he wode nuus diza toga mehey ta toggidayssafe haray baawa.

ናሂሚያ ማጻፋ 4:2

Ba laggetanne Samaariya wottadarata sinththan, «Hayti laafa Ayhudati ay ooththana qoppidoo? Ba katama gimbeza zaari ooththana qoppizoo? Yarsho shiishshanaas koyizoo? Oosoza issi gallas polanaas isttas misatizee? Gimbes gidiza shuchchata kase xuugetti laalettida gimbe garsafe kessi gimbanaas dandayzoo?» giidi naacides.

ናሂሚያ ማጻፋ 4:6

Asay wozinappe ooththiza gishshas gimbeza oosoy eesora bagga gakkides.

ኢዮቤ ማጻፋ 10:21

Hessika tani nam7anththo haa simmanaas dandayontta girdi gida dhumaso baanaappe sinththana.

ኢዮቤ ማጻፋ 10:22

Ta baanaasozi dhuma kuwaynne shiroy kumida biitta; heen diza poo7ozi dhuma mala.»

ኢዮቤ ማጻፋ 21:13

Bantta layththa wogeteththaninne ufayssan aaththeettes; waayettontta ha biittafe hayqon shaaketteettes.

ዬ ማጻፋ 6:5

Hayqqida asi ooninne nena qoppenna; duufon nena galatizay deenna.

ሌሚሶ ማጻፋ 3:28

Ha7i nees dishin ne shoorozas, «Simmada ya; tani nees wonto immana» gooppa.

ኤራንቻታ ማጻፋ 11:3

Shaaray karexxiko biittaa bolla iray bukkees. Miththi pudeha woykko dugeha kundiko ba kundidason ichchi attees.

ኤራንቻታ ማጻፋ 11:6

Maaladora ne zereth zera; omarsika ne kushey ooso birshofo; gaasoykka hayssi woykko hessi, woykko nam7ay lo7anaakko, woykko awayssi ayfanaakko ne erakka.

ኢሳያሳ ቲንቢቴ 38:10

tani, «Ta de7o layththas buron bagga gakkiza wode, hayqo pengera gelana bessizee? Taas attida layththay taappe bonqqettanaas bessizee?» gadis.

ኤርማሳ ቲንቢቴ 29:13

Intte tana koyana; intte tana kumeththa wozinappe koykko demmana.

ታይቦ ማጻፋ 13:30

Kaalebey qasse Muse sinththan asaa co7u histtidi, «Nuni istta xoonanaas nuus gidiza wolqqay diza gishshas nuni ha7i biidi he biittayo ane oykkoos» gides.

Maatosa 20:7

«Isttika, ‹Nuna oosisiza asi dhayda gishshas eqqidos› gida. Izikka istta, ‹Intteka biidi ta woyne atakilte giddon ooththite› gides.

Maatosa 6:33

Harappe sinththatidi Xoossa Kawoteththa xilloteth koyite; hayti wuri inttes gujettana.

ዮሃኒሳ ሚሺራቾ 4:34

Yesusikka isttas zaaridi, «Ta qumay tana kiittida ta Aawaa shene oosonne iza ooso polo.

ዮሃኒሳ ሚሺራቾ 5:4

Issi issi wode Godaa kiitanchchay haaththaan wodhdhidi haaththa qaaththees; haaththaa qaaththafe kaallidi koyrottidi haaththaan geliza harganchchay bana sakkiza ay hargefekka paxees.

ዮሃኒሳ ሚሺራቾ 9:4

Gallassara tana kiittidaade ooso ooththanaas taas bessees. Buro oonikka ooththanaas dandayontta qammay yaana.

ኦሮሜ ኣሳስ 12:11

Godaas ooththana Ayanan xuugettizayta gidite attiin hessa he minoteththaafe guye goopite.

1ቆሮንቶሴ ኣሳስ 15:10

Gido attiin Xoossa kiyateththan ha7i ta hananayssa hanadis; taaska imettida Xoossa kiyateththi hada gidibeenna; tani oonappeka bollara daro minna ooththadis. Gido attiin hessa ooththiday tana gidontta Xoossa aadho kiyateth.

1ቆሮንቶሴ ኣሳስ 16:10

Ximtoosi intteko biikko izi ta mala Godaa oosanchcha gidida gishshas izi baboy baynda daana mala intte iza maaddite.

1ቆሮንቶሴ ኣሳስ 9:24

Gaadde woth woxxizayti daro shin xoonidi woyto demmizay issaade xalala gididayssa intte erekketii? Hessa gishshas woyto ekkanaas woxxizaade mala intteka woxxite.

1ቆሮንቶሴ ኣሳስ 9:26

Hessa gishshas ta qasse poloy baynda coo mela woxxizaade mala woxxike; qasseka carkora baaxetizaade mala coo mela gaden baaxetikke.

ኤፌሶኔ ኣሳስ 5:16

Hayssi wodezi iita gidida gishshas hessa lo7eththi erite.

ቆላሲያሴ ኣሳስ 3:23

Intte ooththiza miish ubbaa asas gidontta Godaas ooththiza mala taybidi kumeththa wozinappe ooththite.

1ሳሜላ ማጻፋ 10:7

Hayti malatati ne bolla polettiza wode Xoossi nenara diza gishshas ne kushey ooththana dandayza ubbaa ooththa.