ኤራንቻታ ማጻፋ 8:16 - Geeshsha Maxaafa

¹⁶ Tani aadho erateth eranaassinne asi ha sa7a bollan omarsinne gallas dhiskoy baynda daaburza daaburaa eranaas ta wozinan pilggadis.

ጋሞ ማጻፋ

¹⁶ ታኒ ኣ ኤራቴ ኤራናሲኔ ኣሲ ሃ ሳኣ ቦላን ኦማርሲኔ ጋላስ ስኮይ ባይንዳ ዳቡርዛ ዳቡራ ኤራናስ ታ ዎዚናን ፒልጋዲስ።

ኤራንቻታ ማጻፋ 8:16 ပူးပေါင်းရင်းမြစ်များ

ሜቴ ማጻፋ 31:40

Gallas awa seelay, omars kenchchoy tana qohides; dhiskoyka ta ayfeppe dhaydes.

ዬ ማጻፋ 127:2

Neni aqota demmanaas maalado wonttara denda woxxikonne giddoth gakkanaas ne daaburkko hessi wurikka hada; GODAY ba siiqizaytas shemppo immees.

ኤራንቻታ ማጻፋ 1:13

Tani salo gufanththon diza ubbaa shaakka eranaassinne aadho erateththan pilgga xeellanaas ta qofaa qachchadis; Xoossi asa nayta toossida toohoy ay mala deexoo!

ኤራንቻታ ማጻፋ 1:14

Salo gufanththon hanida hanota ubbaa ta be7adis; gido attiin ubbayka hada; carko oykkana yedeththiza mala.

ኤራንቻታ ማጻፋ 1:17

Qasse tani aadho erateth, gooshshateththinne eeyateth shaakka eranaas keeha baaxetadis; gido attiin wurseththan hessika carko oykkanaas yedeththiza mala hada gididayssa eradis.

ኤራንቻታ ማጻፋ 2:23

Izi ba de7o layththan daaburza daaburay ubbay waayenne meto xalla; omarsika iza guuggey shempo demmenna; hessi ubbayka hada.

ኤራንቻታ ማጻፋ 4:8

Yeloy woykko ishay baynda bizza asi dees; iza dafeteththaas zaway deenna; iza ayfey izas diza aqota kallibeenna; izikka, «Tani hayssa oosi daaburazinaa? Tani ta hu7e ufayssanayssa ays uuzettazinaa?» gides. Hessika hadanne tugga de7o.

ኤራንቻታ ማጻፋ 5:12

Ooso ooththiza asi guuth miikko, daro miikko saro dhisko dhiski aqees; gido attiin dure as dureteththi dhisko diggees.

ኤራንቻታ ማጻፋ 7:25

Hessa gishshas aadho erateththinne yo7oti hanizayssa pilgga eranaas, xanna7anaas nagara iitateththinne eeyateththi gooshshateth gididayssa akeekanaas ta wozinan yuushsha qoppadis.

ኤራንቻታ ማጻፋ 8:7

Sinththafe hananayssa erizay deenna; hessa gishshas sinththafe hananayssa yootanaas dandayzay oonee?

ኤራንቻታ ማጻፋ 8:9

Salo gufanththon haniza miish ubbaa tani pilgga be7adis; asi as qohanaas daannatiza wodey dees.