ኤራንቻታ ማጻፋ 7:25 - Geeshsha Maxaafa

²⁵ Hessa gishshas aadho erateththinne yo7oti hanizayssa pilgga eranaas, xanna7anaas nagara iitateththinne eeyateththi gooshshateth gididayssa akeekanaas ta wozinan yuushsha qoppadis.

ጋሞ ማጻፋ

²⁵ ሄሳ ጊሻስ ኣ ኤራቴኔ ዮኦቲ ሃኒዛይሳ ፒልጋ ኤራናስ፥ ጻናኣናስ ናጋራ ኢታቴኔ ኤያቴ ጎሻቴ ጊዲዳይሳ ኣኬካናስ ታ ዎዚናን ዩሻ ቆፓዲስ።

ኤራንቻታ ማጻፋ 7:25 ပူးပေါင်းရင်းမြစ်များ

ሜቴ ማጻፋ 34:7

Yaaqoobe attuma nayti he hanidayssa siyida mala ba dizasoppe yiidi ceecidanne shenetida; ays giikko Seekeemey Isra7eele naa bolla ooththanaas bessontta ooso ooththida gishshas daro hanqettida.

2ሳሜላ ማጻፋ 13:12

Izakka zaarada izas, «Ta ishazoo ta nena shoobbis, agga; hessi hanenna; tana wolqqara oykkofa; hayssa mala miishshi Isra7eelen oosetti erenna; hayssa yeellachchiza ooso ooththofa.

ሌሚሶ ማጻፋ 17:12

Eeya asara iza eeyateththa mala gayttanaappe marata bonqqi ekkichchida maaheyra gayteththi kiya.

ሌሚሶ ማጻፋ 26:11

Kanay ba cooshshi simmi laacciza mala, eeyay ba eeyateththa ooso zaari zaari yeggees.

ኤራንቻታ ማጻፋ 10:13

Koyroppe doommidi iza qaalay eeyateththa; wurseththankka iita goosh gidees.

ኤራንቻታ ማጻፋ 2:12

Hessafe guye tani aadho erateththi, eeyateththinne gooshshateththi aazakko pilgga eranaas qofa doommadis; kawo sohon kawotida hara kawoy kase oosettidayssafe hara ay ooththanee?

ኤራንቻታ ማጻፋ 2:15

Tani ta wozinan, «Eeya gakkiza qaaday tanakka gakkana; histtiin tani aadho eranchcha gidoyssas wodhey aazee?» gaada qoppadis. Qasse tani ta wozinan, «Hayssi ubbayka hada» gadis.

ኤራንቻታ ማጻፋ 2:20

Hessa gishshas salo gufanththon hayssa keena ays daaburadinaa gaada ta wozinan hidota qanxxo doommadis.

ኤራንቻታ ማጻፋ 7:27

Aadho eranchchazi, «Tani kaalla pilgga xeellada demmida hara miishshi hayssafe kaallizayssa. Yo7oti hanizayssa hiillateththan pilggidi demmanaas issaa issaa bolla gujjo;

ኢያሶ ማጻፋ 7:13

«Denda! Asaa geeshsha; isttas, ‹GODAA Isra7eele Xoossay inttena: Isra7eeletoo! Piila miishshi intte giddon dees; intte hessa intte giddofe diggana gakkanaas intte morkketa sinththan eqqanaas dandayekketa; wontos inttena giigsanaas inttena geeshshite.