ኤራንቻታ ማጻፋ 7:13 - Geeshsha Maxaafa

¹³ Ane Xoossay ooththidayssa wozinan woththa! Izi bokkasidayssa ooni luulisana dandayzee?

ጋሞ ማጻፋ

¹³ ኣኔ ጾሳይ ኦዳይሳ ዎዚናን ዎ! ኢዚ ቦካሲዳይሳ ኦኒ ሉሊሳና ዳንዳይዜ?

ኤራንቻታ ማጻፋ 7:13 ပူးပေါင်းရင်းမြစ်များ

ኢዮቤ ማጻፋ 11:10

Xoossi yiidi qachchiko, gede pirda keeth shiishshidaakko oonee iza digganay?

ኢዮቤ ማጻፋ 12:14

Xoossi laallidayssa oonikka zaari keexxanawu dandayenna; Xoossi qachchidayssa oonikka birshanawu dandayenna.

ኢዮቤ ማጻፋ 34:29

Xoossi co7u giikko oonee iza bolla pirdanay? Izi ba zokko zaarikko oonee iza beyanay?

ኢዮቤ ማጻፋ 37:14

Iyoobee! Neni takki gaada siya; Xoossi ooththiza malalisiza oosota wozinan woththada akeeka.

ኢዮቤ ማጻፋ 9:12

Izi ba koyidayssa ekkiko oonikka iza diggenna; ‹Ays hayssaththo ooththay?› giidi iza oychchanaas xalizay deenna.

ዬ ማጻፋ 107:43

Era asi ha yo7oza ba wozinan woththo; izikka GODAA maaroteth akeeko.

ዬ ማጻፋ 8:3

Neni ne kushen medhdhida salota, sohon sohon neni woththida aginanne xoolintteta tani be7iza wode,

ኤራንቻታ ማጻፋ 1:15

Geellattida miishshi sitti gaanawu dandayenna; qasse baynda miishshi qoodettana dandayenna.

ኤራንቻታ ማጻፋ 3:11

Ubbaa miish iza woden woden lo7eththidi ooththides. Xoossi asaa wozinan mernateth woththides; gidikkoka Xoossi ooththidayssa ubbaa koyroppe wurseth gakkanaas asi ubbaa eranaas dandayenna.

ኤራንቻታ ማጻፋ 8:17

Hessafe guye Xoossi ooththida ubbaa be7adis; salo gufanththon oosettiza miish oonikka erenna; asi keehi dafettidi pilggi xeellikokka iza birsheththaa demmanaas dandayenna. Aadho eranchchay, «Ta erays» giikkoka ubbaa eranaas dandayenna.

ኢሳያሳ ቲንቢቴ 14:27

Ubbaafe Wolqqama GODAY hayssa qoppides; hessa iza oonee digganay? Izi ba kushe denththides; hessa zaaranay oonee?

ኢሳያሳ ቲንቢቴ 43:13

Beniisofe doommada tani tana; ta kusheppe kessi ekkanay deenna; ta ooththizayssa laammanawu dandayzay oonee?» gees GODAY.

ኢሳያሳ ቲንቢቴ 5:12

Istta gibirasohon maasinqoy, diiththi, karabey, susul7eynne woyne ushshi dees; gido attiin istti GODAA oosozas wudettibeettenna; izi ba kushen ooththida oosokka bonchchibeettenna.

ዳኔላ ቲንቢቴ 4:35

Biitta bolla diza dereti wurikka iza achchan qeeri uu7e mala; salon diza oosanchchata bollanne biitta bolla diza deraa bolla izi ba dosidaaz ooththees; iza shene digganaas dandayzaynne ‹Ne hayssa aazas ooththay?› gaanay oonikka deenna.

ሉቃሳ ሚሺራቾ 12:26

Histtiko guuththa miish oosoy inttes dandayettonttaashe ays hara miishshas keehi qoppeetii?

ኦሮሜ ኣሳስ 9:15

Xoossi Muses, «Ta maarana koyidaade maarana; ta mishettana koyidaadeska mishettana» gees.

ኦሮሜ ኣሳስ 9:19

Inttefe issaadey, «Histtiin hanoy hessa mala gidikko nuna hanno gakkanaas aazas waayisizee? Gaasoykka iza shene diggana dandayzay oonee?» gaada ne oychchontta aggaka.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.