ኤራንቻታ ማጻፋ 7:12 - Geeshsha Maxaafa

¹² Miishshi as iitappe kammi ashshiza mala aadho erateththi ashshees. Hessafe bollarakka aadho erateththi keeththa aawa shemppo naagees.

ጋሞ ማጻፋ

¹² ሚሺ ኣስ ኢታፔ ካሚ ኣሺዛ ማላ ኣ ኤራቴ ኣሼስ። ሄሳፌ ቦላራካ ኣ ኤራቴ ኬ ኣዋ ሼምፖ ናጌስ።

ኤራንቻታ ማጻፋ 7:12 ပူးပေါင်းရင်းမြစ်များ

ኢዮቤ ማጻፋ 1:10

Izi nees yayyizay neni izanne iza nayta, izas diza haaro ubbaa lo7eththa naagida gishshassa; izi ooththiza oosoza kumeth anjjida gishshassinne daro wude meheta ne izas immida gishshas gidennee?

ዬ ማጻፋ 57:1

Abeet Xoossawu! Ne taas qadhetta; tana maara; ta shemppoya nenan zemppadus; bashshay aadhdhana gakkanaas tani ne qefeta garsan qotettana.

ሌሚሶ ማጻፋ 11:4

Hanqo gallas dureteththi go7enna; gido attiin xilloteththi hayqoppe ashshees.

ሌሚሶ ማጻፋ 14:20

Manqota istta laggetikka ixxeettes; duretas gidikko daro laggeti deettes.

ሌሚሶ ማጻፋ 2:11

Shaakki eroy nees gondalle gidana; akeekaykka nena naagana.

ሌሚሶ ማጻፋ 2:7

Izi suuretas xoono minjjees; istta bolla wosoy bayndaytas gondalle gidees.

ሌሚሶ ማጻፋ 3:18

Iza bana idimmizaytas de7o miththa; izo oykkizaytikka anjjettana.

ሌሚሶ ማጻፋ 8:35

Tana demmiday de7o demmees; GODAAPPE izi saba demmees.

ሌሚሶ ማጻፋ 9:11

Ta gaason nees barey aduqqana; nees de7o layththayka gujettana.

ኤራንቻታ ማጻፋ 10:19

Gibiray miicisees; woyne ushshi as ufayssees; miishshi diikko miishshi hanees.

ኤራንቻታ ማጻፋ 2:13

Tumukka poo7oy dhumappe lo7iza mala aadho erateththika eeyateththafe aadhdhizayssa be7adis.

ኤራንቻታ ማጻፋ 7:19

Aadho erateththi aadho eranchchas immiza wolqqay issi kataman dere haariza tammatappe aadhdhees.

ኤራንቻታ ማጻፋ 9:16

Hessa gishshas tani, «Aadho erateththi wolqqafe aadhdhees» gadis. Gidikkoka he manqozas diza aadho erateththazi kadhettides; iza qaalaykka siyettibeenna.

ኤራንቻታ ማጻፋ 9:18

Aadho erateththi ola miishshafe aadhdhees; gido attiin issi nagaranchchay daro lo7o miish dhayssees.

ኢሳያሳ ቲንቢቴ 30:2

Tana zore oychchontta Gibxe wodhdheettes; kawo Paarooney isttas gondalle gidana mala Gibxe kuwan attana koyeettes.

ኢሳያሳ ቲንቢቴ 32:2

Asi hu7en hu7en carkofe geemmizasoho, goteppeka baqati attizasoho gidana; bazzo biittan haaththa pultto mala, saamettida biittan wogga zaalla kuwa mala gidana.

ኢሳያሳ ቲንቢቴ 33:6

Izi ne diza layth ubbaan ammanththiza yoch, atoteth, aadho erateththinne erateth gidana; GODAAS yashshateththi hayssa ha aqotatas qulpe gidana.

ዮሃኒሳ ሚሺራቾ 12:50

Iza azazoy mernaa de7o gididayssa ta erays; hessa gishshas ta yootizay wuri Aaway taas yootidayssa» gides.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ዛሬ ማጻፋ 32:47

Ha qaalay inttes de7oppe attiin coo mela qaalaa gidenna; ha qaala naagikko intte Yordaanoose pinnidi laattana biittankka adussa layth intte de7ana» gides.

ፒሊጲሲዮሴ ኣሳስ 3:8

Hessafekka ta Godaa Yesus Kirstoosa eroppe aadhdhizay haray aykkoyka bayndayssa ta ammaniza gishshas ubbaaka go7ay baynda miishsha mala qoodadis; tani iza gishshas gaada ubbaaka aggadis; ta Kirstoosa demmana gaada ubba miishshaakka wora wodhdhida iita miishsha mala qoodadis.

ዳናታ ማጻፋ 9:15

Agunththayka, ‹Intte tumappe tana intte bolla kawoththanaas koykko haa yiidi ta kuwan shempite; hessa intte ixxiko agunththafe tamay kezidi Libaanoose zigata mo!› gides.