ኤራንቻታ ማጻፋ 6:9 - Geeshsha Maxaafa

⁹ Amon toylattanaappe ayfen be7oy kiya; hessika hadanne carko oykkanaas yedeththiza mala

ጋሞ ማጻፋ

⁹ ኣሞን ቶይላታናፔ ኣይፌን ቤኦይ ኪያ፤ ሄሲካ ሃዳኔ ጫርኮ ኦይካናስ ዬዴዛ ማላ

ኤራንቻታ ማጻፋ 6:9 ပူးပေါင်းရင်းမြစ်များ

ኢዮቤ ማጻፋ 31:7

Ta suure ogeppe ke7idaa gidikko, Ta ayfey be7ida ubbaa ta wozinay amottidaa gidikko, qasseka ta kushey nagaran tunidaa gidikko,

ኤራንቻታ ማጻፋ 1:14

Salo gufanththon hanida hanota ubbaa ta be7adis; gido attiin ubbayka hada; carko oykkana yedeththiza mala.

ኤራንቻታ ማጻፋ 1:17

Qasse tani aadho erateth, gooshshateththinne eeyateth shaakka eranaas keeha baaxetadis; gido attiin wurseththan hessika carko oykkanaas yedeththiza mala hada gididayssa eradis.

ኤራንቻታ ማጻፋ 1:2

He eranchchay, «Ubbaa miishshi hada; hadappeka aadhdhida hada; ubbaa miishshika hada» gees.

ኤራንቻታ ማጻፋ 11:9

Haysso yelagazoo! Ne naateteththa layththan ufayetta; ne naateteththa layththan ne wozinan ufayetta; ne ayfey xeellida ubbaanne ne wozinay amottida ubbaa pola; gido attiin ne ooththida ooso ubbaa gishshas Xoossi nena pirdas shiishshanayssa era.

ኤራንቻታ ማጻፋ 2:11

Gido attiin hessa ubbaa ooththa simmada tani akeekiza wode tani keeha demmana gaada daaburda daabura ubbaa ta qoppiza wode ubbayka hada; salo gufanththon ay wodheykka deenna; ubbayka carko oykkanaas yedeththiza mala.

ኤራንቻታ ማጻፋ 4:4

Hessaththoka asay ba amottidayssa demmanaas keehi daaburdi ooththees; gido attiin he daaburay ba lagge bolla qanaateteththan dendon gididayssa tani akeekadis. Hessika hada; carko oykkanaas yedeththiza mala.

ኤራንቻታ ማጻፋ 5:18

Asa qaaday hessa gidida gishshas salo gufanththon Xoossi asi de7ana mala immida qaanththa layththa garsan asi ba daaburda daaburappe muussinne ushshi lo7onne bessizayssa gididayssa ta akeekadis.

ኤራንቻታ ማጻፋ 6:2

Asi ba wozinan amottida miish demmana mala Xoossi asas aqota, dureteththinne bonchcho immees; gido attiin keeththaaway isttan ufayettana mala kumeththa maata izas immenna; izi daaburi demmidayssan haray ufayettees; hessika hadanne keehi iita miishsha.

ኤርማሳ ቲንቢቴ 2:20

Ubbaa Haariza GODAY, «Benippe doommada tani ne qambara menththadis; nena qachchida miishshika duuththadis. Histtiinkka, ‹Tani nees ooththike› gadasa. Histtada dhoqqa zumbullata achchan miththa garsan laymatanaas ichchadasa.