ኤራንቻታ ማጻፋ 6:2 - Geeshsha Maxaafa

² Asi ba wozinan amottida miish demmana mala Xoossi asas aqota, dureteththinne bonchcho immees; gido attiin keeththaaway isttan ufayettana mala kumeththa maata izas immenna; izi daaburi demmidayssan haray ufayettees; hessika hadanne keehi iita miishsha.

ጋሞ ማጻፋ

² ኣሲ ባ ዎዚናን ኣሞቲዳ ሚሽ ዴማና ማላ ጾሲ ኣሳስ ኣቆታ፥ ዱሬቴኔ ቦንቾ ኢሜስ፤ ጊዶ ኣቲን ኬዋይ ኢስታን ኡፋዬታና ማላ ኩሜ ማታ ኢዛስ ኢሜና፤ ኢዚ ዳቡሪ ዴሚዳይሳን ሃራይ ኡፋዬቴስ፤ ሄሲካ ሃዳኔ ኬሂ ኢታ ሚሻ።

ኤራንቻታ ማጻፋ 6:2 ပူးပေါင်းရင်းမြစ်များ

1ካዎታ ማጻፋ 3:13

Hessafekka bollara ne de7o layththan ubbaan kawota giddon nenara ginattiza kawoy dontta mala neni tana oychchontta dureteththinne bonchcho ta nees immana.

1ታሪኬ ማጻፋ 29:25

GODAY Solomoone Isra7eele asaa ubbaa sinththan dhoqqu dhoqqu histtides; izappe kase Isra7eele kawotas imettibeenna; bonchcho Solomoones immides.

1ታሪኬ ማጻፋ 29:28

Dawiti daro layth de7idi duretidi, bonchchettidi, lo7o cima cimmidi hayqqides; izasohon iza naa Solomooney kawotides.

2ታሪኬ ማጻፋ 1:11

Xoossika Solomoones, «Neni dureteth, woykko aqota demmanaas, woykko bonchchettanaas, woykko ne morkketi hayqqana mala, woykko nees adussa layththi imettana mala oychchabeekka; gido attiin ne wozina amoy tani nena istta bolla kawoththida ta asaa ayssanaas aadho erateththinne akeeka gidida gishshas,

ዬ ማጻፋ 17:14

Abeet GODAWU! Hessa mala asatappe tana qotta; Istta qaaday ha sa7a de7o xalla gidiza asaappe ne kushen tana ashsha; ne mazgaban minjjida qixaateppe istta kalssa; istta naytas daridi tirpo; istta nayta naytaska gidi palaho.

ዬ ማጻፋ 39:6

Tumappe asa duussi eesho mala; coo mela hada haaro shiishon daaburees; gido attiin ooni ekkanaakko erenna.

ዬ ማጻፋ 73:7

Istta wozinappe iita qofay pulttees; bantta ayfe kessi dereqeettes.

ኤራንቻታ ማጻፋ 4:4

Hessaththoka asay ba amottidayssa demmanaas keehi daaburdi ooththees; gido attiin he daaburay ba lagge bolla qanaateteththan dendon gididayssa tani akeekadis. Hessika hada; carko oykkanaas yedeththiza mala.

ኤራንቻታ ማጻፋ 4:8

Yeloy woykko ishay baynda bizza asi dees; iza dafeteththaas zaway deenna; iza ayfey izas diza aqota kallibeenna; izikka, «Tani hayssa oosi daaburazinaa? Tani ta hu7e ufayssanayssa ays uuzettazinaa?» gides. Hessika hadanne tugga de7o.

ኤራንቻታ ማጻፋ 5:13

Salo gufanththon keehi ceecesiza iita miish ta be7adis; hessika iita woden bana maaddo giidi asi guye yeggi dagasida miishshi izaades meto;

ኤራንቻታ ማጻፋ 5:16

Hessika keehippe iita; asi ba yida mala simmi bees; iza daabura ubbay carko oykkiza mala hada gidizaa gidikko izas ay go7ay dizee?

ኤራንቻታ ማጻፋ 5:18

Asa qaaday hessa gidida gishshas salo gufanththon Xoossi asi de7ana mala immida qaanththa layththa garsan asi ba daaburda daaburappe muussinne ushshi lo7onne bessizayssa gididayssa ta akeekadis.

ኤራንቻታ ማጻፋ 5:19

Xoossay asas dureteththinne aqo immizay ba daaburda waaga demmidi miidinne uyidi ufayettanaassa. Hessi Xoossafe izas imettida imota.

ኢሳያሳ ቲንቢቴ 55:2

Go7ontta kaththas ays intte miish dhaysseetii? inttena kalssontta miishshas ay ekkanaas intte wolqqa wurseetii? Siyite; ta gidaaz siyite; lo7o gididaaz miite; lo7o quman inttena ufayssite.

ኤርማሳ ዚላስ 5:2

Nu biitta allagati laattida; nu keeththaaka baas duussaso ooththida.

ዳኔላ ቲንቢቴ 5:18

«Kawoo! Ubbaafe Dhoqqa Xoossay kase ne aawa Nabukadanaxoores kawoteththinne gitateth, bonchchonne teemateth immides.

ሆሴኤ ቲንቢቴ 7:9

Allagati istta wolqqa mida; gido attiin istti hessa eribeettenna. Iza hu7ey puulunth caddides; gido attiin izi hessa eribeenna.

ዛሬ ማጻፋ 28:33

Ne biittaa kaththa ayfenne ne daabura kessida ubbaa hara dere asi maana; neni ne de7o ubbaan un7ettidaadenne qohettidaade gidana.

ዛሬ ማጻፋ 28:43

Ne wolqqay daaburi daaburi bishin ne deren diza bete asaa wolqqay minni minni baana.

ዳናታ ማጻፋ 18:10

Wonteththa gallas Xoossafe azazettida iita ayana wolqqay Sa7oole bolla wodhdhides; he wode Dawiti kase ooththizayssaththo bagana shocishin Sa7ooli bason uttidi tinbite haasayees; Sa7ooli toora ba kushen oykki uttides;