ኤራንቻታ ማጻፋ 5:14 - Geeshsha Maxaafa

¹⁴ woykko issi gaason coo dhayza dureteththa. Izi naa yelikkoka he yelettidayssas laatissiza miishshi deenna.

ጋሞ ማጻፋ

¹⁴ ዎይኮ ኢሲ ጋሶን ጮ ይዛ ዱሬቴ። ኢዚ ና ዬሊኮካ ሄ ዬሌቲዳይሳስ ላቲሲዛ ሚሺ ዴና።

ኤራንቻታ ማጻፋ 5:14 ပူးပေါင်းရင်းမြစ်များ

1ካዎታ ማጻፋ 14:26

Histtidi Xoossa Keeththaninne kawo keeththan diza buquraa, Solomooney qoxissida worqqa gondalletara ubbaa bonqqi ekkidi bides.

ኢዮቤ ማጻፋ 1:21

«Tani ta aayey uloppe kallo yelettadis; hayqqiza wodekka kallo baana; GODAY immides; GODAY ekkides; GODAA sunththi galatettidaaz gido» gides.

ኢዮቤ ማጻፋ 5:5

Izi zerida kaththaaka koshattida asati maana; haray attiin agunththa giddon mokkidayssaka izas ashshettenna; Saametti uttida asati iza haaroza ekkanaas amotteettes.

ዬ ማጻፋ 39:6

Tumappe asa duussi eesho mala; coo mela hada haaro shiishon daaburees; gido attiin ooni ekkanaakko erenna.

ዬ ማጻፋ 49:18

Asi paxa diza woden, «Taas kumides» giikkoka, ubbay izas giigida gishshas galatettikokka,

ሌሚሶ ማጻፋ 23:5

Hessa mala dureteththa bolla neni ne ayfe woththiko heera dhayana; qefe kessida golle kafo mala salora paallana.

ኤራንቻታ ማጻፋ 2:26

Xoossi bana ufayssiza asas aadho erateth, erateththinne ufays immees; gido attiin nagaranchchay Xoossa ufayssizaytas yeggi baana mala aqota dagasanaassinne ooththanaas wolqqa immees; hessika hadanne carko oykkanaas yedeththiza mala.

ኤራንቻታ ማጻፋ 5:13

Salo gufanththon keehi ceecesiza iita miish ta be7adis; hessika iita woden bana maaddo giidi asi guye yeggi dagasida miishshi izaades meto;

ኤራንቻታ ማጻፋ 5:15

Asi ba aayi uloppe kallo yelettida mala kallo bees; ay keena daaburkkoka izi ba daaburdayssafe aykkoka ekkibeenna.

ሃጌ ቲንቢቴ 1:9

GODAY Ubbaafe Wolqqama Xoossay, «Intte daro demmana gidetashin guuth demmideta; hinnoka intteso gelththida wode ta punna dhayssadis. Hessa ta ooththiday inttes ay misatizee? Ta keeththay laaletti uttiin intte wurikka intte keeth keexxanaas woxxiza gishshassa.

1ሳሜላ ማጻፋ 2:36

Ne zereththatappe attida ay asikka issi saqile birassinne issi barsa kaththas giidi iza sinththan gufannidi goynnana; ‹Hachchis baadhizaaz ta demmana mala zay tana qeeseteththa oosotappe awayssankka gelththarkkii!› giidi nena woossana» gides.