ኤራንቻታ ማጻፋ 2:1 - Geeshsha Maxaafa

¹ Tani ta wozinan, «Ane taas gita ufays immizay aazakko, qasse lo7o miishshi aazakko eranaas koyays» ga qoppadis; gido attiin hessi hada.

ጋሞ ማጻፋ

¹ ታኒ ታ ዎዚናን፥ «ኣኔ ታስ ጊታ ኡፋይስ ኢሚዛይ ኣዛኮ፥ ቃሴ ሎኦ ሚሺ ኣዛኮ ኤራናስ ኮያይስ» ጋ ቆፓዲስ፤ ጊዶ ኣቲን ሄሲ ሃዳ።

ኤራንቻታ ማጻፋ 2:1 ပူးပေါင်းရင်းမြစ်များ

ሜቴ ማጻፋ 11:7

Haa yiite! Ane nu duge wodhdhidi istti issoy issaa qaala erontta mala istta qaala walakkoos» gides.

2ካዎታ ማጻፋ 5:5

Aaraame kawozikka izas, «Histtiko ne ha7i eeson ba; tanikka Isra7eele kawos dabdaabbe xaafana» gides; hessa gishshas Ni7imaaney izas 30,000 saqile bira, 6,000 saqile worqqanne 10 kumeththa may7o ekki bides.

ዬ ማጻፋ 10:6

Ba wozinan izi, «Tana aykkoyka qaaththenna; tana mulekka metoy gakkenna» giidi qoppees.

ዬ ማጻፋ 14:1

Eeyati bantta wozinan, «Xoossi baawa» geettes; istta de7oy moorettides; istti harassiza miish ooththeettes; istta giddon lo7o ooththiza issi asikka deenna.

ዬ ማጻፋ 27:8

Neni, «Ta sinththa koyite» gida wode, ta wozinay, «Abeet GODAWU! Eeno; tani ne sinththa koyana» gides.

ሌሚሶ ማጻፋ 14:13

Miichchankka wozinay meqqi erees; muuzoteththan ufayssi polettana dandayees.

ኤራንቻታ ማጻፋ 11:9

Haysso yelagazoo! Ne naateteththa layththan ufayetta; ne naateteththa layththan ne wozinan ufayetta; ne ayfey xeellida ubbaanne ne wozinay amottida ubbaa pola; gido attiin ne ooththida ooso ubbaa gishshas Xoossi nena pirdas shiishshanayssa era.

ኤራንቻታ ማጻፋ 2:10

Ta ayfey xeellidayssa diggabeekke; ta wozinay amottidayssa ubbaa diggabeekke; tani ooththida ubbaan ta wozinay ufayettides; ta daaburaas wodhey hessa.

ኤራንቻታ ማጻፋ 2:15

Tani ta wozinan, «Eeya gakkiza qaaday tanakka gakkana; histtiin tani aadho eranchcha gidoyssas wodhey aazee?» gaada qoppadis. Qasse tani ta wozinan, «Hayssi ubbayka hada» gadis.

ኤራንቻታ ማጻፋ 2:25

Iza achchafe imettontta aggiko ooni maanaassinne ufayettanaas dandayzee?

ኤራንቻታ ማጻፋ 7:4

Aadho eranchcha wozinay kayo keeththan dees; eeyata wozinay gidikko ufayssa keeththan dees.

ኤራንቻታ ማጻፋ 8:15

Salo gufanththon asas muussafe, ushshafenne ufayeteththafe aadhdhiza hara miishshi baynda gishshas ba de7o layththan ufayeteththi lo7o gadis; hessa gishshas Xoossi salo gufanththon izas immida layththatan izi ba ooson ufayettana.

ኢሳያሳ ቲንቢቴ 5:5

Ha7i tani ta woyne tokkiza gadeza bolla ooththanaaz inttes yootays. Dirsaa shoddana; izikka dhayana mala ooththana; Tani gimbeza laallana; he sohoykka durettana.

ኢሳያሳ ቲንቢቴ 50:11

Ha7i gidikko intte tama eeththidi, laciza intte xomppe xomppe oykkida ubbati intte poo7on biite; intte oyththida xomppe poo7on simerettite; Intte ta kusheppe ekkanayssi hayssa; intte iita meton kundana.

ኢሳያሳ ቲንቢቴ 50:5

Ubbaa Haariza GODAY ta hayth doydes; tani makkallanchcha diikke; guyekka baqatabeekke.

ሉቃሳ ሚሺራቾ 12:19

Ta shemppoyee! Daro wodes gidiza kath shiishshida gishshas shempa uttada ma; uya; ufayetta› gaana gides.

ሉቃሳ ሚሺራቾ 16:19

«Qasseka Yesusi isttas, ‹Lo7o may7o may7idi gallas gallas lo7o duussa ufayssan diza issi dure asi dees› gides.

ሉቃሳ ሚሺራቾ 16:23

Izi Si7oolen waayettishe dhoqqu giidi haahon Abrahaame xeellides; Alazaarekka ba ki7on oykki dishin be7ides.

Titosas 3:3

Nunikka kase qofay bayndayta, azazettonttayta, balettizayta, dumma dumma amoninne lo7o duussas aylleteththan haarettizayta; asaranne nurkka nu garsankka ooyettishe iitateththaninne miqqayneteththan doos.

ያቆቤ ኪታ 4:13

«Intte hach woykko wonto hanno ha katamayo woykko hinno he katamayo nu baana; histtidi heen izin issi layth uttananne zal7i wodhisana» gizaytoo! Ane haa siyite.

ያቆቤ ኪታ 5:1

Histtiko intteno dure asatoo! Ane siyite. Buro intte bolla gakkana metoza gishshas yeekkite; «Wu! Wuy» gi waassite.

ያቆቤ ኪታ 5:5

Intte biitta bolla ishaloninne al7eteththan de7ideta; intte wozina shukas dhiikkida mehe mala modhdhisideta.