ኤራንቻታ ማጻፋ 10:10 - Geeshsha Maxaafa

¹⁰ Dun7e kaltta leefontta ooththiko daro wolqqa wursees; gido attiin hiillan ooththiko oosoza ayfisees.

ጋሞ ማጻፋ

¹⁰ ዱንኤ ካልታ ሌፎንታ ኦኮ ዳሮ ዎልቃ ዉርሴስ፤ ጊዶ ኣቲን ሂላን ኦኮ ኦሶዛ ኣይፊሴስ።

ኤራንቻታ ማጻፋ 10:10 ပူးပေါင်းရင်းမြစ်များ

1ካዎታ ማጻፋ 3:9

Hessa gishshas tani ne asaa ayssanaas lo7onne iita shaakkada erana mala taas ne ayllezas akeekiza wozina imma; histtontta aggiko ha gita dereza ooni kaaleththana dandayzee?» gides.

1ታሪኬ ማጻፋ 12:32

Isra7eele asay ay ooththanaas bessizaakko wodeza shaakki eriza aadho eranchchatinne Yisakoore zarkke halaqati nam7u xeet; isttara yida istta dabboti ubbay isttas azazetteettes.

ኤራንቻታ ማጻፋ 10:11

Shooshshi muurennon jallanaappe sinththan dukkiko muurennizaade aykkoka go7enna.

ኤራንቻታ ማጻፋ 10:15

Eeya oosoy ooththizaade daaburssees; izi katama gaththiza oge erenna.

ኤራንቻታ ማጻፋ 10:9

Shuch dhoqallizay he shuchchaan deshettees; qasse mith qerizay he miththaan qohettees.

ኤራንቻታ ማጻፋ 2:13

Tumukka poo7oy dhumappe lo7iza mala aadho erateththika eeyateththafe aadhdhizayssa be7adis.

ኤራንቻታ ማጻፋ 9:18

Aadho erateththi ola miishshafe aadhdhees; gido attiin issi nagaranchchay daro lo7o miish dhayssees.

Maatosa 10:16

«Ta inttena dorsa mala kana suyteta giddora kiittays. Hessa gishshas shooshsha mala cinccatanne haraphphe mala ashketa gidite.

ኦሮሜ ኣሳስ 16:19

Intte mishiraachcho qaalas azazettizayta gididayssa asi wuri siyides; hessika tana daro ufayssides; gidikkoka intte lo7o hanos cinccata qasse iita oosos eeyata gidana mala ta koyays.

1ቆሮንቶሴ ኣሳስ 14:20

Ta ishatoo! Intte intte qofan guuththa nayta mala gidopite; iita oosos gidikko guuththa nayta mala gidite; qofan gidikko kaha kunththida asata gidite.

ዛሬ ማጻፋ 32:41

Wawaci giza ta giththa mashshaa leefana; ta kushey pirdas oykkana; ta morkketa bolla halo kessana; tana ixxizaytas ta istta ooso mala isttas immana.

ቆላሲያሴ ኣሳስ 4:5

Ammanontta asatara inttes diza hanoteththan aadho erateththan simerettite; inttes beettida lo7o qaadan go7ettite.

ያቆቤ ኪታ 1:5

Intte giddofe oonaska erateththi pacciko oonakka leqqontta ba kiyateththaara ubbaas immiza Xoossaa woosso; izaadeska imettana.