ዛሬ ማጻፋ 9:3 - Geeshsha Maxaafa

³ Gido attiin tama mala xuuggiza GODAA intte Xoossay izi inttefe sinththara bishin intte hach be7ana; intte gede sinththe sinththe gujjishin izi istta xooni xooni baana; hessa gishshas izi inttes immida hidota qaalaa mala intte istta dhoqallidi eeson gooddi dhayssana.

ጋሞ ማጻፋ

³ ጊዶ ኣቲን ታማ ማላ ጹጊዛ ጎዳ ኢንቴ ጾሳይ ኢዚ ኢንቴፌ ሲንራ ቢሺን ኢንቴ ሃች ቤኣና፤ ኢንቴ ጌዴ ሲን ሲን ጉጂሺን ኢዚ ኢስታ ጾኒ ጾኒ ባና፤ ሄሳ ጊሻስ ኢዚ ኢንቴስ ኢሚዳ ሂዶታ ቃላ ማላ ኢንቴ ኢስታ ቃሊዲ ኤሶን ጎዲ ይሳና።

ዛሬ ማጻፋ 9:3 ပူးပေါင်းရင်းမြစ်များ

ኬሳ ማጻፋ 23:23

Ta kiitanchchay inttefe sinththe biidi, inttena Amooreta biitta, Hiiteta biitta, Paarizeta biitta, Kanaaneta biitta, Hiiweta biittanne Yaabuseta biitta efana. Tani istta mulera dhayssana.

ኬሳ ማጻፋ 24:17

Isra7eele naytas GODAA bonchchoy zumaa xeeran eexxiza tama misatidi beettides.

ኢሳያሳ ቲንቢቴ 27:4

Tani hanqettike; tanara olettanaas agunththinne kindichchoy kezidaakko ta istta issi bolla xuuggana!

ኢሳያሳ ቲንቢቴ 30:27

Be7ite, GODAA sunththay eexxiza hanqora, shaara mala dhippi gida cuwara haakoppe yaana; iza metershati hanqon kumida; iza inxarsayka xuuggiza tama mala.

ኢሳያሳ ቲንቢቴ 30:30

GODAY eexxiza hanqoninne miza taman, gote carkoninne dadan, shachcha shuchchan, teemay kumida ba cenggurssaa asaa sissana; wodhdhishe ba qesaa izi bessana.

ኢሳያሳ ቲንቢቴ 30:33

Beni wodeppe doommidi Toofeete geetettiza xuuggizasoy giigetti uttides; kawozasikka giigetti uttides; xuuggana gongolozikka aahonne ciimma; iza giddon daro tamaynne eexxana miththi dees; GODAA peenoy diine tama mala eeththi kessana.

ኢሳያሳ ቲንቢቴ 33:14

Xiyoonen diza nagaranchchati dagammida; Xoossi isttas bayndayti babbidi, «Nu garsafe xuuggiza tamara daana dandayzay oonee? Mernaa tamara daana dandayzay oonee?» gida.

ሚኪያሳ ቲንቢቴ 2:13

Menththizay isttafe kaseti kezi baana; isttika pengeza menththidi kezi baana; istta kawoy Xoossay isttafe sinththe aadhdhi kaaleththana» gida.

Maatosa 15:10

Yesusi asaa baakko xeygidi, «Siyite wozinan woththite.

ማርቆሳ ሚሺራቾ 7:14

Qasseka Yesusi asaa baakko xeygidi, «Wurikka ta gizaa siyitenne wozinan woththite.

ኦሮሜ ኣሳስ 8:31

Histtiin hessa nu ay giinoo? Xoossi nunara gidikko nunara eqettanaas dandayzay oonee?

ኤፌሶኔ ኣሳስ 5:17

Hessa gishshas eeyata gidopite; Godaa sheney aazakko yuushshi qopite.

ዛሬ ማጻፋ 1:30

Inttefe sinththara biza GODAA intte Xoossay kase intte ayfen be7ishin Gibxeta bolla ooththoyssa mala ha7ikka izi intte gishshas olettana.

ዛሬ ማጻፋ 20:1

Intte intte morkketa olana bishin para-gaaretinne toga asati inttefe daro gidikko hessa be7idi dagammofte; gaasoykka inttena Gibxeppe kessida GODAA intte Xoossay inttenara diza gishshas babbofte.

ዛሬ ማጻፋ 20:4

GODAA intte Xoossay intte morkketa olanaas inttenara biza gishshas izi inttena xoonisana» go.

ዛሬ ማጻፋ 4:24

Gaasoykka GODAA intte Xoossay xuuggiza tamanne qanaatiza Xoossa.

ዛሬ ማጻፋ 7:16

GODAA intte Xoossay intte kushen aaththi immida dereta ubbaasikka qadhettontta dhayssite; inttes woximade gidontta mala istta eeqa xoossatas goynnofte.

ዛሬ ማጻፋ 7:22

GODAA intte Xoossay hayta kawoteththata guuththara guuththara shoddi kessana; intte istta ubbaa issito dhayssofte; intte issito dhayssiko biitta bolla do7ay daridi inttena waayisana.

ዛሬ ማጻፋ 9:6

GODAA intte Xoossay ha lo7o biittaa inttena laatissizay intte xilloteththaa gishshas gidenna; gaasoykka intte wozinay muume.

2ታሶሎንቄ ኣሳስ 1:8

He wode Xoos erontta asatanne Godaa Yesus Kirstoosa Mishiraachcho qaalaas azazettontta asata bolla izi ba halo kessana.

Ibirawe 12:29

Nu Xoossay xuuggiza tama mala.

ኢያሶ ማጻፋ 11:12

GODAA aylle Musey azazida mala Iyaasoy he katamatanne istta kawota ubbaa dhayssides; giththa mashshankka siifides.

ኢያሶ ማጻፋ 11:8

GODAY istta Isra7eeleta kushen aaththi immides; histtiin Isra7eeleti istta xoonidi gita Sidoona biitta efiza ogera, Masirafoote-Mayma gakkanaas qasseka arshey mokkiza baggara Mixiphpha shoobbaa gakkanaas yedeththida. Isttafe issi asikka shemppora paxa attibeenna.

ኢያሶ ማጻፋ 14:12

Hessa gishshas GODAY taas immana gida ha gezze biittaa ha7i taas imma. He wode Enaaqeti he biittaan dizayssanne istta katamatikka gitanne gimbettidayta gididayssa ne siyadasa; gido attiin GODAY tanara gidikko izi gida mala tani istta he biittafe yedeththana» gides.

ኢያሶ ማጻፋ 3:11

Sa7a ubbaa GODAA Caaqo Qaalaa Taabotay inttefe sinththatidi Yordaanoose shaafaa gelana.

ኢያሶ ማጻፋ 3:14

Asay Yordaanoose shaafaa pinnanaas ba dunkaaneppe kezida wode Caaqo Qaala Taabotaa tookkida qeeseti asaappe sinththati bida.

ዳናታ ማጻፋ 4:14

Dibooray Baraaqe «Denda! Hekko hach GODAY Sisaara ne kushen aaththi immiza gallassa. Beya! GODAY neeppe sinththati bees» gadus; Baraaqey tammu shii asaa kaaleththidi Taaboore zuma bollafe wodhdhides.