ዛሬ ማጻፋ 8:8 - Geeshsha Maxaafa

⁸ He biittaya gistteynne banggay, woyneynne balasey, oroomaaneynne wogara ayfey, qasseka eessi kumida biitta.

ጋሞ ማጻፋ

⁸ ሄ ቢታያ ጊስቴይኔ ባንጋይ፥ ዎይኔይኔ ባላሴይ፥ ኦሮማኔይኔ ዎጋራ ኣይፌይ፥ ቃሴካ ኤሲ ኩሚዳ ቢታ።

ዛሬ ማጻፋ 8:8 ပူးပေါင်းရင်းမြစ်များ

ሜቴ ማጻፋ 49:11

Izi ba hare kaththa giddon ba hare gutteka doorettida kaththan qachchana. Izi ba haath woyne ushshan, ba may7o qasse woyne maadhan meeccana.

2ሳሜላ ማጻፋ 4:6

Gistte koyza as misatidi keeththa giddo gelidi izas ulon caddida. Hessafe guye Erekaabeynne iza isha Ba7aanay luushu gi kezi bida.

1ካዎታ ማጻፋ 5:11

Solomooneykka kawo Kiraame kawoteththa keeththan diza asatas qallaba gidana mala 20,000 konttaale gisttenne muuruta wogara zayte 400,000 litiro layththan layththan pacey baynda Kiraames shiishshees.

2ካዎታ ማጻፋ 18:32

Hessika hananay tani inttena gede intte biittayo misatiza soho kaththinne woyne ushshi, daabboynne woyne atakiltey, wogara miththinne eessi dizasota inttena gelththana gakkanaassa; intte hayqo aggidi de7o doorite› gees. Hizqiyaasi nuna GODAY ashshana giidi inttena baleththiza gishshas intte izi gizayssa siyopite.

ዬ ማጻፋ 147:14

Izi ne zawa saroteththan naagees; nena keehippe lo7iza gistte kalssees.

ዬ ማጻፋ 81:16

Gido attiin tani inttena muuruta gistte mizana; qasse zaallaafe inttena ees kalssana» gishin siyadis.

ኢሳያሳ ቲንቢቴ 7:23

He wode issi shii biran washettiza issi shii woyne turati tokettidasohoti ubbay agunththinne kindichcho xalla gidana.

ኤርማሳ ቲንቢቴ 2:7

Intte izi ayfenne izi anjjo maana mala tani inttena aradda biitta ehadis; gido attiin intte yiidi ta biitta tunisideta; ta xinxxoyo harasettana mala ooththideta.

ኤርማሳ ቲንቢቴ 5:17

Istti intte kaththaanne qumaa pitti maana. Intte attuma naytanne macca nayta wodhana. Intte dorsanne miizaa bonqqidi maana. Intte woyne teeranne balase teera bonqqidi maana. Intte ammanettiza gimbettida katamatakka istti bantta mashshan dhayssana» gees.

ሂዚቄላ ቲንቢቴ 27:17

«Yuhudaynne Isra7eeleykka attontta nenara zal7en gayttida; istti Miniteppe yida gistte, malido, ees, zaytenne balasaane geetettiza dhalliza zayte ne shaqacezara laammeettes.

ሆሴኤ ቲንቢቴ 2:22

Biittay kath, woyne ushshunne zayte immana; isttika Izra7eeles zaaro gidana.

ሆሴኤ ቲንቢቴ 2:8

Tani izis kase kath, woyne ushshinne wogara zayte immidayssanne qasseka iza ba7aale geetettiza eeqa xoossas yarsho biranne worqqa izis darssiday tana gididayssa iza shaakka erabeekku.

ሚኪያሳ ቲንቢቴ 4:4

Issi asi ba woyne miththa garsankka ba balase miththa garsan uttana; istta babisiza miishshi deenna; Ubbaafe wolqqama GODAA doonay hayssa yootides.

ኢምባቆ ቲንቢቴ 3:17

Balase geetettiza miththay ayfontta aggikokka woyne miththafe ayfey beettontta aggiko wogara miththika ayfontta aggiko goshsha gadey kath immontta aggiko Dorsi yiren dontta aggikokka Miizi zedhen dontta aggikokka

ታይቦ ማጻፋ 13:23

Istti heera aadhdhidi gede Eshkoole shoobba gakkida; heeppeka woyne miththa ayfera diza hagga qanxxi ekkidi he woyne miththaa ayfeppe issi wurco issaadey barkka tookkanaas dandayontta deexo gidida gishshas nam7u asati miththan aaththi tookkida; izara issife oroomaane miththa ayfenne balase miththa ayfe ekki yida.

ዮሃኒሳ ሚሺራቾ 6:13

Isttika asay mishin ichchashu ukeththaafe attida tammanne nam7u leemate kumeth shiishshida.

ዮሃኒሳ ሚሺራቾ 6:9

«Ichchashu bangga ukeththinne nam7u mole oykkida issi nay hayssan dees. Gido attiin hanna hayssa ha derezas ay gidanee?» gides.

ዛሬ ማጻፋ 32:13

«Dhoqqa sohon iza woththides; biittafe mokkida kaththa ayfe iza mizides; zaallafe beettida ees ushshides; shuchcha biittan mokkida wogara zayte mizides.

ዛሬ ማጻፋ 32:14

Miizappe dorsafenne deysha wudeppe beettiza maaththaninne oys Baasaane dereppe beettiza ohala laaqqata, modhdho dharshota, wofanotanne deyshata, lo7o gistte daabbora istta mizides. Intte iza dereti zo7o woyne miththa ayfeppe, giigida woyne ushshu uyideta.

ዛሬ ማጻፋ 6:3

Intteno Isra7eele asawu! Ubba miishshi inttes lo7o gidana mala, GODAA intte aawata Xoossay inttes gidayssaththo maaththinne eessi goggiza biittaan intte keehi corattana mala ha azazota siyitenne minni ooththite.

ዛሬ ማጻፋ 8:7

Gaasoykka GODAA intte Xoossay inttena shoobbafenne zumbullatappe pultti goggiza qeeri shaafatinne pulttiza pulttoti diza lo7o biittaa gelththanaas ehides.

ዛሬ ማጻፋ 8:9

He biittayakka intte pacey baynda kath miza biittanne inttes aykkoyka paccontta biitta; he biittayn diza shuchchatappe biratay, zumbullafe xarqimalay beettees.