ዛሬ ማጻፋ 8:17 - Geeshsha Maxaafa

¹⁷ Hessa gishshas, «Nuni nu wolqqaninne nu minoteththan duretidos» gi qoppofte.

ጋሞ ማጻፋ

¹⁷ ሄሳ ጊሻስ፥ «ኑኒ ኑ ዎልቃኒኔ ኑ ሚኖቴን ዱሬቲዶስ» ጊ ቆፖፍቴ።

ዛሬ ማጻፋ 8:17 ပူးပေါင်းရင်းမြစ်များ

ኢዮቤ ማጻፋ 31:25

‹Taas diza aqoy darides; Tani dureteththafe dendidayssan daro miish demmadis› gaada ufayetta erikke.

ዬ ማጻፋ 44:3

Istti bantta mashshan olidi he biitta oykkibeettenna; istti xooniday ba qese minoteththan gidenna. Gido attiin neni isttan ufayettida gishshas ne ushachcha kushey, ne qeseynne ne sinththa poo7o wolqqay hessa ooththides.

ኤራንቻታ ማጻፋ 3:6

Koyanaas wodey dees; agganaaskka wodey dees. Shiishshi oykkanaas wodey dees; kessi olanaaska wodey dees.

ኤራንቻታ ማጻፋ 9:11

Tani salo gufanththon hara miish be7adis; woththan xoonoy pilatatas olan xoonoy wolqqamatas gidenna; kaththi aadho eranchchatas, dureteththi kiphatanchchatas, sabay eranchchatas gidenna; gido attiin ubbatikka wodeynne qaaday gaththida mala haneettes.

ኤርማሳ ቲንቢቴ 9:22

Hessa gishshas GODAY tana, « ‹Asa ahay buura mala demban laalettana; kath shiishshizayti guyen aggida pushulo mala attana; istta oonikka shiishshenna› ga» giidi azazides.

ሂዚቄላ ቲንቢቴ 28:5

Ne zal7e ooso erateththan keeha bida gishshas, aqota bolla aqota dagasadasa; ne aqota daroteththafe dendidayssan ne wozinay otoron kumides gaada yoota.

ዳኔላ ቲንቢቴ 4:27

Hessa gishshas kawoo! Tani ta baggara nena zorizayssa siya; neni nagara ooso agga; suure ooso ubba wode ooththa; ne iita ooso aggada qohettizaytas qadhetta; hessaththo ne ooththiko ne saron duussa layththay aduqqontta aggenna» gides.

ዳኔላ ቲንቢቴ 4:30

«Ta mino wolqqan ta bonchchos kawos duussaso gidana mala ta oosisida gita Baabiloone katamaya hanno gidekkee?» gides.

ሆሴኤ ቲንቢቴ 12:8

Efreemey, ‹Tani dure; ta duretadis; taas hayssi ubbay dishin ay qohoykka woykko nagaray ta bolla gakkenna› gi ceeqettees.

ኢምባቆ ቲንቢቴ 1:16

Hessankka shempidi diza gishshassinne izi miza qumay modhdho gidida gishshas ba oykkida gitezas yarsho yarshees; qasseka ba shiishshizasozas exaane cuwasees.

1ቆሮንቶሴ ኣሳስ 4:7

Neni aazan aadhdhay? Neni harappe ekkontta attida miishshi aazee? Histtiin ne wursaka ekkiday hara asappe gidikko hara asappe ekkontta asa mala aazas ceeqettay?

ዛሬ ማጻፋ 7:17

Intte intte wozinan, «Ha kawoteththati nuuppe minneettes; histtiin nu istta wostti dhayssanee?» giidi qoppontta aggeketa.

ዛሬ ማጻፋ 9:4

GODAA intte Xoossay istta intte sinththafe gooddidaappe guye intte, «GODAY nuna ha biittaa ehiday nuni lo7o ooso ooththida gishshassa» giidi qoppofte; GODAY istta intte sinththafe gooddi kessizay istta iitateththaa gishshassa.

ዳናታ ማጻፋ 7:2

GODAY Geedoone, «Midiyaame dere asaa tani intte kushen aaththa immontta mala nenara diza asay darides; Isra7eele asay, ‹Nu wolqqan attidos› giidi ta bolla ceeqettontta mala Midiyaame dere asaa tani isttas aaththa immike.

1ሳሜላ ማጻፋ 2:7

GODAY manqeththeessinne duresees; kawushsheessinne gitasees.

1ሳሜላ ማጻፋ 30:23

Dawiti zaaridi, «Ta ishatoo! Nuna naagiday, nu bolla yida olaa nu kushen aaththi immiday GODAA; izi nuus immida miishshan intte hayssaththo ooththanaas bessenna.