ዛሬ ማጻፋ 7:18 - Geeshsha Maxaafa

¹⁸ Gido attiin intte isttas yayyofte; GODAA intte Xoossay Gibxe kawo bollanne he dere asaa ubbaa bolla ooththidayssa yuushshi qopite.

ጋሞ ማጻፋ

¹⁸ ጊዶ ኣቲን ኢንቴ ኢስታስ ያዮፍቴ፤ ጎዳ ኢንቴ ጾሳይ ጊብጼ ካዎ ቦላኔ ሄ ዴሬ ኣሳ ኡባ ቦላ ኦዳይሳ ዩሺ ቆፒቴ።

ዛሬ ማጻፋ 7:18 ပူးပေါင်းရင်းမြစ်များ

ዬ ማጻፋ 105:5

Intteno iza aylle Abrahaame zereththatoo! Doorettida Yaaqoobe naytoo! Izi ooththida malalisiza oosota, iza malaatanne izi pirdida pirda akeekite.

ዬ ማጻፋ 77:11

GODAWU! Ne oosota tani qoppana; neni beni wode ooththida malalisiza oosota ubbaa ta yuushsha qoppana.

ዬ ማጻፋ 77:12

Ne ooththida ubbaa tani zaara zaarada qoppana; ne wolqqama oosota ubbaa tani akeekana.

ዬ ማጻፋ 78:11

Istti izi ooththida ooso balida; izi istti bessida malalisiza hanotakka dogida.

ታይቦ ማጻፋ 13:9

Biniyaame zarkkefe Eraafo naa Palixe,

ታይቦ ማጻፋ 21:34

GODAY Muses, «Hayssa addezas babbofa! Iza asaanne iza dereza ta nees aaththa immana; kase Haseboonen de7ishe Amooreta haariza kawo Sihoone bolla ne ooththoyssaththo hayssa bollaka ooththa» gides.

ዛሬ ማጻፋ 1:21

He dereyo hanno be7ite! GODAY nu aawata Xoossay beni azazida mala intte gelidi izo laattite; baboftenne hidota qanxxofte› ga yootadis.

ዛሬ ማጻፋ 1:29

«Gido attiin tani inttes, ‹Hayta ha asatas baboftenne dagammofte.

ዛሬ ማጻፋ 1:30

Inttefe sinththara biza GODAA intte Xoossay kase intte ayfen be7ishin Gibxeta bolla ooththoyssa mala ha7ikka izi intte gishshas olettana.

ዛሬ ማጻፋ 20:1

Intte intte morkketa olana bishin para-gaaretinne toga asati inttefe daro gidikko hessa be7idi dagammofte; gaasoykka inttena Gibxeppe kessida GODAA intte Xoossay inttenara diza gishshas babbofte.

ዛሬ ማጻፋ 3:6

Haseboone kawo Sihooneppe nu ekkida katamata bolla nu ooththidayssaththo ha katamatakka ubbaa dhayssidos; attuma asaa, maccassaanne naytakka ashshontta ubbaa dhayssidos.

ዛሬ ማጻፋ 31:5

GODAY istta inttes aaththi immana; inttenikka ta inttena azazida mala istta bolla ooththana.

ዛሬ ማጻፋ 31:6

Inttes murttateththinne xalateththi de7o; isttas mulekka babboftenne dagammofte; GODAA intte Xoossay inttenara dees; izi inttena yeggi aggenna» gides.

ኢያሶ ማጻፋ 8:1

GODAY Iyaasos, «Yayyofa; dagammofa! Olanchchata ubbaa nenara ekkada, Aye katama baada ola. Hekko Aye katama kawo, iza deraa, iza katamaanne iza biittaa tani ne kushen aaththa immadis.

ዳናታ ማጻፋ 6:13

Geedoonikka iza, «Ta godoo! GODAY nunara dizaa gidikko ha meto ubbay nuna ays gakkidee? Nu aawati, ‹GODAY nuna Gibxe biittafe kessides› giidi nuus yootida malalisiza iza oosoti ubbay awan dizoo? Ha7i gidikko GODAY nuna mulekka aggides; Midiyaame asaa kushenkka aaththi immides» gides.