ዛሬ ማጻፋ 6:4 - Geeshsha Maxaafa

⁴ Isra7eele asatoo! Intte hayssa akeekite! GODAA nu Xoossay izi xalla Xoossa.

ጋሞ ማጻፋ

⁴ ኢስራኤሌ ኣሳቶ! ኢንቴ ሃይሳ ኣኬኪቴ! ጎዳ ኑ ጾሳይ ኢዚ ጻላ ጾሳ።

ዛሬ ማጻፋ 6:4 ပူးပေါင်းရင်းမြစ်များ

1ካዎታ ማጻፋ 18:21

Eelaasi shiiqida asaakko biidi, «Intte ayde gakkanaas nam7u qofan daanee? GODAY Xoossa gidikko iza kaallite! Woykko Ba7aaley Xoossa gidikko iza kaallite» gides. Derezi gidikko issi qaalakka qaattibeenna.

2ካዎታ ማጻፋ 19:5

Kawo Hizqiyaasa shuumeti Isayaasakko yida wode,

1ታሪኬ ማጻፋ 29:10

Hessa gishshas Dawiti duulata shiiqida asaa sinththan, «Abeet nu aawa GODAA Isra7eele Xoossawu! Merippe mernaa gakkanaas nees galatay gido.

2ታሪኬ ማጻፋ 17:9

Istti ubbay GODAA Wogaa Maxaafaa banttanara ekkidi Yuhuda biittan de7iza katamata ubbaa biidi yaan asaa tamaarsida.

ናሂሚያ ማጻፋ 9:6

Hessafe guye Isra7eele asay, «Xoossoo, ne xalla Goda; Salonne salo bolla dizayta, sa7anne sa7a bolla dizayta, gita abbanne iza giddon dizayta ubbaa medhdhiday nena. Ubbaas de7o shemppo immadasa; Salo medheteththati ubbay nees goynneettes.

ዬ ማጻፋ 78:5

Izi Yaaqoobe zaretas azazo, Isra7eele asaas woga immides; kase nu aawati bantta nayta he wogata tamaarsana mala azazides.

ዬ ማጻፋ 86:10

Neni gita; malalisiza miish ooththaasa. Neni xalla Xoossa.

ኢሳያሳ ቲንቢቴ 42:8

«Tani GODAA; hayssi ta sunththa; ta bonchcho haras aaththa immike; ta galataakka eeqa xoossatas sheedhdhike.

ኢሳያሳ ቲንቢቴ 44:6

Isra7eele kawoynne istta wozzizay, GODAY Ubbaafe Wolqqama Xoossay, «Koyroy tana; wurseththika tana. Taappe hara Xoossi baawa.

ኢሳያሳ ቲንቢቴ 44:8

Yayyofte; dagammofte. Hayssa tani inttes yootabeekkinaa? Beniisofe ta inttena erisabeekkinaa? Hessas intte ta markkata. Taappe attiin hara xoossi dizee? Mulekka deenna; woykko hara Zaallay dizee? Deenna; ta oonakka erikke» gees.

ዛካራሳ ቲንቢቴ 14:9

He wode GODAY biitta ubbaa bolla kawotana; he wode GODAY issaa xalla; iza sunththayka issaa gidana.

Maatosa 22:37

Izikka zaaridi, « ‹Ne Godaa Xoossa ne kumeththa wozinappe, ne kumeththa shemppofe, ne kumeththa qofappe dosa.›

ሉቃሳ ሚሺራቾ 10:27

Addezi zaaridi, «Ne Godaa Xoossaa ne kumeththa wozinappe, ne kumeththa shemppofe, ne kumeththa wolqqafenne ne kumeththa qofappe siiqa; ne laggeka ne hu7e mala siiqa gees» giidi zaarides.

ዮሃኒሳ ሚሺራቾ 10:30

Taninne ta aaway nu issino» gides.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ኦሮሜ ኣሳስ 3:30

Qaxxarettidayssa ammanon qasse qaxxarettonttayssaka he ammanonkka xillisizaykka izi issi Xoossaa xalla.

ኤፌሶኔ ኣሳስ 4:6

Ubbaafe bollara gididay, ubbaa bolla ooththizay, ubbason dizay, ubbaas Aawaa gidida issi Xoossi dees.

ዛሬ ማጻፋ 4:39

«Hessa gishshas salonkka sa7ankka GODAY izi xalla Xoos gididayssanne izappe hara Xoossi bayndayssa erite; intte wozinan woththite.

ዛሬ ማጻፋ 5:6

‹Neni kase aylleteththan haaretta diza Gibxe dereppe nena wozza ekkiday tana GODAA ne Xoossaa.

1ጺምቶሳስ 2:5

Issi Xoossi xalla dees; qasseka Xoossassinne asas giddon issi giigsiza gaannay dees; izikka as gidida Yesus Kirstoosa.

ያቆቤ ኪታ 2:19

ne, «Issi Xoossi dizayssa ammanaasa» hessika lo7o; daydanththatikka hessa mala ammaneettessinne keehi kokkoreettes.