ዛሬ ማጻፋ 6:2 - Geeshsha Maxaafa

² Intte he biittayn adussa layth daana mala intte, intte naytinne intte nayta nayti bantti diza wode ubbaan Xoossas yayyanaassinne ta immida azazota, maaratanne wogata ubbaa naaganaas bessees.

ጋሞ ማጻፋ

² ኢንቴ ሄ ቢታይን ኣዱሳ ላይ ዳና ማላ ኢንቴ፥ ኢንቴ ናይቲኔ ኢንቴ ናይታ ናይቲ ባንቲ ዲዛ ዎዴ ኡባን ጾሳስ ያያናሲኔ ታ ኢሚዳ ኣዛዞታ፥ ማራታኔ ዎጋታ ኡባ ናጋናስ ቤሴስ።

ዛሬ ማጻፋ 6:2 ပူးပေါင်းရင်းမြစ်များ

ሜቴ ማጻፋ 18:19

Xilloteththinne suure ooso ooththidi GODAA oge naagana mala ba naytanne baappe guye ba soo asaa izi zorana mala tani iza dooradis; hessika GODAY Abrahaames immana gidayssa ubbaa polanaassa» gides.

ሜቴ ማጻፋ 22:12

«Naaza bolla ne kushe woththofa; iza aykkoka ooththofa; neni ne mexi issi naazakka tana diggontta gishshas neni Xoossas yayyiza as gididayssa tani ha7i eradis» gides.

1ካዎታ ማጻፋ 8:40

Histtiko neni nu aawatas immida biittaan diza wode ubbaan istti nees yayyana.

ኢዮቤ ማጻፋ 28:28

He wode asas, ‹Hekko erateth guussi Xoossas yashshateththa; akeeka guussi iitappe haako› gides.»

ዬ ማጻፋ 111:10

Aadho erateththas koyroy GODAAS yashshateththa; iza azazo ooththizaytas lo7o akeekay dees. GODAY mernaas galatetto!

ዬ ማጻፋ 128:1

GODAAS yayyizaytinne iza ogen hemettizayti ubbay anjjettidayta.

ዬ ማጻፋ 91:16

Tani iza layththaa adussana; ta ashshizaade gididayssa ta iza bessana» gees.

ኬሳ ማጻፋ 20:12

«GODAA ne Xoossay nees immiza biittan ne daro layth daana mala, ne aawaanne ne aayo bonchcha.

ኬሳ ማጻፋ 20:20

Musey asaas, «Xoossi inttena paaccanaas, iza yashshi intte wozinan kumiin intte nagara ooththontta mala yida gishshas babbofte» gides.

ሌሚሶ ማጻፋ 16:6

Siiqoninne ammaneteththan nagaray atto geetettees; GODAAS yashshateththan asi iitappe haakkees.

ሌሚሶ ማጻፋ 3:16

Iza ushachcha kushen adussa layth, hadirsa kushen aqotanne bonchcho oykkadus.

ሌሚሶ ማጻፋ 9:11

Ta gaason nees barey aduqqana; nees de7o layththayka gujettana.

ኤራንቻታ ማጻፋ 12:13

Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ኤርማሳ ቲንቢቴ 32:39

Isttassinne isttafe guye istta naytas lo7o gidana malanne istti taas ubba wode yayyana mala tani isttas issi wozinanne issi qofa immana.

ሂዚቄላ ቲንቢቴ 20:19

GODAY tani intte Xoossa. Ta maara kaallite; ta wogaa naaganaas minnite.

ሉቃሳ ሚሺራቾ 12:5

Gido attiin intte babbanaas bessizay oonakko ta inttena bessana; asho wodhidaappe guye ashonne shempo issife gaththi Gaanname taman yegganaas dandayzayssas babbite; ee izas babbite gays.

ዛሬ ማጻፋ 10:20

GODAA intte Xoossaas yayyite; izas xalla goynnite; izan ammanettidi iza sunththan caaqqite.

ዛሬ ማጻፋ 11:9

Intte iza azazota naagikko GODAY kase intte aawatassinne istta zereththatas immanaas caaqqida eessinne maaththi kumida he lo7o biittayn intte daro layth daana.

ዛሬ ማጻፋ 13:4

GODAA intte Xoossaa kaallite; izas xalla yayyite; iza azazota naagite; iza qaala siyite; izas xalla goynnite; inttes izara diza issifeteththi mino gido.

ዛሬ ማጻፋ 22:7

Ciyeta neso ekka baanaas dandayaasa; aayeyo gidikko iza piradhdha baana mala yedda; neni hessaththo ooththiko nees lo7o gidananne ne daro layth daana.

ዛሬ ማጻፋ 30:19

Tani intte sinththan de7onne hayqo, anjjonne qanggeth woththidayssas hach salonne sa7aa intte bolla markkasays; hessa gishshas intteninne intte zareti de7on de7ana mala de7o doorite.

ዛሬ ማጻፋ 30:20

GODAA intte Xoossaa siiqite; iza qaala siyite; izakko shiphi giite; hessaththo hanikko GODAY kase intte aawatas, Abrahaames, Yisaaqassinne Yaaqoobes immanaas caaqqida biittan intteninne intte nayti adussa layth de7ana.

ዛሬ ማጻፋ 4:10

Siina zumaa bolla GODAA intte Xoossaa sinththan intte eqqida wode izi tana, ‹Intte de7iza wode ubbaan istti taas yashshateth taamarana mala, bantta naytakka tamaarsana malanne ta qaalaa siyana mala deraa taakko shiishsha› gidayssa akeekite.

ዛሬ ማጻፋ 4:40

Inttessinne inttefe guyen yaana intte zereththaas lo7o gidana mala qasse GODAA intte Xoossay mernaas inttes immiza xinxxoyn intte layththi aduqqana mala tani hach inttena azaziza wogaanne maaraa naagite» gides.

ዛሬ ማጻፋ 4:9

«Histtiko intte diza wode ubbaan hayssa intte intte ayfera be7idayssa ubbaa balontta malanne intte wozinappe dhayontta mala naagettite; intte naytanne intte nayta naytakka tamaarsite.

ዛሬ ማጻፋ 5:16

« ‹Tani GODAA ne Xoossay nena azazida mala ne aawaanne ne aayo bonchcha; ne hessaththo ooththiko GODAA ne Xoossay nees immiza biittayn ne layththi aduqqananne nees injjetana.

ዛሬ ማጻፋ 5:33

Ubba miishshi inttes lo7o gidana malanne intte laattana biittayn inttes layththay aduqqana mala Xoossi inttena azazidayssa ubbaa polite» gides.

ዛሬ ማጻፋ 6:1

Intte pinni biidi laattanaas biza biittaan intte ooththana malanne tani inttena tamaarsana mala GODAA intte Xoossay tana azazida azazoti, wogatinne maarati hayta.

ዛሬ ማጻፋ 6:24

Hessafe guye hach hanidayssaththo nuus ubba wodekka lo7o gidana malanne nuni shemppora paxa de7ana mala, nuni azazota, wogatanne maarata naagana malanne GODAA nu Xoossaas yayyana mala azazides.

ዛሬ ማጻፋ 6:7

Hayta azazota ne nayta tamaarsa; neni neson uttiza wode gidiin oge bashekka, ichchiza wode gidiin beeggiza wode ubbaan haytantta akeekashe yuushsha qoppa.

ኢያሶ ማጻፋ 4:24

Hessaththo izi ooththiday sa7an diza asay wuri GODAA wolqqay ay mala gitakko eranaassinne intteka GODAAS intte Xoossaas mernaas yayyanaassa» gides.

1ጴጽሮሳ ኪታ 1:17

Oonakka dumma shaakki maaddontta issaas issaas izaade ooso mala pirdiza Xoossaa, «Izi nu Aawaa» giidi intte xeygikko hayssa alamezan intte imaththenne bete as gididi diza wode ubbaan izas babbite.