ዛሬ ማጻፋ 5:32 - Geeshsha Maxaafa

³² «Isra7eele asawu! GODAA intte Xoossay inttena azazidayssa ubbaa polanaas giigettite; isttafe issinoyokka menththofte.

ጋሞ ማጻፋ

³² «ኢስራኤሌ ኣሳዉ! ጎዳ ኢንቴ ጾሳይ ኢንቴና ኣዛዚዳይሳ ኡባ ፖላናስ ጊጌቲቴ፤ ኢስታፌ ኢሲኖዮካ ሜንፍቴ።

ዛሬ ማጻፋ 5:32 ပူးပေါင်းရင်းမြစ်များ

2ካዎታ ማጻፋ 17:37

Izi inttes xaafida maaratanne zoreta, wogatanne azazota ay wodekka lo7eththi naagite. Hara eeqa xoossatas goynnofte.

2ካዎታ ማጻፋ 21:8

Gidikkoka tani istta azazidayssa ubbaaka istti minni polettonne ta aylle Musey kase isttas immida wogaza istti poli naagetto attiin hayssafe guye Isra7eele asaa kase istta aawatas immida biittafe istti kezidi waayettana mala ta ooththike» gida qaalay hayssa ha sohoza gishshassa.

2ካዎታ ማጻፋ 22:2

Iyosiyaasi GODAA sinththan lo7o ooththides; kase iza aawa Dawiti bida ogera bides; hadirsika ushachchika gibeenna.

ዬ ማጻፋ 125:5

Gido attiin kase ba geella oge simmizayta neni iita ooththizaytara issife gaththa qaxxaya; Isra7eeles saroy gido!

ዬ ማጻፋ 19:12

Ba bala demmizay oonee? Abeet GODAWU! Geemmida nagarappe tana geeshsha.

ዬ ማጻፋ 80:19

Abeet Ubbaafe Wolqqama Xoossawu! Nuna zaara; nuni attana mala ne ayfeso nuus poo7isa.

ሌሚሶ ማጻፋ 3:2

Istti ne layth adussana; ishalo de7onne saroteth nees gujjana.

ሌሚሶ ማጻፋ 4:27

Ushach hadirsi gooppa; ne toho iitappe naaga.

ኢሳያሳ ቲንቢቴ 30:21

Intte hadirs woykko ushach giikko intte guyera, «Ogezi hayssa; izara biite» gizayssa intte hayththi siyana.

ሂዚቄላ ቲንቢቴ 20:19

GODAY tani intte Xoossa. Ta maara kaallite; ta wogaa naaganaas minnite.

ሂዚቄላ ቲንቢቴ 37:24

« ‹Ta aylle Dawiti istta bolla kawotana; ubbaasikka issi heenththanchchay daana; istti ta wogaa kaallana; ta maaraakka minththi naagana.

ዛሬ ማጻፋ 11:32

ta inttes hach immiza wogaanne maaraa ubbaa lo7eththi naagite.

ዛሬ ማጻፋ 12:32

Hessa gishshas ta inttena azazida azazo ubbaa ooththite; istta bolla aykkoka gujjofte; qasseka isttafe issinokka pacisopite.

ዛሬ ማጻፋ 17:11

Istti inttena tamaarsida wogaanne pirda mala ooththite; istti pirdida pirdafe hadirsinne ushach goopite.

ዛሬ ማጻፋ 17:20

Histtiko izi ba wozinan, «Tani ta laggetappe aadhdhays» giidi Isra7eele asaa bolla otorettenna; GODAA ba Xoossaa wogappe hadirsinne ushach geenna; izi daro layth kawotana; iza naytikka Isra7eele biittan daro layth kawotana.

ዛሬ ማጻፋ 24:8

Issaafe issaan aadhdhiza galba hargefe keehi naagettite; tani istta azazida mala Lewe qommo gidida qeeseti inttes immiza wogata lo7eththi naagite.

ዛሬ ማጻፋ 28:14

Tani nees hach immida ha azazotappe kare kezada eeqa xoossatas goynnanaassinne isttas ooththanaas bessenna.

ዛሬ ማጻፋ 29:8

Nuni istta biittaa nuus ekkidos; Oroobeele qommotas Gaade qommotassinne Minaase qommotappe baggaytas shaakki shaakki isttas xinxxo gidana mala immidos.

ዛሬ ማጻፋ 6:17

Izi inttena azazida azazota, wogatanne maarata ubbaa lo7eththi naagite.

ዛሬ ማጻፋ 6:25

GODAA nu Xoossay nuna azazida mala iza azazota ubbaa nu naagikko hessi nuus xilloteth gidana» giite.

ዛሬ ማጻፋ 6:3

Intteno Isra7eele asawu! Ubba miishshi inttes lo7o gidana mala, GODAA intte aawata Xoossay inttes gidayssaththo maaththinne eessi goggiza biittaan intte keehi corattana mala ha azazota siyitenne minni ooththite.

ዛሬ ማጻፋ 8:1

Intte shemppora paxa daana mala, intte qooday darana malanne GODAY kase intte aawatas immanaas caaqqida biittayo laattanaas intte dandayana mala hach ta inttes immiza azazoyo ammanettidi naagite.

ኢያሶ ማጻፋ 1:7

Aykkoy baa; neni mino xalla minna; ta aylle Musey nees immida wogaza ubbaa lo7eththa azazetta; ne bidaso ubbaan giiga gidana mala hadirs ushach gooppa.

ኢያሶ ማጻፋ 23:6

«Minnite! Hadirsinne ushach goopite; Muse Woga Maxaafan xaafettida ubbaa naaganaassinne ooththanaas keehippe minettite.

2ጴጽሮሳ ኪታ 2:21

Istti xilloteththa oge shaakki eridaappe guye isttas imettida geeshsha azazozappe guye simmanaappe istti kase he xilloteththa ogeza erontta aggidaakko isttas lo7okkoshin.